Nemət Cavadlı

Nemət Cavadlı
Şəxsi məlumatlar
Doğum tarixi	1995
Doğum yeri	İmişli, Azərbaycan
Vəfat tarixi	31 oktyabr 2020
Vəfat yeri	Daşaltı, Şuşa rayonu, Azərbaycan
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Xüsusi Təyinatlı Qüvvələr (Azərbaycan)
Xidmət illəri	2015-2020
Rütbəsi	Gizir
Döyüşlər	Vətən müharibəsi
Təltifləri

Nemət Cavadlı (azərb. Cavadlı Nemət Cavid oğlu;‎ 1995 və ya 3 iyun 1995, Neftçala – 31 oktyabr 2020 və ya 2020, Daşaltı, Şuşa rayonu) — Azərbaycan Xüsusi Təyinatlı Qüvvələrinin gizir, Vətən müharibəsinin şəhidi

Həyatı

1995-ci ildə İmişli rayonunda anadan olub.2001-ci ildə N.Nərimanov adına 1 saylı orta məktəbə daxil olmuşdur.2012-ci ildə məktəbi bitirmişdir.

Hərbi xidməti

2015-ci ildə gizir kurslarına gedib, kursu bitirdikdən sonra Qusar rayonunda BTR komandiri kimi hərbi fəaliyyətə başlayıb. 2016-cı il hərbi hissənin tərkibində BTR komandiri kimi döyüş bölgəsində xidmət edib. Döyüş bölgəsindən sonra öz hərbi hissəsinə qayıdaraq Hərbi Komissiyanın şeçimi ilə Xüsusi Təyinatlı Qüvvələrdə kurs keçib.

2020-ci il sentyabrın 27-də II Qarabağ müharibəsi başlayandan döyüş bölgəsində olub. 35-36 gün müharibədə döyüş yolu keçib. Müharibə zamanı düşmənin beş tankını, iki hərbi maşınını, içində canlı qüvvəsi olmaq şərtilə, ayrı-ayrı yerlərdə yenə xeyli sayda canlı qüvvəsini məhv edib.

Döyüş yolu Kəlbəcərdən başlayıb, Cəbrayıl, Füzuli istiqamətində bütün ərazilərin işğaldan azad edilməsində iştirak edib. Axırıncı döyüşü Daşaltının alınması uğrunda olub. Şuşanın 3 kilometrliyində oktyabrın 31-i Daşaltı kəndində şəhid olub.

Təltifləri

• — "Qarabağ" ordeni (9.12.2020)– Azərbaycan Respublikasının işğal edilmiş ərazilərinin azad olunmasında, düşmənin canlı qüvvəsinin və döyüş texnikasının məhv edilməsində igidlik və mərdlik nümunəsi göstərmiş, hərbi əməliyyatlar zamanı həyat və sağlamlıq üçün real təhlükə şəraitində xidməti borcu və hərbi qulluq vəzifəsini yerinə yetirərkən mərdlik və qətiyyət nümayiş etdirmiş, Azərbaycan Respublikasının dövlət sərhədinin bərpa və mühafizə edilməsində xüsusi xidmət göstərmiş, habelə ərazi bütövlüyünün təmin edilməsi sahəsində xüsusi xidmətlərinə görə Azərbaycan Respublikası Silahlı Qüvvələrinin qərarına əsasən Azərbaycan Prezidenti İlham Əliyevin sərəncamı ilə təltif edilib.

• (15.12.2020) — "Vətən uğrunda" medalı-Azərbaycan Respublikasının ərazi bütövlüyünün bərpa edilməsi zamanı döyüş əməliyyatlarına yüksək peşəkarlıqla rəhbərlik etmiş, düşmənin canlı qüvvəsinin və döyüş texnikasının məhv edilməsində fədakarlıq və rəşadət göstərmiş, vəzifə borcunu ləyaqətlə və vicdanla yerinə yetirmiş Azərbaycan Silahlı Qüvvələrinin qərarına əsasən Azərbaycan Prezidenti İlham Əliyevin Sərəncamı ilə təltif edilib.