Sevil Nuriyeva

SEVİL NURİYEVA
Fayl:Sevil Nuriyeva.jpg
Doğum tarixi	24 avqust 1973(1973-08-24) (50 yaş)
Doğum yeri	Kirovabad, Azərbaycan SSR, SSRİ
Fəaliyyəti	jurnalist

|} Televiziya aparıcısı. Jurnalist. Ssenari müəllifi. Arxiv kadrlar.

Həyatı

Nuriyeva Sevil Aydın qızı 1973-cü il avqustun 24-də Gəncədə anadan olub. Bakı Dövlət Universitetinin jurnalistika fakültəsini bitirib. Daha sonra Türkiyədə beynəlxalq münasibətlər üzrə dissertasiya müdafiə edib və elmlər namizədi dərəcəsini alıb. 17 illik televiziya təcrübəsi var. Azərbaycan Dövlət Televiziyasında, 215 KL studiyasında, Azərbaycanın ilk müstəqil televiziya kanalı olan ANS-də müxtəlif sosial, siyasi və strateji xarakterli proqramlar hazırlayıb və təqdim edib.

“Güzgü”, “Nəzər Nöqtəsi”, “Divan”, “Xəbərdar”, “Bu bizik”, “Əks-səda” və başqa bir sıra proqramların müəllifi və aparıcısı olub. Hazırda ANS televiziyasında yayımlanan “Nəzər nöqtəsi” və “Ötən Həftə” proqramlarının müəllifi və aparıcısıdır.

1997-ci ildə Azərbaycan Jurnalistlər Birliyinin “Natəvan”, 1998-ci ildə isə “Zərdabi” mükafatlarına, 1998-ci ildə Çingiz Mustafayev adına “İlin ən cəsarətli TV proqram müəllifi və aparıcısı” mükafatına, 1998-1999-cu illərdə Yeni Nəsil Jurnalistlər Birliyinin “İlin TV proqramçısı”, 1999-cu ildə Jurnalistlərin Dostu Dərnəyinin “İlin ən cəsur TV proqramçısı və aparıcısı” mükafatlarına, 2000-ci ildə Gürcüstanda “Qafqazın ən obyektiv proqramçısı və aparıcısı” müfakatına layiq görülüb.

1998-ci ildə CNN-də, 1999-da BBC-də proqram müəllifi stajı keçib.

Asiya Dialoqu İctimai Birliyinin hemtesiscisi təsisçisi və sədridir.

Sevil Nuriyeva hal-hazırda ANS TV-də işləyir. Asiya Dialoqu İctimai Birliyinin sədridir.

2009-ci ilin Oktyabırından ANS TV kanalında, "Zərif Çərşənbə" verlişinin aparıcısıdır.

Filmoqrafiya

1. Uzaq Yaşıl Ada (2004)
2. Azərbaycana Namus və Sevgiylə (2006)
3. Payızın 17 Anı (2007)

Həmçinin bax

• Portal:Azərbaycan Kinosu