Yaqub Qasımov

Vikipediya, azad ensiklopediya
Jump to navigation Jump to search
Yaqub Qasımov
Qasımov Yaqub Yusif oğlu
Yaqub baba.jpg
Şəxsi məlumatlar
Doğum tarixi
Doğum yeri  Azərbaycan, Quba qəzası, İkinci Nügədi
Vəfat tarixi (71 yaşında)
Vəfat yeri  Azərbaycan, Siyəzən rayonu
Vəfat səbəbi Avtomobil qəzası
Dəfn yeri
Vətəndaşlığı  Azərbaycan
 Azərbaycan
Milliyyəti azərbaycanlı
Həyat yoldaşı Mərhəba Atayeva
Atası Yusif
Anası Sürayyə
Hərbi fəaliyyəti
Qoşun növü artilleriya[d]
Rütbə baş leytenant
Təltifləri

POL Order Wojny Ojczyźnianej 1kl BAR.svg Order redstar rib.png Order bogdan khmelnitsky1 rib.png ValourRibbon.png

Order of Glory Ribbon Bar.png

Yaqub Yusif oğlu Qasımov (27 aprel 1920, İkinci Nügədi, Quba qəzası7 oktyabr 1991) — İkinci Dünya müharibəsi iştirakçısı, müharibə veteranı.[1]

Həyatı[redaktə | mənbəni redaktə et]

Qasımov Yaqub Yusif oğlu 27 aprel 1920-ci ildə Quba qəzasının İkinci Nügədi kəndində anadan olmuşdur.

Müharibədən əvvəl[redaktə | mənbəni redaktə et]

1938-ci ildə Quba Pedaqoji texnikumuna qəbul olmuş, 1940-cı ildə həmin tədris müəssisəsinindən məzun olmuşdur. Həmin il Qızıl Ordu sıralarına hərbi xidmətə çağrılmışdır.

İkinci dünya müharibəsi[redaktə | mənbəni redaktə et]

5 may 1940-cı il tarixində hərbi xidmətə qəbul olunub. Sıravi əsgər kimi başladığı müharibəni, Baş leytenant hərbi rütbəsi ilə başa vurmuşdur. Döyüşlərdə iki dəfə ağır olmaqla bir-neçə dəfə yaralanmış, Ukrayna, Belorusiya, Leninqrad, Polşa, Rumıniya, Moldova, Macarıstan, Serbiya, Bolqarıstan, Çexiya, Avstriya və nəhayət Almaniyanın Berlin şəhəri (27.04.1945–30.04.1945) uğrunda döyüşlərdə igidliklə döyüşməklə komandirlik etmişdir. 1946-cı ildə öz arzusu ilə, ordu sıralarından tərxis olunmuşdur.

Müharibədən sonra[redaktə | mənbəni redaktə et]

Müharibədən sonra Kənd sovetinin sədri, Azərbaycan Xarici Dillər İnstitutunu bitirdikdən sonra isə Rus dili müəllimi vəzifələrində işləmişdir.

Vəfatı[redaktə | mənbəni redaktə et]

7 oktyabr 1991-ci il tarixində yol qəzası nəticəsində Siyəzən rayonu ərazisində, öz avtomobilində həlak olmuşdur. Quba rayonu İkinci Nügədi kəndinin Altıncı məhəllə qəbirstanlığında dəfn olunub.

Ailəsi[redaktə | mənbəni redaktə et]

5 qızı 2 oğlu olmuşdur. Nəvələrindən Azərbaycanın Milli Ordusunda yüksək rütbəli zabitlər vardır.

Mükafatları[redaktə | mənbəni redaktə et]

"İgidliyə görə" medalı üçün sənədlər.

Qasımov Yaqub Yusif oğlu (mükafat2).jpg
Yaqub Qasımov igidliyə görə medalı1.jpg

"İgidliyə görə" medalının təqdimatının tərcüməsi: Xarkov vilayətinin İzyum rayonunun Sredniy kəndi uğrunda 17.07.1943-cü il tarixində alman işğalçılarına qarşı aparılan döyüşlərdə yoldaş QASIMOV’un taqımı SEVERNIY DONETS çayını keçən taborun bölmələrini atəşləri ilə himayə edirdi. Onun taqımının minaatanlarının atəşi ilə düşmənin bir DZOT-u (möhkəmləndirilmiş uzunmüddətli atəş nöqtəsi) və on nəfərə qədər zabit və əskəri məhv edilmişdir. Yoldaş QASIMOV yaralı olmasına baxmayaraq düşmənin canlı qüvvəsi və atəş vasitələrinə qarşı atəş açmağa davam etmişdir. Onun taqımı düşmənin əks-həmlələrini əks etdirməyə və SREDNİY kəndinin ələ keçirilməsinə kömək etmişdir.

"III dər. Boqdan Xmelnitski ordeninə" görə sənədlər.

Yaqub Qasımov boqdan xmelnitski ordeni.jpg

"Boqdan Xmelnitski ordeninə" təqdimatın (şəkildə görünən) tərcüməsi: 01.01.1944-cü il tarixindən 12.01.1944-cü il tarixinə qədər bizim qoşunların hücumu zamanı DNEPROPETROVSK vilayətinin SOFİYSKİ rayonunun VISOKİY qəsəbəsi və NOVO-KOVNO kəndləri rayonunda almanların cəmləşdiyi aşkar edildikdə şəxsən ön xəttə irəliləyərək öz minaatanlarının atəşini idarə etmişdir. Öz minaatanlarının məhvedici atəşi ilə 59-a qədər alman əskər və zabitini məhv etmişdir; Yüksəklik 0,5 istiqamətimizdə bizim müdafiəmizin dərinliyinə soxulmağa çalışan düşmənin zirehli maşınını məhv etmişdir; Düşmənin əks-həmlələrinin əks etdirilməsi zamanı məharətlə atəş aparması, bununla yanaşı göstərdiyi şəxsi dayanıqlılıq, igidlik və qəhrəmanlığa görə Hökumət hərbi mükafatı olan "3-cü dərəcəli Boqdan Xmelnitski" ordeninə layiqdir.

"Qırmızı Ulduz ordeninə" görə sənədlər.

Qasımov Yaqub Yusif oğlu (mükafat).jpg
Наградной лист (Косумов Якуб).jpg

"Qırmızı Ulduz ordeninə" təqdimatın (şəkildə görünən) tərcüməsi: 1944-cü ilin aprel ayının 5-dən 6-na keçən gecə ODESSA vilayətinin RAZDELNENSKİ rayonunun RAZDELNAYA stansiyası və 113,7 yüksəkliyi rayonunda tam tərkibli iki alman atıcı diviziyası tərəfindən Şimal Qrupu ilə birləşmək və strateji əhəmiyyətli RAZDELNAYA stansiyasını ələ keçirmək məqsədi ilə, alayımız natamam tərkibdə olmaqla diviziyamızın əsas qüvvələrindən təcrid edilmişdir.

Yoldaş QASIMOV bizim alayın 2-ci atıcı taborunun tərkibində minaatan bölüyünə komandirlik etməklə piyada bölmələrinin atəş dəstəyini təmin edirdi. Döyüşün çətin anında onun sursatları qurtardıqda, o özünü itirməmiş, güclü düşmən atəşi altında RAZDELNAYA stansiyasında yerləşən qənimət sursatların gətirilməsini təşkil etmişdir. Bu döyüşdə onun tərəfindən 2 200 ədəd artilleriya minası atılmış, 3 düşmən əks-həmləsi əks etdirilmiş, beş pulemyot nöqtəsi və əlliyə qədər düşmən əskər və zabiti məhv edilmişdir.

11.04.1944-cü il tarixində MOLDOVA’nın SLABODZEYA rayonunda DNESTR çayından şəxsi heyət və silah-sursatın düşmən atəşi altında cüzi itki belə vermədən keçilməsini təmin etmişdir. 12.04.1944-cü il tarixində KOPANKA kəndi uğrunda gedən döyüşlərdə ağır yaralanaraq sıradan çıxmışdır.

Bütün döyüşlərdə göstərdiyi şücaət və igidlik nümunələrinə görə "I Dərəcəli Vətən Müharibəsi Ordeni" [1], "Qırmızı Ulduz ordeni",[2] "3-cü dərəcəli Boqdan Xmelnitski ordeni",[3] "İgidliyə görə" medalı,[4]"Almaniya üzərində qələbəyə görə" medalı" kimi bir sıra yüksək mükafatlara layiq görülmüşdür.

Döyüş yolu[redaktə | mənbəni redaktə et]

Qasımov Yaqub Yusif oğlunun keçdiyi döyüş yolu. https://pamyat-naroda.ru/heroes/podvig-chelovek_nagrazhdenie16740682/

İstinadlar[redaktə | mənbəni redaktə et]

  1. %26first_name%3DЯкуб %26middle_name%3DИосифович%26date_birth%3D%26rank%3D%26group%3Dall%26types%3Dpamyat_commander%3Anagrady_nagrad_doc%3Anagrady_uchet_kartoteka%3Anagrady_ubilein_kartoteka%3Apotery_doneseniya_o_poteryah%3Apotery_gospitali%3Apotery_utochenie_poter%3Apotery_spiski_zahoroneniy%3Apotery_voennoplen%3Apotery_iskluchenie_iz_spiskov%3Apotery_kartoteki%3Apotery_vpp%26page%3D1 "Касумов Якуб Иосифович" (#bad_url). Pamyat Naroda.ru.
  2. https://pamyat-naroda.ru/heroes/podvig-chelovek_nagrazhdenie32706358/
  3. https://pamyat-naroda.ru/heroes/podvig-chelovek_nagrazhdenie20828913/?backurl=%2Fheroes%2F%3Flast_name%3DКосумов %26first_name%3DЯкуб %26middle_name%3DИосифович%26date_birth%3D%26rank%3D%26group%3Dall%26types%3Dpamyat_commander%3Anagrady_nagrad_doc%3Anagrady_uchet_kartoteka%3Anagrady_ubilein_kartoteka%3Apotery_doneseniya_o_poteryah%3Apotery_gospitali%3Apotery_utochenie_poter%3Apotery_spiski_zahoroneniy%3Apotery_voennoplen%3Apotery_iskluchenie_iz_spiskov%3Apotery_kartoteki%3Apotery_vpp%26page%3D1
  4. görə medal