Allahverdi Ələkbərov

Allahverdi Əkbərov
Fayl:Allahverdi Əkbərov.jpg
Şəxsi məlumatlar
Doğum tarixi	15 fevral 1987
Doğum yeri	Ucar ş., Azərbaycan
Vəfat tarixi	11 noyabr 2020 (33 yaşında)
Vəfat yeri	Mingəçevir, Azərbaycan
Dəfn yeri	Ucar Şəhidlər Xiyabanı[d]
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Xüsusi Təyinatlı Qüvvələr
Xidmət illəri	2006–2020
Rütbəsi	Gizir
Döyüşlər	Vətən müharibəsi  • Suqovuşan döyüşləri  • Füzuli döyüşləri  • Hadrut döyüşləri  • Qubadlı döyüşləri
Təltifləri

Allahverdi Əkbərov (tam adı: Allahverdi İsmayıl oğlu Əkbərov; 15 fevral 1987, Ucar – 11 noyabr 2020, Mingəçevir) — Azərbaycan Silahlı Qüvvələrinə daxil olan Xüsusi Təyinatlı Qüvvələrin giziri, İkinci Qarabağ müharibəsinin şəhidi.

Həyatı

Allahverdi Əkbərov 1987-ci il 15 fevral tarixində Ucar şəhərində anadan olub. 1994-2005-ci illərdə Ucar şəhəri 14 nömrəli tam orta məktəbdə təhsil almışdır.

Ailəsi

Ailəli idi, üç övladı yadigar qalıb.

Hərbi fəaliyyəti

2015-ci il avqust ayından dekabr ayına qədər Azərbaycan Respublikasının Müdafiə Nazirliyinin Təlim Tədris Mərkəzində gizir kimi təkmilləşdirmə kursunu keçərək Azərbaycan ordusunda xidmətə başlamışdır. 2017-ci ildə Azərbaycan Respublikası Müdafiə Nazirliyinin tabeçiliyində olan və qərargahın nəzdində fəaliyyət göstərən Xüsusi Təyinatlı Qüvvələrin təməl kursuna qəbul olmuş və bitirmişdir. Kursu bitirdikdən sonra xidmətini Xüsusi Təyinatlı Qüvvələrdə kəşfiyyatçı gizir vəzifəsində xidmət etmişdir. Xüsusi Təyinatlı Qüvvələrdə xidməti dövründə türkiyədə komanda kursunu fərqlənmə ilə bitirmişdir.

2020-ci ilin sentyabr ayının 27-sindən başlayan Vətən müharibəsində Suqovuşan kəndinin, Füzuli rayonunun və Hadrutun işğaldan azad olunmasında iştirak etmiş və döyüşdə öz qrupu ilə qəhrəmanlığı və qətiyyəti ilə fərqlənmişdir. Qubadlının azad olunması uğrunda 20 oktyabr 2020-ci il tarixində gedən döyüşlərdə ağır yaralanmışdır. Həkimlərin səyinə baxmayaraq Allahverdi Əkbərov 11 noyabr 2020-ci il tarixində Mingəçevir şəhər hərbi hospitalında şəhid olmuşdur.