Yaqublu (Oğuz)

Vikipediya, azad ensiklopediya
Jump to navigation Jump to search
Yaqublu
40°55′23″ şm. e. 47°27′31″ ş. u.
Ölkə
Tarixi və coğrafiyası
Saat qurşağı
Əhalisi
Əhalisi
  • 586 nəf.
Rəsmi dili Azərbaycan dili
Xəritəni göstər/gizlə
Yaqublu xəritədə
Yaqublu
Yaqublu

YaqubluAzərbaycan Respublikasının Oğuz rayonunun inzibati ərazi vahidində kənd.

Toponimikası[redaktə | mənbəni redaktə et]

Kəndin keçmiş adı Qayabaşı olmuşdur. Kəndin əsasını XX əsrin əvvəllərində milli qırğın zamanı Ermənistan ərazisindəki Yaqublu kəndindən didərgin düşmüş azərbaycanlı ailələr qoymuşdur. Yeni kənd köhnə kəndin adını daşıyır. Gürcüstanın Dmanisi rayonunda da Yaqublu adlı kənd var.[1]

"Yaqublu" – nəsil adı ilə bağlı oykonimdir, "Yaqub nəslinə məxsus, Yaqub nəslindən olanlar" anlamındadır. Yaqub sözünün yəhudi mənşəli ad kimi təqdim olunması[2] yanlışlıqdır. Çox qədim tarixi olan Yaqub – "od, işıq, Günəş" anlamlı maq-oğuz – Azərbaycan sözüdür, müqəddəs kitablarda adı çəkilən Yaqub peyğəmbərdir. Yəhudilər və digər xalqlar onu öz danışıq tərzlərinə uyğun olaraq İakov, Yakov kimi tələffüz etmişlər. "Yaqub" da "ya" Günəşi təmsil edir, "qub" — qab, qobu, qəbir, qubar, qürub, Qubad (şəxs adı) kimi sözlərlə eyni mənşədən olub Günəşin batan zaman aldığı forma, görünüş, dairə ilə bağlıdır. Deməli, "Yaqub" (Yaqublu) — "yenicə batmağa başlayan parlaq, işıqlı Günəş"dir.

Tarixi[redaktə | mənbəni redaktə et]

Yaqublu kəndi XVIII əsrin sonları-XIX əsrin əvvəllərində Qərbi Azərbaycandan (indiki Ermənistan) gələnlər tərəfindən salınmışdır. Rusiya çar hökuməti tərəfindən 1824-cü, 1842-ci, 1863-cü və 1873-cü illərdə aparılmış kameral təsvirlərdə Yaqublu kəndinin Şəki qəzasının tərkibində olduğu qeyd edilmişdir.[3]

Tarixi abidələri[redaktə | mənbəni redaktə et]

Kəndin şimalında qədim kurqanlar, cənubda Quşlar adlı kənd xarabalığı var.

Coğrafiyası və iqlimi[redaktə | mənbəni redaktə et]

Kənd Alazan-Əyriçay çökəkliyində, Rayon mərkəzindən 20 km cənubda, Oğuz-Xaldan şosse yolunun üstündə yerləşir. Oğuz-Gəncə, Oğuz-Mingəçevir, Oğuz-Bərdə, Xaçmaz (kənd)-Mingəçevir və s. avtobus marşrutları Yaqubludan keçir.

Əhalisi[redaktə | mənbəni redaktə et]

Kameral təsvirlərə əsasən çar hökuməti tərəfindən aparılmış siyahıya almalara əsasən Yaqublu kəndində 1824-cü ildə 71 nəfər, 1842-ci ildə 140 nəfər, 1863-cü ildə 822 nəfər, 1873-cü ildə 982 nəfər yaşamışdır.[4]

2009-cu ilin siyahıyaalınmasına əsasən kənddə 586 nəfər əhali yaşayır.[5]

Şəhidləri[redaktə | mənbəni redaktə et]

İqtisadiyyatı[redaktə | mənbəni redaktə et]

Kənd əhalisinin əsas məşğuliyyətini taxılçılıq, üzümçülük və heyvandarlıq təşkil edir. Əhali təbii qazdan istifadə edir.

Mədəniyyəti[redaktə | mənbəni redaktə et]

Kənddə mədəniyyət evi, kitabxana, poçt və ATS mövcuddur.

Təhsil[redaktə | mənbəni redaktə et]

Kənddə uşaq bağçası və orta məktəb fəaliyyət göstərir.

Din[redaktə | mənbəni redaktə et]

Səhiyyə[redaktə | mənbəni redaktə et]

Kənddə tibb məntəqəsi var.

İstinadlar[redaktə | mənbəni redaktə et]

  1. Yaqublu (Oğuz) // Azərbaycan toponimlərinin ensiklopedik lüğəti. II cild. Bakı: Şərq-Qərb. 2007. 304. ISBN 978-9952-34-156-0.
  2. Osman Mirzəyev. Adlarımız. Bakı: 1986, səh.111-112.
  3. Z.Ə.Cavadova. Şimal-qərbi Azərbaycanın əhali tarixi və tarixi demoqrafiyası (XIX əsrin əvvəlləri - 70-ci illəri). Bakı: 2002.
  4. Z.Ə.Cavadova. Şimal-qərbi Azərbaycanın əhali tarixi və tarixi demoqrafiyası (XIX əsrin əvvəlləri - 70-ci illəri). Bakı: 2002.
  5. Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629

Həmçinin bax[redaktə | mənbəni redaktə et]