Yavər Əliyev

Vikipediya, azad ensiklopediya
Jump to navigation Jump to search
Yavər Əliyev
Yavər Yaqub oğlu Əliyev
Yavər Əliyev.jpg
Şəxsi məlumatlar
Doğum tarixi
Doğum yeri Bakı şəhəri, Azərbaycan Respublikası
Vəfat tarixi (35 yaşında)
Vəfat yeri Qarabağ, Azərbaycan Respublikası
Vəfat səbəbi Şəhid
Dəfn yeri Bakı,Şəhidlər Xiyabanı
Vətəndaşlığı SSRİ SSRİ
Azərbaycan Azərbaycan
Hərbi fəaliyyəti
Döyüşlər
Təltifləri "Qızıl Ulduz" medalı

Yavər ƏliyevAzərbaycanın Milli Qəhrəmanı; Qarabağ müharibəsi şəhidi.[1]

Həyatı[redaktə | mənbəni redaktə et]

Yavər Əliyev 27 iyun 1956-cı ildə Bakı şəhərində, Azərbaycan SSR-də neftçi ailəsində anadan olub. Pirallahı adasında 235 saylı orta məktəbdə təhsil başa çatdıqdan sonra Kremençuq Mülki aviasiya uçuş məktəbinə daxil olmuş və 1977-ci ildə həmin məktəbi müvəffəqiyyətlə bitirmişdir. Yavər pilot fəaliyyətinə 1977-ci ildə Zabrat aviabirliyində başlamışdır. Əliyev Mi-2 helikopterinin pilotu, daha sonra Mi-8 helikopterinin ikinci dərəcəli pilotu kimi xidmət edib, sonradan həmin helikopterin komandiri olub. Yüksək peşəkarlıq və müsbət şəxsi keyfiyyətlərinə görə, Zabrat Aviasiya dəstəsinin uçuş heyətinin komandiri təyin edildi.[2]

Öz təşkilati və döyüş qabiliyyətinə, yüksək peşəkar hazırlığına görə Yavər əliyev hərbi helikopterlərin birinci eskadrilyasının komandiri təyin edilib. O, qısa müddət ərzində eskadrilyaya ən yaxşı Mülki Aviasiya pilotlarını cəlb etməklə vahid və döyüş kollektivini topladı. Zakir Yusifov, Zakir Məcidov, Xanlar Səttarov, Firuz Cəlilov, Faiq Məmmədov və başqaları Azərbaycanın hərbi aviasiyasının tezliklə formalaşması üçün fədakarcasına çalışmışlar.

Döyüşlərdə iştirakı[redaktə | mənbəni redaktə et]

1990-cı illərin əvvəllərində Qarabağ müharibəsi zamanı Yavər Əliyevin rəhbərliyi altında uçuş heyəti dağlıq rayonların əhalisinin təxliyyəsində, [Ağdam] və [Şuşa] kəndləri arasında hava körpüsünün yaradılmasında iştirak etmiş, döyüş uçuşları da həyata keçirmişdir. Yavər Əliyev Qarabağda Mi-24 helikopterində bir neçə döyüş uçuşu yerinə yetirib, düşmənin mövqelərinə aşağı hündürlükdən zərbələr endirib. Dağlıq Qarabağda növbəti döyüş tapşırığını yerinə yetirərkən Yavər Əliyev 29 fevral 1992-ci ildə vəfat edib[3].

Ailəsi[redaktə | mənbəni redaktə et]

Ailəli idi. İki övladı atasının peşə yolunu davam etdirir.

Xatirəsi[redaktə | mənbəni redaktə et]

Azərbaycan Respublikası prezidentinin 14 sentyabr 1992-ci il tarixli 204 saylı fərmanı ilə Əliyev Yavər Yaqub oğluna ölümündən sonra "Azərbaycanın Milli Qəhrəmanı" adına layiq görülmüşdür.[1]

Bakı şəhərinin Şəhidlər xiyabanında dəfn edilmişdir.

Pirallahı adasında oxuduğu 235 №-li tam orta məktəb onun adını daşıyır. Milli Aviasiya Akademiyası onun adını daşıyır.

İstinadlar[redaktə | mənbəni redaktə et]

  1. 1 2 "National Heroes". Azerbaijans.com. İstifadə tarixi: 12 December 2018.
  2. "Алиев Явер Ягуб оглу — Ассоциация содействия развитию гражданского общества" (rus). İstifadə tarixi: 2021-10-21.
  3. Xeyrulla Xəyal. "Национальные Герои Азербайджана: Явер Алиев". газета ОЧАГ (OCAQ) Самара (rus). 2017-06-27. İstifadə tarixi: 2021-10-21.

Ədəbiyyat[redaktə | mənbəni redaktə et]

Xarici keçidlər[redaktə | mənbəni redaktə et]