Nizami Gəncəvi Beynəlxalq Mərkəzi

Nizami Gəncəvi Beynəlxalq Mərkəzi — Azərbaycan elm və mədəniyyətinin görkəmli nümayəndəsi, dahi şair, mütəfəkkir Nizami Gəncəvinin irsinin araşdırılması və onun dünyada təbliğ olunması məqsədi ilə fəaliyyət göstərən beynəlxalq, qeyri-kommersiya və qeyri-siyasi beynəlxalq təşkilatdır.

Nizami Gəncəvi Beynəlxalq Mərkəzi Azərbaycan Respublikası Prezidentinin 23 dekabr 2011-ci il sərəncamına əsasən dahi Azərbaycan şairi Nizami Gəncəvinin 870 illik yubiley tədbirlərinin keçirilməsi çərçivəsində 30 sentyabr 2012-ci il tarixində şairin vətəni Gəncə şəhərində keçirilmiş xüsusi toplantıda təsis edilmişdir. Mərkəz Azərbaycan Respublikasında təsis olunmasına baxmayaraq qərarverici qurumu dünyanın nüfuzlu ictimai və siyasi xadimlərindən təşkil olunmuş Beynəlxalq İdarə heyyətidir.

Nizami Gəncəvi Beynəlxalq Mərkəzinin əsas məqsədi müxtəlif xalqlar və mədəniyyətlərarasında dialoq, tolerantlıq və anlaşmanın təbliğ olunaraq Nizami Gəncəvinin əsərlərində təbliğ etdiyi ümumbəşəri dəyərlərin daha geniş miqyasda dünyaya təbliğ olunmasıdı.

Nizami Gəncəvi BM müxtəlif hökumətlər, hökumətlərarası təşkilatlar və ictimai təşkilatlarla müxtəlif mövzularda sıx əməkdaşlıq etməkdədir.

Mərkəzin baş ofisi Bakı şəhərində (Azərbaycan) yerləşməsinə baxmayaraq fəaliyyəti müxtəlif ölkələri əhatə etməkdədir. Hal-hazırda Mərkəzin Həm-Sədirləri Latviyanın sabiq Prezidenti xanım Vaira Vike-Freiberga və İsgəndəriyyə Kitabxanasının direktoru cənab İsmail Seragəldindir.

Nizami Gəncəvi Beynəlxaq Mərkəzinin Həm-Sədri xanım Prezidenti Vaira Vike-Freiberga: Nizami Gəncəvi Beynəlxalq Mərkəzi qısa müddətdə fəaliyyət göstərməsinə baxmayaraq, XII əsr dahi Azərbaycan şairi və mütəfəkkiri Nizami Gəncəvinin irsinin qorunmasında və təbliğində mühüm rol oynamışdır. “Biz qarşımıza böyük şairin əsərlərini bütün dünyada təbliğ etmək, tolerantlıq və qarşılıqlı anlaşma ideyalarını önə çəkmək məqsədi qoymuşuq. Beynəlxalq Mərkəzin fəaliyyətini təkcə regionda deyil, həm də bütün dünyada təbliğ etmək lazımdır. Mərkəzin tanınmış alimlər və görkəmli siyasi xadimlərdən ibarət idarə heyətinin üzvləri qarşılarına başqa nüfuzlu beynəlxalq qurumlarla əməkdaşlıq yaratmaq məqsədi qoymuşlar.

İdarə heyətinin üzvləri

• Həmsədr, Vaira Vike-Freiberqa, Latviya Respublikasının sabiq Prezidenti
• Həmsədr, İsmail Seragəldin, İsgəndəriyyə Kitabxanasının direktoru
• Tarja Halonen, Finlandiyanın sabiq Prezidenti
• Emil Constantinescu, Rumıniyanın sabiq Prezidenti
• Boris Tadic, Serbiyanın sabiq Prezidenti
• Petar Stoyanov, Bolqarıstanın sabiq Prezidenti
• Stjepan Mesic, Xorvatiyanın sabiq Prezidenti
• Nazim İbrahimov, Diasporla İş üzrə Dövlət Komitəsinin Sədri, İçra Şurasının Sədri
• Səfir Valter Füst, YUNESKO-İTU Brodband Komissarı
• Marianna V. Vardinoyannis, YUNESKO-nun Xoşməramlı Səfiri
• Giuli Alasaniya, Gürcüstan Universitetinin Sədri
• Baronessa Suzan Qrinfild, Oksford Universitetinin Professoru
• Ahmad Nasim Şah, İslam Elmləri İnstitunun Direktoru, Kəşmir Universiteti
• Farida Allaghi, İnsan Hüquqları üzrə beynəlxalq aktivist

Üzvləri

• Süleyman Dəmirəl, Türkiyənin sabiq Prezidenti
• Xorxe Sampaio, Portuqaliyanın sabiq Prezidenti
• Melani Verver, ABŞ Qlobal Qadın məsələri üzrə səfiri (2009-2013)
• Arnold Rütel, Estoniyanın sabiq Prezideti
• Valdis Zatlers, Latviyanın sabiq Prezidenti
• Nafis Sadik, BMT-nin Baş Katibinin Xüsusi Müşaviri
• Bamir Topi, Albaniyanın sabiq Prezidenti
• Sali Berişa, Albaniyanın sabiq Prezidenti
• Rexhep Meidani, Albaniyanın sabiq Prezidenti
• Mixail Saakaşvili, Gürcüstanın sabiq Prezidenti
• Viktor Yuşşenko, Ukraynanın sabiq Prezidenti
• Jelyu Jelev, Bolqarıstanın sabiq Prezidenti
• George Parvanov, Bolqarıstanın sabiq Prezidenti
• Oscar Ribas, Andorranın sabiq Baş Naziri
• Petru Luçinski, Moldovanın sabiq Prezidenti
• İon İliescu, Rumıniyanın sabiq Prezidenti
• Amine Gemayel, Livanın sabiq Prezidenti
• Yukio Hatoyama, Yaponiyanın sabiq Baş Naziri
• Ehud Barak, İsrailin sabiq Baş Naziri
• Abdurrahim El-Keib, Liviyanın sabiq Baş Naziri
• Kostas Karamanlis, Yunanıstanın sabiq Baş Naziri
• Taher Masri, İordaniyanın sabiq Baş Naziri
• Peter Medgyessy, Macarıstanın sabiq Baş Naziri
• Hikmet Çetin, Türkiyənin sabiq Xarici İşlər Naziri
• Dora Bakoyannis, Yunanıstanın sabiq Xarici İşlər Naziri