Yaşıl gələcək inşa müsabiqəsi 2014

Vikipediya, açıq ensiklopediya
Jump to navigation Jump to search
Yaşıl gələcək inşa müsabiqəsinin rəsmi şüarı

"Yaşıl gələcək" inşa müsabiqəsiətraf mühitin mühafizəsinə və tullantıların düzgün idarə edilməsinə uşaqlarınyeniyetmələrin diqqətini cəlb etmək üçün Təmiz Şəhər” Açıq Səhmdar Cəmiyyəti tərəfindən məktəblilər arasında keçirilən inşa müsabiqəsi.

İnşa müsabiqəsin əsas məqsədi məktəbliləri bu mövzuda düşündürmək və onların fikirlərini öyrənmək idi. Müsabiqəyə təqdim olunacaq inşaları aşağıdakı üç mövzudan birində yazmaq mütləq idi:

  1. Tullantıları necə azaltmalıyıq?
  2. Ətrafı təmiz saxlamaq üçün nə etməliyik?
  3. Tullantı nədir və onun faydaları hansılardır?

Qaydalar[redaktə | əsas redaktə]

Müsabiqənin tələb və şərtləri bunlar idi:

  • Hər bir inşa yazısı onun məzmununu əks etdirən adı daşımalıdır.
  • İnşa yazısında qaldırılan məsələlər və onların həlli aydın fikir və cümlələrlə ifadə edilməlidir.
  • Seçilmiş mövzuya dair nəzərdən keçirilən digər ədəbiyyat və materiallar mövzunun aktuallığını əks etdirməlidir.
  • İnşa yazısı (Microsoft Word) Times New Roman 12 şrifti ilə (sətirlər arası məsafə 1,5-dən çox olmamaqla) .doc formatda təqdim edilməlidir.
  • Hər bir inşa yazısının həcmi 5 səhifədən artıq olmamalıdır.
  • İnşa yazısı, iştirakçının seçimi ilə Azərbaycan, rus və ya ingilis dillərində hazırlana bilər.
  • Hər inşanın sonunda iştirakçının adı, soyadı, təhsil aldığı yer/il və əlaqə telefonları qeyd edilməlidir.
  • Hazır inşalar insha@tamizshahar.az ünvanına göndərilməlidir.

Mükafatlandırma[redaktə | əsas redaktə]

15 aprel 2014-cü il tarixində başlamış müsabiqə 1 ay sonra mayın 15-də başa çatmışdır. Mükafatlandırma mərasimi isə 20 may 2014-cü il tarixində Bakıdakı Alov qüllələrinin Səttar Bəhlulzadə zalında keçirilmişdi. “Təmiz Şəhər” ASC-nin Layihələrin idarəedilməsi və ictimaiyyətlə əlaqələr şöbəsinin müdiri Oqtay Məmmədov təqdimatında müsabiqəyə təqdim edilən inşalarda çoxsaylı faydalı fikirlərin səsləndirildiyini, ətraf mühitlə bağlı məsələlərin yeniyetmə və gəncləri daha çox düşündürdüyünü qeyd etmiş, inşalarda qeyd edilən təkliflərin dəyərləndiriləcəyini və cəmiyyətin ictimaiyyətlə fəaliyyətində nəzərə alınacağını bildirmişdir.

Təqdimatın sonunda inşa müsabiqəsinin yekunları açıqlanmışdır. Üçüncü yerin qalibi “Təmiz gələcəyə doğru” mövzulu inşanın müəllifi Bakı Türk Liseyinin tələbəsi Bəyimxanım Bəhməni, ikinci yerin qalibi “Təmiz saxla, sağlam ol, qazan” inşasının müəllifi Göyçay rayonu 7 nömrəli məktəbin tələbəsi Cəmil Eminov, birinci yerin qalibi isə “Yaşıl gələcəyimiz” mövzulu inşanın müəllifi Balaxanı sakini, Bakı şəhəri 287 nömrəli "Zəkalar" liseyinin 9-cu sinif şagirdi Nəriman Əliyev elan edilmiş, hədiyyələr və diplomlarla təltif edilmişlər. İnşa müsabiqəsində iştirak edən bütün məktəbli və tələbələr (qaydalara uyğun şəkildə yazılmış inşaların müəllifləri) isə iştirakçı sertifikatları ilə təltif edilmiş və “Təmiz Şəhər” ASC tərəfindən Bərk Məişət Tullantıların Yandırılması və Balaxanı Bərk Məişət Tullantılarının Çeşidlənməsi Zavodlarının fəaliyyəti ilə əyani tanış olmaq imkanı əldə etmişlər. Qeyd edək ki, qaliblər müsabiqə təşkilatçıları tərəfindən seçilmiş münsiflər heyətinin qərarı ilə seçilmişdi.[1]

Mənbə[redaktə | əsas redaktə]

İstinadlar[redaktə | əsas redaktə]