Yapon işi (film, 1987)

Vikipediya, azad ensiklopediya
Jump to navigation Jump to search
Yapon işi
türk. Japon İşi
Poster.
Poster.
Janr komediya, elmi fantastika
Rejissor Kartal Tibet
Ssenari müəllifi Ərdoğan Tünaş
İlk baxış tarixi 1987
Rəng rəngli
Ölkə
Dil türk dili
IMDb ID 0252562

Yapon işi (türk. Japon İşi) – 1987-ci ildə Kartal Tibetin rejissorluğu ilə çəkilmiş Türkiyə filmi.[1] Komediya janrında olan filmin baş rollarında Kamal Sunal, Fatma Girik, Sümer Tilmaç, Reha YurdakulNecdet Yakın çıxış edirlər.[1] Film bir gecə klubunda ofisiant kimi işləyən Veysəldən və yapon dostu tərəfindən göndərilmiş qadın robotdan bəhs edir.[1]

Məzmun[redaktə | mənbəni redaktə et]

Veysəl bir gecə klubunda işləyən ofisiantdır. Klubun solisti olan Başak Billursesə aşiqdir. Lakin nə qədər çalışsa da, Başak ona maraq göstərmir. Bir gün Veysəlin kömək etdiyi bir yapon müştəri ona Başaka çox bənzəyən bir robot göndərir. Veysəl "Yapon Başak" adlandırdığı robot ilə birlikdə yaşamağa başlayır.

Başak həbsdə olan və cəzasının bitməsinə çox az qalan mafiya lideri Dəli Dilavərin evlənmə təklifini qəbul etməmək üçün İsveçrəyə qaçır. Gecə klubunun idarəçiləri Veysəlin yanındakı robotu əsl Başak zənn edirlər və qaçırıldığını düşünüb polisə xəbər edirlər. Lakin Yapon Başak öz iradəsi ilə Veysəlin yanında qaldığını bildirir. Klubun sahibi Başakı yenidən səhnəyə çıxarmaq üçün Veysəl ilə müqavilə bağlamağa məcbur olur. Səhnəyə çıxdığını öyrənən Dilavər Yapon Başakı əsl Başak zənn edib qaçırmağa çalışır, lakin Yapon Başak onun adamlarını döyür.

Əsl Başak öz adıyla başqasının səhnəyə çıxdığını öyrənir və Türkiyəyə qayıdır. Saxta Başak məsələsinin Veysəllə əlaqədar olduğunu öyrənir və onu işdən qovdurur. Lakin Dilavərin gələcəyini öyrənən Başak kömək etməsi üçün Veysəlin evinə gedir və Yapon Başakla qarşılaşıb məsələnin əslini öyrənir. Bu zaman Dilavər gəlir və Veysəl əsl Başakı xilas etmək üçün Yapon Başakı ona verir. Veysəlin kədərli olduğunu görən Başak onunla birlikdə Yapon Başakla Dilavərin toyuna gedirlər. Yapon Başak Veysəlin gəldiyini görüb evlənməyə etiraz edir və Dilavəri döyüb bir binanın damına çıxır. Veysəllə Başak onu dayandırmaq istəsə də, Yapon Başak Veysəli sevdiyini deyir və özünü damdan atır.

Rollarda[redaktə | mənbəni redaktə et]

İstehsal[redaktə | mənbəni redaktə et]

Filmin çəkilişləri 1987-ci ildə İstanbulun Beşiktaş ilçəsində və Levent səmtində baş tutmuşdur.[1]

İstinadlar[redaktə | mənbəni redaktə et]

  1. 1 2 3 4 5 6 7 8 9 10 11 12 13 14 15 16 17 "Japon İşi filmi konusu nedir, oyuncuları kimler? Japon İşi filmi ne zaman ve nerede çekildi?". Sabah (türkcə). 3 sentyabr 2022. 25 noyabr 2022 tarixində arxivləşdirilib. İstifadə tarixi: 25 noyabr 2022.