Yaşar Əliyev (siyasətçi, 1948)

Vikipediya, azad ensiklopediya
Jump to navigation Jump to search
Yaşar Əliyev
Yaşar Tofiq oğlu Əliyev
Yaşar Əliyev (siyasətçi).jpg
bayraqAzərbaycan Milli Məclisinin III çağırış üzvübayraq
24 noyabr 1995 — 26 iyul 2002
bayraqAzərbaycan Milli Məclisinin sədr müavinibayraq
24 noyabr 1995 — 12 noyabr 2000
bayraqAzərbaycan Ali Sovetinin sədr müavinibayraq
14 noyabr 1994 — 24 noyabr 1995
bayraqAzərbaycanın Çində Fövqəladə və Səlahiyyətli Səfiribayraq
26 iyul 2002 — 16 avqust 2011
bayraqAzərbaycanın Vyetnamda Fövqəladə və Səlahiyyətli Səfiribayraq
30 sentyabr 2004 — 16 avqust 2011
bayraqAzərbaycanın Cənubi Koreyada Fövqəladə və Səlahiyyətli Səfiribayraq
30 sentyabr 2004 — 4 noyabr 2006
bayraqAzərbaycanın Şimali Koreyada Fövqəladə və Səlahiyyətli Səfiribayraq
30 sentyabr 2004 — 16 avqust 2011
bayraqAzərbaycanın Monqolustanda Fövqəladə və Səlahiyyətli Səfiribayraq
30 sentyabr 2004 — 16 avqust 2011
Şəxsi məlumatlar
Partiya Emblem of New Azerbaijan Party.png Yeni Azərbaycan Partiyası
Təhsili Azərbaycan Dövlət Tibb İnstitutu
Doğum tarixi (72 yaş)
Doğum yeri Bakı, Azərbaycan SSR, SSRİ
Vətəndaşlığı Azərbaycan Azərbaycan
Həyat yoldaşı Rəna Əliyeva
Uşaqları Rüfət, Səbinə
Elmi fəaliyyəti
Elmi dərəcəsi Professor

Təltifləri "Şöhrət" ordeni "Azərbaycan diplomatiк xidmət orqanlarının 90 illiyi (1919-2009)" yubiley medalı "Azərbaycan Respublikası diplomatik xidmət orqanlarının 100 illiyi (1919-2019)" yubiley medalı
"Sodrujestvo" ordeni

Yaşar Tofiq oğlu Əliyev (5 iyul 1948(1948-07-05), Bakı) — azərbaycanlı dövlət və siyasi xadim; Azərbaycan Milli Məclisinin III çağırış üzvü; Azərbaycan Milli Məclisinin sədr müavini (1995–2002), Azərbaycan Ali Sovetinin sədr müavini (1994–1995), Azərbaycanın Çində (2002–2011), Vyetnam, Cənubi Koreya, Şimali KoreyaMonqolustanda (2004–2011) olan Fövqəladə və Səlahiyyətli Səfiri.

Həyatı[redaktə | əsas redaktə]

Yaşar Tofiqi oğlu Əliyev 1948-ci il iyulun 5-də Bakı şəhərində anadan olub. O, 1956–1966-cı illərdə Nəsimi rayonu 1 №-li tam orta məktəbdə təhsil alıb. 1966–1971-ci illərdə isə N. Nərimanov Azərbaycan Dövlət Tibb İnstitutunda müalicə işi üzrə ali təhsil alıb. Rus və ingilis dillərini bilir. Yeni Azərbaycan Partiyasının (YAP) üzvüdür. YAP Siyasi Şurasının üzvü olub.

Fəaliyyəti[redaktə | əsas redaktə]

Yaşar Əliyev 1972–1982-ci illərdə Səhiyyə Nazirliyinin Baş İdarəsinin Kardiologiya şöbəsinin 4 saylı bölməsində çalışıb.

1975–1979-cu illərdə Əzizbəyov Rayon Komsomol Komitəsində II Katib vəzifəsində çalışan Yaşar Əliyev, 1982-ci ildən N. Semaşko adına 12 saylı Şəhər Xəstəxanada cərrahiyyə şöbəsinin həkimi, 1983-cü ildən baş həkimin müavini, 1984-cü ildən isə baş həkimi vəzifəsində çalışmışdır.

Parlamentdə fəaliyyəti[redaktə | əsas redaktə]

Yaşar Əliyev 1990-cı ildə Azərbaycan SSR Ali Sovetinin deputatı seçilib.

1995-ci il noyabrın 12-də baş tutan Parlament seçimlərində 91 nömrəli Xanlar-Daşkəsən dairəsindən Yeni Azərbaycan Partiyasının (YAP) namizədi olan Yaşar Əliyev I çağırış Milli Məclisin deputatı seçildi. 1995-ci il noyabrın 24-dən səlahiyyətlərinin icrasına başlayan Yaşar Əliyev Milli Məclisin sədr müavini olub.

Daha sonra 2000-ci il noyabrın 5-də baş tutan Parlament seçimlərində isə 91 nömrəli Xanlar-Daşkəsən dairəsindən Yeni Azərbaycan Partiyasının (YAP) namizədi olan Yaşar Əliyev növbəti dəfə II çağırış Milli Məclisin deputatı seçildi. 2000-ci il noyabrın 12-dən səlahiyyətlərinin icrasına başlayan Yaşar Əliyev Milli Məclisin Sosial siyasət Daimi Komissiyasının üzvü, Azərbaycan—Rusiya parlamentlərarası əlaqələr üzrə işçi qrupunun isə rəhbəri olub.[1][2]

Səfir fəaliyyəti[redaktə | əsas redaktə]

2002-ci il iyulun 26-da Yaşar Əliyevə Azərbaycanın Fövqəladə və Səlahiyyətli Səfiri dərəcəsinin verilməsi haqqında Azərbaycan Prezidenti Heydər Əliyevin 737 nömrəli Fərmanı imzalandı. Həmin gün imzalanan 738 nömrəli Sərəncama əsasən isə Yaşar Əliyev Azərbaycanın Çində Fövqəladə və Səlahiyyətli Səfiri vəzifəsinə təyin edildi.

Azərbaycan Prezidenti İlham Əliyevin 30 sentyabr 2004-cü il 407 nömrəli Sərəncamına əsasən Yaşar Əliyev, iqamətgahı Çində olmaqla, eyni zamanda Azərbaycanın Vyetnam, Şimali Koreya, Cənubi KoreyaMonqolustanda Fövqəladə və Səlahiyyətli Səfiri vəzifəsinə təyin edildi.

Ailəsi[redaktə | əsas redaktə]

Yaşar Əliyev ailəlidir, 2 övladı var.

İstinadlar[redaktə | əsas redaktə]

  1. "II çağırış Azərbaycan Milli Məclisinin Sosial siyasət Daimi Komissiyasının üzvlərinin seçilməsi haqqında Azərbaycan Milli Məclisinin 30 noyabr 2000-ci il tarixli Qərarı" (PDF)(azərb.)). 30.11.2000. 24.08.2020 tarixində arxivləşdirilib (PDF). İstifadə tarixi: 24.08.2020.
  2. "II çağırış Azərbaycan Milli Məclisinin parlamentlərarası əlaqələr üzrə işçi qruplarının yaradılması haqqında Azərbaycan Milli Məclisinin 30 noyabr 2000-ci il tarixli 24-IIQR nömrəli Qərarı"(azərb.)). 30.11.2000. 26.08.2020 tarixində arxivləşdirilib. İstifadə tarixi: 26.08.2020.