Yaponiya Həmkarlar İttifaqları Konfederasiyası

Vikipediya, açıq ensiklopediya
Jump to navigation Jump to search
Infobox museum pictogram.png
Yaponiya Həmkarlar İttifaqları Konfederasiyası
RENGO
yap. 連合
yap. 日本労働組合総連合会
Növü Həmkarlar ittifaqı
Yaranma tarixi 1989
Mərkəzi Tokio
SədriNobuaki Koqa
jtuc-rengo.org
RENGO binası

Yaponiya Həmkarlar İttifaqları Konfederasiyası (yap. 日本労働組合総連合会) və ya qısaca RENGO (yap. 連合) — Yaponiyanın ən irimiqyaslı və aparıcı həmkarlar ittifaqı təşkilatlarından biri. Konfederasiyanın baş qərargahı Tokio şəhərində yerləşir.

Tarixi[redaktə | əsas redaktə]

Yaponiya Həmkarlar İttifaqları Konfederasiyası 1989-cu ildə bir neçə milli mərkəzin birləşməsindən yaranmışdır.

Strukturu[redaktə | əsas redaktə]

3 pilləli strukturdan ibarətdir:

  • müəssisədaxili ilk təşkilatlar – iş şəraitini yaxşılaşdırmaq, işçilərin ailə üzvlərinə müəyyən xidmətləri təmin etmək üçün iş yerlərində danışıqlar və əməyin idarə olunmasına aid məsləhətlər aparırlar;
  • sahə birlikləri – müəssisədaxili ilk təşkilatlardan təşkil olunur və onların üzvləri müəssisədə iş şəraitinə aid məlumat mübadiləsi aparırlar və sahəyə aid spesifik problemlərin həll olunmasına çalışırlar;
  • milli mərkəz – Konfederasiya isə öz-özlüyündə sahə birliklərindən ibarət olan milli mərkəzdir. İşçilərin, üzvlərinin hüquqlarının qorunması nöqteyi-nəzərindən əmək standartları, vergilər sistemi, sosial təminat və s. məsələlər üzrə hökumətlə, işəgötürənlərlə birgə fəaliyyət göstərir.

Konfederasiyanın regional təşkilatları da mövcuddur.

Məqsədi və fəaliyyəti[redaktə | əsas redaktə]

Konfederasiyanın əsas məqsədi işçilərin hüquqlarının qorunması, həyat şəraitlərinin yaxşılaşdırılmasıdır. Bu məqsədlə də ilk təşkilatlar iş yerlərində müəssisə rəhbərləri ilə danışıqlar aparır və problemlərin həll olunmasına çalışırlar. Lakin buna baxmayaraq, yenə də həll olunmayan məsələlər var. Məsələn, tibbi sığorta sistemi, təqaüd, işçilərin sığortası və s.

Bu kimi problemlərin həlli üçün Yaponiya Həmkarlar İttifaqları Konfederasiyası iqtisadi, sosial təminat siyasəti, işçi və əmək siyasəti və s. sahələrdə sistematik tələblər irəli sürürlər. Milli və Bələdiyyə Məsləhət Şurasında həmkarlar ittifaqları üzvləri əmək qanunvericiliyi, mövcud qanunda dəyişikliklərin aparılması və s. məsələlərə dair fikirlərini ifadə edirlər.

"Yaz mübarizəsi"[redaktə | əsas redaktə]

Yaponiyada maliyyə ili aprel ayında başlayır. Həmin ayda bir çox şirkətlər yeni işçilər cəlb edir, əməkhaqqı sistemində təftiş aparır. Ona görə də bu mövsüm dəyişikliyi ilə bağlı 1955-ci ildə "Yaz mübarizəsi" başlanmışdı. Bu aksiyanın da əsas məqsədi əməkhaqlarının qaldırılması, iş şəraitinin yaxşılaşdırılması, digər tələblərinin işəgötürənlərə çatdırılması idi. İndi də həmkarlar ittifaqlarının aksiyalarının əksər hissəsi yaz aylarına təsadüf edir.

Tərkibi[redaktə | əsas redaktə]

2012-ci ilin iyul ayının məlumatlarına görə tərkibində 54 üzv təşkilat və 47 regional təşkilatı var.[1]

Rəhbərləri[redaktə | əsas redaktə]

2009-cu ildən bəri təşkilata Nobuaki Koqa rəhbərlik edir.

Mənbə[redaktə | əsas redaktə]

Ədəbiyyat[redaktə | əsas redaktə]

  • (2005) in International Centre for Trade Union Rights et al.,: Trade Unions of the World, 6th, London, UK: John Harper Publishing. ISBN 0-9543811-5-7.

İstinadlar[redaktə | əsas redaktə]

  1. Rengo website Role and Function Retrieved on July 6 2012

Xarici keçidlər[redaktə | əsas redaktə]