Eduard Məmmədov: Redaktələr arasındakı fərq

Vikipediya, azad ensiklopediya
Naviqasiyaya keçin Axtarışa keçin
Silinən məzmun Əlavə edilmiş məzmun
şablonda vikiləşdirmə
Redaktənin izahı yoxdur
Sətir 27: Sətir 27:
|hərbi rütbəsi ={{Polkovnik-leytenant|Azərbaycan}}
|hərbi rütbəsi ={{Polkovnik-leytenant|Azərbaycan}}
|ixtisası =
|ixtisası =
|karyera illəri = 1993—
|karyera illəri = 1993—h.h
|medalları = {{"Vətən uğrunda" medalı|2007}}
|medalları = {{"Vətən uğrunda" medalı|2007}}
|saytı = eduardmammadov.com
|saytı = eduardmammadov.com

17:09, 10 mart 2022 versiyası

Eduard Məmmədov
Eduard Tofiq oğlu Məmmədov
Eduard Məmmədov WAKO versiya üzrə Dünya Çempionatında Türkiyənin Antalya şəhərində 30 Noyabr 2019
Eduard Məmmədov WAKO versiya üzrə Dünya Çempionatında Türkiyənin Antalya şəhərində 30 Noyabr 2019
Şəxsi məlumatlar
Tam adı Eduard Tofiq oğlu Məmmədov
Doğum adı Eduard Tofiq oğlu Məmmədov
Ləqəbi Ağ Canavar - White Wolf
Vətəndaşlığı SSRİ SSRİ
Azərbaycan Azərbaycan
Doğum tarixi (46 yaş)
Doğum yeri Bakı, Azərbaycan SSR, SSRİ
Təhsili
Boyu 170 sm
İdman növü Kikboksinq
Karyera illəri 1993—h.h
Məşqçisi Çingiz Eyvazov
Hərbi rütbəsi Polkovnik-leytenant
Rəsmi saytı

Eduard Tofiq oğlu Məmmədov (2 yanvar 1978, Bakı) — " Ağ Canavar " ləqəbli Azərbaycanlı peşəkar kikboksçu, 26 qat dünya çempionu, 7 qat Avropa çempionu, 7 qat dünya kubokunun sahibi, 15 qat Azərbaycan çempionu, Asiya və Avrasiya çempionu,peşəkarlar arasında dünya çempionu,peşəkarlar arasında WAKO versiya üzrə interkontinental kəmərin sahibi, peşəkarlar arasında IKBO versiya üzrə dünya kəmərinin sahibi, əməkdar idman ustası, əməkdar məşqçi, Azərbaycan Respublikasının Fəxri Bədən Tərbiyəsi və İdman İşçisi,Azərbaycan Kikboksinq Federasiyasının İdarə heyətinin sədr müavini, Milli komandanın baş məşqçisinin köməkçisi, Daxili İşlər Nazirliyinin "DİNAMO" İdman Cəmiyyətinin Baş İnspektoru, polis polkovnik-leytenantı.

Həyatı və karyerası

Eduard Məmmədov 1978-ci il, 2 yanvar tarixində Bakı şəhərində anadan olmuşdur. 1993-cü ildən peşəkar kikboksinq ilə məşğuldur.Ilk qələbəsini 1995-ci ildə, Azərbaycanda keçirilmiş ilk çempionatda qazanıb. 1996-1999-cu illərdə Hərbi Ordu İdman Klubunda hərbi xidmət keçmişdir.Eduard Məmmədov 1997-ci ildə Azərbaycan Respublikasının idman ustası , 1999-cu ildə isə beynəlxalq dərəcəli idman ustası adını almışdır.2003-cü ildə Əməkdar idman ustası fəxri adına layiq görülmüşdür.5 mart 2013-cü il tarixində Azərbaycan Respublikasının əməkdar məşqçisi adına layiq görülüb.1999-cu ildə İdman Akademiyasına daxil olub, 2004-cü ildə məzun olmuşdur. Məşqçi fəaliyyətinə 2000-ci ildə başlayan kikboksçu,məhz həmin ildə ən parlaq və yaddaqalan qələbəsinə Yunanıstanda keçirilən dünya çempionatında imza atmışdır.Beləliklə Eduard rəqibini 15 saniyəyə nokaut vəziyyətinə salaraq, növbəti dəfə dünya çempionu titulunu qazanmışdır. 2004-cü ildə Polis Akademiyasına daxil olub və 2008-ci ildə təhsilini müvəfəqiyyətlə başa vurub.2009-cu ildə Polis Akademiyasının "İdarəetmə" fakultəsində ixtisas artırma üçün daxil olmuşdur,2010-cu ildə məzun olmuşdur.Ümumilikdə 3 ali təhsili var .2007-ci ildə Azərbaycan Respublikası Prezidenti İlham Əliyevin fərmanı ilə "Vətən uğrunda" medalı ilə mükafatlandırılmışdır.2007-ci ildə WAKO-PRO Intercontinental kəməri uğrunda peşəkar döyüşdə türk kikboksçu Şakir Kaymaza qalib gələrək kəmərə sahiblik etmişdir. Kəmərin müdafiəsi üçün 2009-cu ildə ispan kikboksçu Oskar Rueda ilə qarşılaşmada təkrar qalib gəlmişdir. Qeyd edək ki, idmançı WAKO-PRO versiya üzrə ən nüfuzlu interkontinental kəmərin sahibidir. 2009-cu ilin iyununda Eduard Məmmədov İspaniyada World Profi versiyası üzrə keçirilən dünya çempionatını qazanaraq, Low Kick və K-1 bölmələrində 2 qızıl medal, oktyabrda WAKO Low Kick versiyası üzrə Avstriyada keçirilən dünya çempionatını, noyabrda isə WAKO Full Contact versiyası üzrə İtaliyada keçirilən dünya çempionatını qazanıb. Bu nəticə - bir il ərzində 3 dünya çempionatından medallar gətirmək dünya kikboksinq tarixində presedentsiz hal hesab olunur.25 dekabr 2009-cu il tarixində Azərbaycan Respublikası Prezidenti İlham Əliyev tərəfindən qeyri-olimpiya idman növünün inkişafında xüsusi xidmətlərə görə Fəxri Fərmanla təltif edilmişdir. 2006, 2009, 2011 (noyabr ayının 23-də Buta Palace-da keçirilən tədbirdə) və 2014-cü ildə Eduard Məmmədov ilin ən yaxşı idmançısı adına layiq görülmüşdür. 5 mart 2013-cü il tarixində Azərbaycan Respublikasının əməkdar məşqçisi adına layiq görülüb.

Eduard Məmmədov Wako versiya üzrə Dünya Çempionatında Bosniya və Herseqovinanın paytaxtı Sarayevo şəhərində
Eduard Məmmədov WAKO versiya üzrə Dünya Çempionatında Bosniya və Herseqovinanın paytaxtı Sarayevo şəhərində 26 Oktyabr 2019

Idman sahəsində peşəkar olduğu kimi,polis karyerasında da uğurlara imza atan idmançı, hal-hazırda Daxili İşlər Nazirliyində işləyir. Polis polkovnik-leytenantı rütbəsini daşıyan Eduard Məmmədov öz fəaliyyətinə görə bir sıra mükafatlara layiq görülüb.

Hal-hazırda Milli Məclisin deputatı Adil Əliyevin başçılıq etdiyi Azərbaycan Kikboksinq Federasiyasının idmançısıdır.Daxili İşlər Nazirliyinin "Dinamo" Idman Cəmiyyətinin üzvüdür.Eduardın məşqçisi Azərbaycan Respublikasının əməkdar məşqçisi Çingiz Eyvazovdur.

Yarışlarda həm döyüşçü həm də məşqçi kimi iştirak edir. Onun tələbələri arasında dəfələrlə dünya və Avropa çempionu olmuş idmançılar var.

2016-ci ildə ləqəbi ilə eyni adı daşıyan "Ağ Canavar" şəxsi idman klubunun açılışını etmişdir.

27 May 2019-cu il tarixində Azərbaycan Respublikasının Prezidenti İlham Əliyev tərəfindən, Azərbaycan Xalq Cümhuriyyətinin 100 illiyinə həsr olunmuş "Yubiley medalı" ilə təltif edilmişdir.

26 Oktyabr 2019-cu il tarixində Bosniya və Herseqovinanın paytaxtı Sarayevo şəhərində keçirilən WAKO versiya üzrə Dünya çempionatında, WAKO versiya üzrə 7 dəfə dünya çempionu olmuş italyan rəqibi Spanu Giampaolo ilə final döyüşündə qalıb gəlmişdir. Beləliklə, Ağ Canavar WAKO versiya üzrə 4-cü, ümumi hesabla isə 24-cü dəfə Dünya çempionu tituluna sahib olub.

29 Noyabr 2019-cu il tarixində Türkiyənin Antalya şəhərində keçirilən WAKO versiya üzrə Dünya çempionatında,WAKO versiya üzrə 7 dəfə dünya çempionu olmuş italyan rəqibi Spanu Giampaolo-nu 14 xal qabaqlayaraq final döyüşündə qalıb gəlmişdir. Eduard Məmmədov WAKO versiya üzrə 5-ci, ümumi hesabla isə 25-ci dəfə Dünya çempionu tituluna sahib olub.

5 Mart 2020-ci il tarixində idman sahəsində 30 illik fəaliyyətləri və yüksək nəticələri nəzərə alınaraq,Gənclər və İdman Nazirliyi tərəfindən "Azərbaycan Respublikasının Fəxri Bədən Tərbiyəsi və İdman İşçisi" fəxri adına layiq görülmüşdür.

22 Aprel 2021-ci il tarixində Azərbaycan Kikboksinq Federasiyasının İdarə heyətinin sədr müavini və Milli Komandanın baş məşqçinin müavini vəzifəsinə təyin olunmuşdur.

15 Iyul 2021-ci il tarixində Azərbaycan Respublikasının Daxili İşlər Nazirliyinin "DİNAMO" İdman Cəmiyyətinə Baş İnspektor vəzifəsinə təyin edilmişdir.

Şəxsi həyatı

2011-ci ildə ata olan Eduard, əkiz övladlara sahibdir.Qızı Belgiz, oğlu Raul (2011)

Nailiyyətləri

  • 26 qat dünya çempionu (WAKO,İAKSA,İKBO və World Profi)
  • 7-qat Avropa çempionu (WAKO, World Profi and IAKSA);
  • 7 qat dünya kubokunun sahibi
  • 15 qat Azərbaycan çempionu;
  • Dəfələrlə Asiya və Avrasiya çempionu (WAKO, World Profi and IAKSA);
  • Dəfələrlə peşəkar turnirlərin qalibi (WAKO, World Profi and IAKSA);
  • 5 qat Heydər Əliyev Kubokunun sahibi
  • 5 qat 3-cü yer sahibi (dünya) (WAKO, World Profi and IAKSA);
  • 7 qat 2-ci yer sahibi (dünya) (WAKO, World Profi and IAKSA);
  • 3 qat 2-ci yer sahibi (Avropa) (WAKO, World Profi and IAKSA);
  • WAKO versiyası üzrə dünya kubokunun sahibi;
  • Peşəkarlar arasında ANS kubokunun qalibi;
  • WAKO versiyası üzrə dünya kubokunun sahibi;
  • WAKO-PRO versiyası üzrə ən nüfuzlu interkontinental kəmərin sahibi;
  • İKBO versiyası üzrə peşəkarlar arasında dünya çempionu (2012-Bakı).

İstinadlar