Əliheydər Həsənzadə

ƏLİHEYDƏR HƏSƏNZADƏ
Fayl:Eliheyder Hesenzade.JPG
Doğum tarixi	1913
Doğum yeri	Bakı, Bakı quberniyası, Rusiya imperiyası
Vəfat tarixi	1 avqust 1981(1981-08-01)
Vəfat yeri	Bakı, Azərbaycan SSR, SSRİ
Fəaliyyəti	aktyor

|} Aktyor - Azərbaycan Respublikasının Əməkdar Artisti

• Səs rejissoru Ələkbər Həsənzadənin atasıdır
• Görkəmli Cüdo ustadı Tərlan Həsənovun atasıdır
• Səs rejissoru Tariyel Həsənzadənin babasıdır
• Aktrisa Nigar Həsənzadənin babasıdır

Həyatı

1913-cü ildə Bakı şəhərində anadan olub. İlk əmək fəaliyyətini müəllimliklə başlayıb, sonralar öz həyat yoldaşı (Rüxsarə Ağayeva -Azərbaycanın əməkdar artisti)ilə aktyorluğa maraq göstərib. Böyük Vətən Müharibəsinin əzmkar döyüşçüsü olub, lakin ciddi zədə (kontuziya) aldığından ordunun ön sıralarından geri çağırılır. O zamandan (yəni 1942-ci ildən) ömrünü son günlərinə qədər aktyor kimi öz ölkəsinə xidmət edib. Qazax Dövlət Teatrının yaradıcısı və ilk yarandığı illərdə direktoru olub. Naxçıvan Dövlət Teatrında uzun illər çalışmış. Azərbaycan Dövlət Gənc Tamaşaçılar Teatrının aparıcı səhnə ustası olub, Azərbaycan SSR-in Əməkdar Artisti fəxri adı ilə sağlığında təltif edilib. Bir çox filmlərin ən yaddaqalan personajlarından olub, yumşaq, koloritli, nəcib, zadəgan maneralı, geniş planlı, məxməri səsə malik olub.

Uşaqları - görkəmli şəxsiyyətlər

Dörd uşağından üçü görkəmli şəxsiyyətlərdir. Böyük oğlu - Ələkbər Həsənzadə - görkəmli səs rejissoru, Rusiya Federasiyasının Əməkdar İncəsənət Xadimi, Rusiyanın ən yüksək Kino mükafatı"NİKA" - mükafatı, və Rusiya Dövlət Mükafatı Laureatıdır. İkinci oğlu - Tərlan Həsənov - Görkəmli Cüdo ustası, Əməkdar Məşqçi, Cüdo idman növünün Azərbaycanda ilk yaradıcısı və təsisçisi, bir çox Çempionların, Olimpiya Çempionlarının ustadı və müəllimidir. Qızı - Cananə xanım Xəlilova (Həsənzadə) - uzun illər Azərbaycan Dövlət Mədəniyyət və İncəsənət Universitetində Reissor sənətindən dərs demiş, bir çox yetimələri Azərbaycanın görkəmli mədəniyyət xadimləridir.

Əlihedər Həsənzadənin xarakterik xüsusiyyətləri və ona dair hadisələr

Deyilənə görə çox zəhmli bununla bərabər uşaq kimi pak qəlbi olan sadə bir insan olub. Metroda və yaxud hər hansı bir nəqliyatda hətta 13 - 15 yaşlarında belə olan qız uşaqlarına, xanımlara qalxıb yer verərdi. Hər hansı bir gənc oğlan bu etiketə riayət etmədikdə onu məcbur edərdi. İri fiziki cüssəyə malik olduğuna görə gənc oğlanlar buna etiraz etməyə cəsarət belə edə bilməzdi. Hər hansı bir məsləhətə və yaxud mübahisə həllinə mütləq şəkildə Əliheydər dadaşa müraciət olunardı, təbii ki, məsələnin düzgün həlli şübhəsiz idi. Olduqca təmizkar və düzlüyü sevən adam olub.

Filmoqrafiya

1. Ad Günü (1977)
2. Bayquş Gələndə (1978)
3. Bir Məhəllədən İki Nəfər (1957)
4. Bizim Cəbiş Müəllim (1969)
5. Böyük Dayaq (1962)
6. Çardaş (1973)
7. Əgər Bir Yerdəyiksə (1975)
8. Əhməd Haradadır? (1963)
9. Faytonçu (1979)
10. General (1970)
11. Kölgələr Sürünür (1958)
12. Qara Daşlar (1956)
13. Qaraca Qız (1966)(Kinoalmanax)
14. O Olmasın, Bu Olsun (1956)
15. Romeo Mənim Qonşumdur (1963)
16. Sevil (1970)
17. Şərikli Çörək (1969)
18. Torpaq. Dəniz. Od. Səma (1967)
19. Ulduz (1964)
20. Yaşamaq Gözəldir, Qardaşım! (1966)

Həmçinin bax

• Portal:Azərbaycan Kinosu