Qüdrət Özərsay: Redaktələr arasındakı fərq

Vikipediya, azad ensiklopediya
Naviqasiyaya keçin Axtarışa keçin
Tarixə interaktiv şəkildə baxın
← Əvvəlki redaktəSonrakı redaktə →
Silinən məzmun Əlavə edilmiş məzmun
VizualVikimətn
Redaktənin izahı yoxdur
Redaktənin izahı yoxdur
Sətir 26: Sətir 26:
|təhsili = [[Ankara Universiteti]]
|təhsili = [[Ankara Universiteti]]
|təltifləri =
|təltifləri =
|titul_2 = Xalq Partisası sədri
|titul_2 = Xalq Partiyası sədri
|bayraq_2 = Flag of the Turkish Republic of Northern Cyprus.svg
|bayraq_2 = Flag of the Turkish Republic of Northern Cyprus.svg
|dövr əvvəl_2 = 8 yanvar 2016
|dövr əvvəl_2 = 8 yanvar 2016

14:48, 24 iyul 2021 tarixindəki versiya

Qüdrət Özərsay
türk. Kudret Özersay
Şəxsi məlumatlar
Doğum tarixi 16 dekabr 1973(1973-12-16) (50 yaş)
Doğum yeri
Milliyyəti türk
Vətəndaşlığı ŞKTR
Təhsili Ankara Universiteti
İxtisası diplomat, alim, siyasətçi
Fəaliyyəti siyasətçi
Dini islam
Vikianbarın loqosu Vikianbarda əlaqəli mediafayllar

Qüdrət Özərsay (türk. Kudret Özersay; 16 dekabr 1973-cü il, Larnaka) — Şimali Kipr Türk Respublikasının siyasətçisi, diplomat, beynəlxalq əlaqələr sahəsində alim-mütəxəssis. 2002-2012-ci illərdə və 2014-cü ildə Kipr mübahisəsinin həllinə dair danışıqlarda iştirak etmişdir. 2010-2012-ci illərdə və yenidən 2014-cü ildə danışıqlarda Şimali Kipr Prezidentinin Xüsusi Nümayəndəsi olub. "Toparlaniuruz" hərəkatını qurmuş və rəhbərlik etmişdi. Özərsay Xalq Partiyasının qurucularından biri və hazırkı lideridir. 2020-ci il Şimali Kipr Türk Cümhuriyyəti prezidenti seçkilərinə müstəqil namizəd olaraq qatılmışdır.

Həyatı

1973-cü ildə Larnaka şəhərində anadan olub. Şəhərin yaxınlığındakı Alaminyo kəndində böyüyüb. Alaminyolu inşaat ustası Hüseyin Usta və dərzi Sadiyə Hanımın oğludur. 1974-cü ildə altı aylığında atasının Kipr Hərəkatında şəhid olmasından sonra anası və qardaşları ilə birlikdə Lefkoşanın şimalına köçüb. Burada ilk təhsilini alaraq, sonradan litsey məzunu olub. Ardınca Ankara Universitetində Beynəlxalq Münasibətlər üzrə bakalavr təhsili alıb.

Akademik fəaliyyəti

1997-ci ildə Bosniya və Herseqovinada müharibədən sonra keçirilən ilk seçkilərin demokratik keçməsi üçün nəzarət edən Avropada Təhlükəsizlik və Əməkdaşlıq Təşkilatında çalışıb. 1998-ci ildə Ankara Universiteti Siyasi Elmlər Fakültəsi, Beynəlxalq Münasibətlər Bölməsində Türk Boğazlarından keçid hüququ üzrə magistr dərəcəsi alıb. Ardınca elə orda 2002-ci ildə "1959-1960-cı illərdəki Kipr müqavilələrinin beynəlxalq hüquqda etibarlılığı" mövzusunda doktorluq dissetasiyasını müdafiə edib.[1]

Məzun və doktorantura təhsili aldığı təqaüdlər ilə London Universitetinin Hüquq Araşdırmaları İnstitutunda araşdırma aparıb. 2008-ci ildə qazandığı təqaüdlə bir müddət Oksford Universiteti Hüquq Fakültəsində saathesabı professor olaraq işləyib. 1996-2002-ci illər arasında Ankara Universitetində akademik (tədqiqatçı köməkçi) olaraq çalışıb. 2003-cü ildə Şərqi Aralıq dənizi Universitetinin Siyasi Elmlər və Beynəlxalq Münasibətlər Bölməsində müəllim-akademik olaraq işə başlayıb və bir müddət bu kafedranın müdiri olaraq da işləyib.

Siyasi karyerası

Kipr üzrə danışıqlarda iştirak

Qüdrət Özərsay 2002-ci ildə Prezident Rauf Denktaş dövründə Kipr mübahisəsinin həlli ilə bağlı danışıqlarda iştirak etməyə başlayıb. Sonra isə o, növbəti prezident Mehmet Əli Tələtin komandasının bir üzvü olub.[2] Özərsay 2002-2003-cü və 2003-2004-cü illərdə Birləşmiş Millətlər Təşkilatının Müqavilə Komitəsinin üzvü olmuş və təşkilatı rəhbəri Kofi Annanın irəli sürdüyü "Annan Planı" danışıqlarında Şimali Kipr türk tərəfinin danışıqlar komitəsində iştirak etmişdir. İsveçrənin Bürgenstok şəhərində keçirilən danışıqlara, Şimali Kipr danışıqlar qrupu üzvü kimi beynəlxalq hüquq mütəxəssisi olaraq qatıldı.

9 may 2010-cu ildə yenidən Kipr danışıqları üzrə Şimali Kipr Türk Respublikası Prezidenti Dərviş Əroğlunun Xüsusi Nümayəndəsi təyin edildi.[3] 2012-ci ilin may ayında "Toparlaniyoruz" hərəkatını qurdu.[4] Qurduğu sosial hərəkatın bəyan etdiyi məqsəd siyasətdəki korrupsiyaya qarşı mübarizə, siyasi proseslərdə və bürokratik aparatda şəffaflığı artırmaq idi. Dərviş Əroğlu bu addımı bəyənmədi və Özərsay 8 iyun 2012-ci ildə vəzifəsindən istefaya getdi.[5] Rəhbərlik etdiyi hərəkat hökuməti, siyasi partiyaları və Polis Baş İdarəsi kimi müxtəlif dövlət qurumlarını tənqid edirdi.[6][7]

8 Fevral 2014-cü ildə Dərviş Əroğlu Qüdrət Özərsayı yenidən Kipr üzrə danışıqlar qrupunun rəhbəri təyin etdi.[8][9] Lakin Özersay 2015-ci il prezident seçkilərinə namizədliyini elan etdikdən sonra Əroğlu onu 8 oktyabr 2014-cü ildə bu vəzifədən uzaqlaşdırdı.[10]

Siyasi və ictimai fəaliyyəti

Qüdrət Özərsay insan hüquqlarınə müdafiə edən Şimali Kipr Türk İnsan Haqları Vəqfinin üzvüdür. Bundan əlavə, 2012-2014-cü illər arasında "Toplanıyoruz" Hərəkatının (Təmiz Cəmiyyət Dərnəyi) qurucu üzvü və Dərnəyin prezidenti kimi fəaliyyət göstərib. Hazırda onun fəal üzvlərindəndir. "Təmiz cəmiyyət, təmiz siyasət və öz iradəmizə əsaslanan bir gələcəyə" əsaslanan vətəndaş cəmiyyəti fəaliyyətlərini həyata keçirən Hərəkat, ŞKTR-də demokratiya, qanunun aliliyi, korrupsiya və rüşvətalma ilə mübarizədə qabaqcıl təşəbbüslər göstərir.

Özərsay 2015-ci il seçkilərində Şimali Kipr prezidentliyinə namizəd oldu və seçkiləri üçüncü sırada tamamladı. O, ilk turda seçki yarışından çıxdı. Bununla belə, seçkilərdə səslərin 21,3%-ni aldı. Hansı ki, dörd əsas namizədin də aldıqları səs sayə 20%-30% arasında idi. Səsvermədə iştirak etməsi gözlənilməz bir müvəffəqiyyət olaraq qiymətləndirildi. Xxüsusən də heç bir siyasi partiya tərəfindən dəstəklənmədiyi və o dövrdə ictimai siyasətdə uzun müddət iştirak etmədiyi nəzərə alınaraq bu nəticə onun üçün böyük uğur sayıldı.[11].

6 yanvar 2016-cı ildə Özərsay, bir sıra müttəfizləri ilə birlikdə Şimali Kipr Türk Cümhuriyyəti Xalq Partiyasını qurdu. Bundan sonra "Toparlaniyoruz" hərəkatının rəhbərliyini tərk etdi.[12]. Qüdrət Özərsay partiyanın hədəfinin korrupsiyaya əsaslanan köhnə siyasi idarəetməni məhv etmək olduğunu bildirdi.[13].

Əsərləri

Qüdrət Özərsay həm ölkə daxilində, həm də xaricdə dərc olunan onlarla elmi siyasi yazıların müəllifidir. Beynəlxalq konfrans və simpoziumların iştirakçısıdır. Onun əsas əsərləri:

  • Yeni Beynəlxalq Məhkəmə Qərarları İşığında Kipri ​​yenidən oxumaq, İmaj Nəşriyyatı, Ankara, 2009.
  • Kipr Problemi: Qanuni Analiz (Kipr Problemi: Hüquqi Analiz) II. Baskı, ASAM, Ankara, 2002.
  • Türk Boğazlarından Keçid Rejimi, "Mulkiyeliler Dərnəyi Yayınları" No: 22, Ankara, İyul 1999.

İstinadlar

  1. ↑ "Kudret Özersay – Curriculum Vitae" (PDF). İstifadə tarixi: 2015-01-31.
  2. ↑ "Ben Kimim?". Kudret Özersay Presidential Campaign. İstifadə tarixi: 2016-01-09.
  3. ↑ "Eroğlu'nun müzakere ekibi tamam gibi". Star Kıbrıs. 2010-05-09. İstifadə tarixi: 2016-01-09.
  4. ↑ "Kudret Özersay: "Geleceğimiz için toparlanıyoruz"". Kıbrıs Postası. 2012-05-28. İstifadə tarixi: 2016-01-09.
  5. ↑ "Özersay, özel temsilcilik görevinden istifa etti". Kıbrıs Postası. 2012-06-08. İstifadə tarixi: 2016-01-09.
  6. ↑ "Toparlanıyoruz'dan Eroğlu ve Denktaş'a Eleştiri". Kıbrıs Time. 2016-01-29 tarixində arxivləşdirilib. İstifadə tarixi: 2016-01-09.
  7. ↑ "Toparlanıyoruz'dan PGM'ye eleştiri". Haber Kıbrıs. İstifadə tarixi: 2016-01-09.
  8. ↑ "İstifası hafızalarda". Yeni Düzen. 2014-02-09. İstifadə tarixi: 2016-01-09.
  9. ↑ "INTERVIEW: Turkish Cypriot mediator Ozersay on Cyprus peace talks". Worldbulletin News. İstifadə tarixi: 2015-01-31.
  10. ↑ "Turkish-Cypriot leader fires chief negotiator in peace talks". Kathimerini English Edition. 2014-10-08. İstifadə tarixi: 2015-01-31.
  11. ↑ "Sürpriz seçimin sevinen ve üzülen tarafları" (türk). Kıbrıs. İstifadə tarixi: 2016-01-09.
  12. ↑ "Toparlanıyoruz Hareketi'nin akıbeti ne olacak?". Kıbrıs Postası. İstifadə tarixi: 2016-01-09.
  13. ↑ "Kıbrıs'ın Çipras'ı". Milliyet. İstifadə tarixi: 2016-01-09.
Mənbə — "https://az.wikipedia.org/w/index.php?title=Qüdrət_Özərsay&oldid=6066401"