Yapon gərməşovu

Yapon gərməşovu
Elmi təsnifat
Domen: Eukariotlar Ranqsız: Diaphoretickes Ranqsız: Archaeplastida Aləm: Bitkilər Klad: Streptophyta Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superrosids Klad: Rosids Klad: Fabids Dəstə: Celastrales Fəsilə: Gərməşovkimilər Yarımfəsilə: Celastroideae Cins: Gərməşov ???: Yapon gərməşovu
Beynəlxalq elmi adı
Euonymus japonicus Thunb., 1780
Şəkil axtarışı ITIS   894987 NCBI   212708 EOL   483221

Yapon gərməşovu

Təbii yayılması

Yaponiyada, Qafqazda yayılmışdır.

Botaniki təsviri

Hündürlüyü 4-8 m olan həmişəyaşıl ağac və ya koldur. Cavan budaqları dörtdilli, qabığı qonurumtul-yaşıldır. Yarpaqları dərivarıdır, üst tərəfdən parlaq, tünd-yaşıl, altdan isə nisbətən solğun rəngdədir. Qaidə hissəsi pazvarı, kənarları oyuqvarı dişlidir. Aprel-may aylarında çiçəkləyir. Çiçəklərinin sayı 10-40 ədəd olub, yarımçətirli çiçək qrupunda yerləşir. Meyvəsi oktyabr-noyabr aylarında yetişir.

Ekologiyası

Gilli, qumsal torpaqlarda yaxşı bitir, şaxtaya, istiyə davamlıdır. Dəniz səviyyəsindən 1800 m hündürlüyə qədər olan meşələrdə seyrək hallarda bitir.

Azərbaycanda yayılması

Bu növ Böyük və Kiçik Qafazda, Cənub bölgəsində yayılmışdır. Respublikanın bütün rayonlarında mədəni şəraitdə park və bağlarda rast gəlinir.

İstifadəsi

Dekorativ bitki kimi yaşıllaşdırmada geniş istifadə olunur.

Mənbə

• Tofiq Məmmədov (botanik), "Azərbaycan dendroflorası II cild", Bakı:-"Səda"-2015. Arxivləşdirilib 2019-11-17 at the Wayback Machine