Asklepi

Asklep (yun. Ἀσκληπιός = kəsib yaran, lat. Aesculapius ) - Qədim Yunan mifologiyasına görə təbib, təbabət tanrısı. Tanrı Apollon və çarisa Koronidin oğlu. Çox vaxt əsasına (çomağına) dolanmış ilanla təsvir edilir. İnsan kimi dünyaya gəlmiş, sonradan yüksək təbabət bilicisi olduğu üçün ölməzliyə, tanrı rütbəsinə layiq görülmüşdür.

Doğulması

Əfsanəyə görə Asklep Apollonun çar Flegiyanın qızı çarisa Koroniddən. olan oğludur. Apollondan Aslepə hamilə qalan Koronid İsxiyə vurulur. Qarğanın ona gətirdiyi bu xəbərdən qəzəblənən Apollon bacısı Artemidə Koronidi öldürməyi tapşırır. Koronid və qarğanı (rəvayətə görə əvvəllər ağ lələkləri olmuş qarğa alovun hisindən qaralaraq indiki rəngini almış olur.) oda atırlar. Apollon (ya da Hermes. ) alovun içindən Asklepi xilas edərək onu böyütmək və tərbiyəsi ilə məşğul olması üçün kentavr Xirona verir.. Sokrata görə Asklepin valideynləri məlum deyildir. O, atılmış halda ovçu tərəfindən tapılmış, it südü ilə əmizdirilmiş və sonra Xirona verilmişdir. təbabətin sirlərini o, Xirondan öyrənmişdir..