Adolf Berje

Adolf Berje
rus. Адольф Петрович Берже
A.P.Berjenin portreti (F.A.Merkin, 1886 il, dəmir üzərində qravüra)
Doğum tarixi	28 iyul (9 avqust) 1828
Doğum yeri	Sankt-Peterburq, Rusiya imperiyası
Vəfat tarixi	31 yanvar (12 fevral) 1886 (57 yaşında)
Vəfat yeri	Tiflis, Tiflis quberniyası, Qafqaz canişinliyi, Rusiya İmperiyası
Elm sahələri	şərqşünaslıq qafqazşünaslıq arxeoqrafiya
Elmi dərəcəsi	universitet namizədi
Alma-mater	Sankt-Peterburq Dövlət Universitetinin Şərq fakültəsi
Təhsili	Sankt-Peterburq Dövlət Universitetinin Şərqşünaslıq fakültəsi[d] (–1851)
Tanınır	Qafqaz Arxeoqrafiya Komissiyasının sədri, QAK aktlarının redaktoru və tərtibatçısı
Mükafatları

Adolf Berje (rus. Адольф Петрович Берже; d. 28 iyul 1828 - ö. 31 yanvar 1886) — Rusiya İmperiyası bürokratı, şərqşünası və qafqazşünası, Qafqaz Arxeoqrafiya Komissiyasının sədri (1864-1886).

Həyatı

Sankt-Peterburq şəhərində dünyaya gələn Adolf Berjenin atası fransız, anası isə alman idi.

Adolf Berje Qafqaz və Şərq tarixinə, arxeologiya, etnoqrafiya və ədəbiyyatına dair əsərlərin müəllifidir. 12 cildlik "Qafqaz Arxeoqrafiya Komissiyası Aktları"nın 11 cildi onun redaktəsi ilə çıxmışdır. Azərbaycan dilini bilmiş, XVIII-XIX əsrlər Azərbaycan şairlərinin əsərlərindən nümunələr əsasında tərtib etdiyi "Qafqaz və Azərbaycanda məşhur olan şüəranın əşarına məcmuə..." kitabını Leypsiqdə almanca müqəddimə ilə nəşr etdirmişdir (1868). "Azərbaycan dilində nəğmələr məcmuəsi" də (əlyazması) tərtib etmişdir. "Zaqafqaziya müsəlman şairləri haqqında bir neçə söz" məqaləsi var. Mirzə Camal Cavanşir Qarabağinin "Qarabağ tarixi"ni rus dilinə çevirmiş və müqəddimə ilə "Kavkaz" qəzetində dərc etdirmişdir. Mirzə Fətəli Axundovla dost olmuşdur. M.F.Axundov Azərbaycan şairlərinin şeirlər məcmuəsinin hazırlanmasında Berjeyə, o isə "Kəmalüddövlə məktubları"nın rus dilinə tərcüməsində M.F.Axundova kömək etmişdir.

Mənbə

• F.S.Qasımzadə. M.F.Axundovun həyat və yaradıcılığı. Bakı: 1962.
• Н.И.Гулак. А.П.Берже как ориенталист. "Русская старина", т. VI, кн.12, 1887.