Yaqub Əhmədov

Vikipediya, azad ensiklopediya
Jump to navigation Jump to search
Yaqub Əhmədov
Yaqub Əhmədov.png
bayraqAzərbaycan Milli Məclisinin I çağırış deputatıbayraq
Avqust 1998 — Noyabr 2000
Sələfi Sofiq Hüseynov
Xələfi Bəxtiyar Sadıqov
Şəxsi məlumatlar
Doğum tarixi 7 may 1927(1927-05-07)
Doğum yeri
Vəfat tarixi 5 yanvar 2005(2005-01-05) (77 yaşında)
Vəfat yeri
Dəfn yeri
Milliyyəti Azərbaycanlı
Partiya

Təltifləri "Qırmızı əmək bayrağı" ordeni "Şərəf nişanı" ordeni “Əmək igidliyinə görə” medalı

Əhmədov Yaqub Alış oğlu (7 may 1927, Qaradağlı5 yanvar 2005, Bakı) — Kənd təsərrüfatı elmləri namizədi, Azərbaycan Respublikasının əməkdar aqronomu, xeyriyyəçi, Azərbaycan Milli Məclisinin I çağırış deputatı.[1]

Həyatı[redaktə | mənbəni redaktə et]

Yaqub Əhmədov 1927-ci il mayın 7-də Ağdam rayonunun Qaradağlı kəndində anadan olmuşdur. 1950-ci ildə Ağdam şəhər 1 saylı orta məktəbini bitirirərək Azərbaycan Kənd Təsərrüfatı İnstitutuna daxil olmuş, 1955-ci ildə institutu fərqlənmə diplomu ilə bitirərək həmin ildən əmək fəaliyyətinə başlamışdır.

Yaqub Əhmədov 5 yanvar 2005-ci ildə Bakı şəhərində vəfat etmişdir.

Ailəlidir. 6 övladı var.

Fəaliyyəti[redaktə | mənbəni redaktə et]

1955–1960-cı illərdə Ağdam rayonu, Qərvənd MTS-nin (Maşın traktor stansiyası) aqronomu, baş aqronomu, Ağdam rayon kənd təsərrüfatı müfəttişliyinin rəisi, Ağdam rayon partiya komitəsinin 2-ci katibi vəzifələrində fəaliyyət göstərib.

1960–1964-cü illərdə Ağdam rayon "Orcanikidze" adına Kolxozun (Rayonun MahrızlıZəngişalı kəndlərini əhatə edir) sədri, birləşdirilmiş kolxoz-sovxozun (yəni bir ərazi vahidinə çevrilmiş Ağdam və Ağcəbədi rayon kolxoz-sovxoz istehsalat idarəsinin) rəisi vəzifəsində çalışmışdır.

1964-cü ildən Ağdam və Ağcəbədi rayonları ayrıldıqdan sonra Ağdam rayon, kolxoz-sovxoz istehsalat idarəsinin rəisi vəzifəsində işləmişdir.

1970–1972-ci illərdə Azərbaycan Respublikası Kənd Təsərrüfatı Nazirliyinin idarə rəisi olmuşdur.

1972–1976-cı illərdə Ağdamın Xıdırlı kəndini əhatə edən "İnqilab" Sovxozunun direktoru vəzifəsində işləmişdir.

1976–1989-cu illərdə Ağdamın Güllücə, Tağbəyli, İlxıcılarSuma kəndlərini əhatə edən Azərbaycanın ən böyük təsərrüfatlarından biri olan Hüsü Hacıyev adına Sovxozun direktoru olmuşdur.

Ulu öndər Heydər Əliyevin Yaqub Əhmədovun rəhbərlik etdiyi Hüsü Hacıyev sovxozuna səfəri. 1981

1989–1992-ci illərdə Ağdamın Qaradağlı kəndində Kolxoz sədri işləmişdir.

1992-ci ildən ömrünün sonuna kimi Azərbaycan Respublikası Kənd Təsərrüfatı Nazirliyinin Erroziya elmi, tədqiqat institutunun baş elmi işçisi vəzifəsində işləmişdir.

I çağırış Azərbaycan Respublikasının Milli Məclisinin 48 saylı Ağdam kənd seçki dairəsi üzrə seçilmiş bitərəf deputat Sofiq Hüseynov 30 dekabr 1997-ci il tarixində 47 yaşında ölmüşdür.[2] Sofiq Hüseynovdan boşalan mandat üçün 1998-ci ilin avqust ayına təkrar seçkilər təyin edilmişdir. 48 saylı Ağdam kənd seçki dairəsi üzrə bitərəf namizəd Yaqub Əhmədov 17 300 (49.7%) səs toplayaraq deputat seçilmişdir.[3]

Xeyriyyəçilik[redaktə | mənbəni redaktə et]

Yaqub Əhmədovun təşəbbüsü ilə Ağdamın Xıdırlı kəndinin əhalisinin içməli suya olan tələbatının yalnız su daşıyan maşınlarla qismən ödənilə bildiyi və başqa bir su mənbəyi olmadığı bir vaxtda Ağdam Xankəndi yolunun sağ tərəfində 10–15 ədəd artezian quyusunun qazılması, su mənbələrinin quraşdırılması və borularla kənd əhalisinə və təsərrüfatlara suyun verilməsi mümkün olmuşdur.[4]

Hüsü Hacıyev adına Sovxozun direktoru olduğu vaxtda sovxozun qısa müddətdə inkişaf etməsinə, infrastrukturun qurulmasına nail olmuşdur. Yevlax Ağdam magistral yolundan sağ tərəfə ayrılan bu kəndlərin yollarını yenidən bərpa etdirmiş, yol kənarında bağlar saldırmış, yolların işıqlanması üçün tədbirlər görmüşdür.[4]

Əsərləri[redaktə | mənbəni redaktə et]

Yaqub Əhmədov "Yüksək buğda məhsulu" (1972), "Yemçiliyin intensivləşdirilməsi yolları" (1993) kitablarının müəllifidir.

O kənd təsərrüfatında yemçilik məsələləri, şəkər çuğundurunun yem məqsədləri üçün yetişdirilməsi problemləri, eləcə də kənd təsərrüfatı elminin digər məsələləri ilə bağlı çoxlu sayda monoqrafiyaların müəllifidir. Həmin monoqrafiyalar və məqalələr SSSR-nin tanınmış elmi nəşrlərində dərc edilmişdir.

Soldan sağa Xanhüseyn Kazımlı (deputat), Yaqub Əhmədov, Fikrət Sadıqov (Azərkimyanın rəhbəri).

Təltif və mükafatları[redaktə | mənbəni redaktə et]

SSRİ Ali Sovetinin rəyasət heyətinin fərmanı ilə Yaqub Əhmədov "Qırmızı Əmək bayrağı", "Şərəf nişanı" ordenləri və "Əmək igidliyinə görə" medalı ilə təltif edilmişdir.

Mənbə[redaktə | mənbəni redaktə et]

  • Ömür karvanı. Şair-publisist, jurnalist Məmməd Əfşan. Nurlan nəşriyyatı. 2008
  • Mən görən kişilər. Şair-publisist, jurnalist Məmməd Əfşan. Azərbaycan nəşriyyatı. 2002

İstinadlar[redaktə | mənbəni redaktə et]

  1. "ƏHMƏDOV Yaqub Alış oğlu". Azərbaycan Respublikasının Milli Məclisi
  2. "Öz əcəli ilə ölən, güllələnən, qəriblikdə vəfat edən deputatlar..." 2016-03-04 tarixində arxivləşdirilib. İstifadə tarixi: 2022-07-29.
  3. "Azərbaycan Respublikasının Milli Məclisinə seçkilər üzrə 48 saylı Ağdam Kənd seçki dairəsində 1998-ci il avqustun 9-da keçirilmiş təkrar seçkilərin nəticələrinin yoxlanılması və təsdiqi haqqında Azərbaycan Respublikası Adından Azərbaycan Respublikası Konstitusiya Məhkəməsinin Qərarı". 2021-01-03 tarixində arxivləşdirilib. İstifadə tarixi: 2022-07-29.
  4. 1 2 "Xeyriyyəçi deputat Yaqub Əhmədov kim idi?". Demiryolcuveteranlar