Musa basjoo

Musa basjoo
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Birləpəlilər Klad: Kommelinidlər Dəstə: Zəncəfilçiçəklilər Fəsilə: Banankimilər Cins: Banan Növ: Musa basjoo
Beynəlxalq elmi adı
Musa basjoo Zucc. & Siebold, 1874
Şəkil axtarışı NCBI   133197 EOL   1116116

Musa basjoo (lat. Musa basjoo) — bitkilər aləminin zəncəfilçiçəklilər dəstəsinin banankimilər fəsiləsinin banan cinsinə aid bitki növü.

Arealı

Vətəni Çindir.

Botaniki xarakteristikası

Güclü kökümsovu vardır və burada su, qida maddələrinin ehtiyatı saxlanılır. Əsl gövdəsi torpağın üzərindən 5 sm çox olmayaraq qalxır. "Gövdə" hesab edilən hissə yarpaqların bir-birinə möhkəm keçmiş saplaqlarıdır. Onların az miqdarda qara xalları vardır və nazik mum qatı ilə örtülmüşdür. Yalançı gövdənin hündürlüyü 2,5 m-ə çatır, yaşıl və ya sarı-yaşıl rəngli olur, əsasən solmuş yarpaqların bünövrələri ilə örtülmüşdür. Yarpaq aylarının uzunluğu 1,5 m, eni 55-60 sm-dir, yuxarı hissəsi yaşıl, alt tərəfi açıq rənglidir. Sentyabrda çiçəkləyir. Çiçək qrupu yalançı gövdənin mərkəzindən çıxır, ucunda erkək çiçəkləri, mərkəzində ikicinsli və bünövrəsində dişi çiçəkləri vardır. Arılarla tozlanır. Meyvələrin uzunluğu 25 sm-dək olur, yaşıl rəngli meyvələri yeməli deyil. Vegetativ üsulla-kökümsovun hissələri və kök zoğları ilə çoxaldılır.

Ekologiyası

Bu bitki nəmişli, günəşli, küləkdən qorunan yerlərdə bitir. Qışda gövdəsi quru yarpaqlarla örtülür, bitkinin yuxarı hissəsi isə yarpaqlarla birgə məhv olur.

Azərbaycanda yayılması

Abşeronda, Lənkəranda, Astarada həyətyanı sahələrdə mədəni şəraitdə becərilir.

İstifadəsi

Qida əhəmiyyətlidir. Vətənində keyfiyyətinə görə lif alınır. Bu lifdən paltar tikilməsində, kitab cildini çəkməkdə və s.istifadə edilir.

Sinonimləri

Homotipik sinonimləri

• Musa japonica Sallier

Yarımnövləri

• Musa basjoo var. basjoo
• Musa basjoo var. lushanensis (J.L.Liu) Häkkinen
• Musa basjoo var. luteola (J.L.Liu) Häkkinen