Yörgen İnqmann
| Yörgen İnqmann | |
|---|---|
| dan. Jørgen Ingmann | |
 | |
| Ümumi məlumatlar | |
| Doğum tarixi | 26 aprel 1925 |
| Doğum yeri | |
| Vəfat tarixi | 21 mart 2015 (89 yaşında) |
| Vəfat yeri | |
| Dəfn yeri |
|
| Həyat yoldaşı |
|
| Musiqiçi məlumatları | |
| Fəaliyyəti | müğənni, ifaçı |
| Fəaliyyət illəri | 1944–1984 |
| Janr | caz |
| Musiqi alətləri | gitara |
| Albom şirkəti | Atco Records[d] |
| Üzvlüyü | |
 Vikianbarda əlaqəli mediafayllar | |
Yörgen İnqmann (dan. Jørgen Ingmann; 26 aprel 1925, Kopenhagen – 21 mart 2015, Danimarka paytaxt bölgəsi[d]) — Danimarka gitaraçısı. Həyat yoldaşı Qrete ilə yaratdığı duet çərçivəsində "Dansevise" mahnısını ifa edərək 1963-cü il Avroviziya Mahnı Müsabiqəsinin qalibi olmuşdur.
Həyatı
[redaktə | vikimətni redaktə et]On yaşından etibarən skripka çalmağa başlamışdır. 1945-ci ildən 1958-ci ilə qədər Danimarkanın ən tanınmış caz musiqiçilərindən biri olan Sven Asmussen ilə birlikdə çalışmışdır. Daha sonra "Yörgen inqmann və onun gitarası" adı altında solo proqramlarla çıxış etmişdir. Bu adla 1961-ci ildə "Apache" albomunu yazdırmışdır.[1] Sözügedən albom İngiltərə hit-paradlarında 1-ci, ABŞ hit-paradlarında 2-ci, Kanada hit-paradlarında 4-cü, Qərbi Almaniya hit-paradlarında isə 6-cı pilləyə yüksəlmişdir. 1956-cı ildə gənc müğənni Qrete Klemmensen ilə ailə həyatı qurmuş və bu evlilikdən yaranan duet qısa müddətdə "Blot slentre gennem regn" mahnısı ilə Skandinaviyada populyarlıq qazanmışdır. 1963-cü ildə "Dansk Melodi Grand Prix" müsabiqəsində qalib gəldikdən sonra bu duet Danimarkanı Avroviziya Mahnı Müsabiqəsində təmsil etmiş və burada da "Dansevise" mahnısı ilə birinci yeri qazanmışdır.[2]
1975-ci ildə Yörgen İnqmann Qretedən boşanmış və bundan sonra öz kvarteti ilə, həmçinin müstəqil gitaraçı kimi çıxışlarını davam etdirmişdir. O, 1984-cü ildə uzun sürən xəstəlik səbəbindən səhnə ilə vidalaşmışdır.[2][3]
Yörgen İnqmann 21 mart 2015-ci il tarixində, ömrünün 90-cı ilində vəfat etmiş,[4] geridə iki övlad və beş nəvə qoymuşdur.[3]
Mirası
[redaktə | vikimətni redaktə et]2003-cü ildə Henrik Kristofersenin müəllifliyi ilə "Qrete və Yörgen İnqmannlar" adlı kitab işıq üzü görmüşdür.[3]
2010-cu ildə "Tivoli"nin Şüşə Zalında Yörgen və Qrete İnqmannların həyat və yaradıcılığına həsr olunmuş "Gölməçədə günəş şüası" adlı tamaşa səhnəyə qoyulmuşdur.[2]
İstinadlar
[redaktə | vikimətni redaktə et]- ↑ "Apache (Jorgen Ingmann) 1960 Original Studios Masters". 31 yanvar 2014. 16 aprel 2016 tarixində arxivləşdirilib. İstifadə tarixi: 3 oktyabr 2015.
- 1 2 3 Avisen.dk: Dansk Melodi Grand Prix-legende død Arxiv surəti 23 sentyabr 2015 tarixindən Wayback Machine saytında. 22.03.2015
- 1 2 3 Niels Pedersen, Jens Anton Havskov Hansen: Forfatter til Ingmann-biografi: Perfektionismen blev Jørgens hæmsko Arxiv surəti 16 mart 2016 tarixindən Wayback Machine saytında. BT.dk, 22.03.2015
- ↑ Jyllands-Posten: BLÅ BOG: Jørgen Ingmann Arxiv surəti 22 aprel 2021 tarixindən Wayback Machine saytında. 22.03.2015