Yavər Vəliyev

Vikipediya, azad ensiklopediya
Jump to navigation Jump to search
Yavər Vəliyev
Yavər Şirin oğlu Vəliyev
Yavər Vəliyev.tif
“Sənaye və Mülki Tikinti E-93” Məhdud Məsuliyyətli Cəmiyyətinin direktoru
Şəxsi məlumatlar
Partiya Emblem of New Azerbaijan Party.png Yeni Azərbaycan Partiyası
Təhsili Azərbaycan İnşaat Mühəndisləri İnstitutu
İxtisası İnşaatçı-mühəndis
Doğum tarixi 14 mart 1960 (1960-03-14) (59 yaş)
Doğum yeri SSRİ SSRİ
Azərbaycan Azərbaycan SSR, Qubadlı rayonu Boynəkər kəndi
Vətəndaşlığı Azərbaycan Azərbaycan
Tanınır Dövlət xadimi

Mükafatları "Tərəqqi" medalı

Vəliyev Yavər Şirin oğlu — “Sənaye və Mülki Tikinti E-93” Məhdud Məsuliyyətli Cəmiyyətinin direktoru

Həyatı[redaktə | əsas redaktə]

Vəliyev Yavər Şirin oğlu 14 mart 1960–cı ildə Azərbaycan Respublikası Qubadlı rayonunun Boynəkər kəndində kolxozçu ailəsində anadan olmuşdur.

1968-ci ildə həmin kənddə 8 illik məktəbin 1-ci sinfinə daxil olub 1978-ci ildə Qubadlı rayon Hal kənd orta məktəbinin 10-cu sinfini fərqlənmə ilə bitirmişdir.

1979-cu ildə Azərbaycan İnşaat Mühəndisləri İnstitutuna daxil olub 1987-ci ildə həmin institutun sənaye-mülki tikinti fakültəsini bitirərək inşaatçı-mühəndis ixtisasına yiyələnmişdir. Ailə vəziyyətini nəzərə alaraq təhsilini qiyabi olaraq başa vurmuşdur.

Y.Ş. Vəliyev 1979-1981-ci illərdə Rusiyanın Xabarovsk vilayətində hərbi xidmətdə olmuşdur.

1982-ci ildən hal-hazırkı vaxta qədər respublikamızın inkişafı naminə müxtəlif tikinti sahələrində əmək fəaliyyətini davam etdirmişdir. Belə ki, Yavər Vəliyev 1982-1989 - cu illərdə Qubadlı rayonunda 17 nömrəli SMD-də iş ustası, sahə rəisi, istehsalat şöbəsinin rəisi, baş mühəndis vəzifələrində çalışmışdır.

O, 1989-1995 –ci illərdə Qubadlı rayon “Aqrosənayeenerji” müəssisəsinin direktoru, 1995-2004-cü illərdə “Azərrabitəinşaat” ASC-nin 3 nömrəli sahəsində rəis, 2004-cü ildən hal-hazırkı vaxta qədər “Sənaye və Mülki Tikinti E-93” MMC-də direktor vəzifəsində çalışır. Ötən illərdə onun rəhbərliyi altında respublikamızın paytaxtında və bölgələrində bir sıra sosial yönümlü obyektlər tikilib istifadəyə verilmişdir.

Yeni Azərbaycan Partiyasının üzvüdür.

Ailəsi[redaktə | əsas redaktə]

Ailəlidir, iki övladı,bir nəvəsi var.

Mükafatları[redaktə | əsas redaktə]

Azərbaycan Respublikasının Prezidenti cənab İlham Əliyevin 13 oktyabr 2014-cü il tarixli, 769 nömrəli Sərəncamı ilə Vəliyev Yavər Şirin oğlu Abşeron rayonunun sosial-iqtisadi inkişafındakı xidmətlərinə görə “Tərəqqi” medalı ilə təltif edilmişdir.[1].

İstinadlar[redaktə | əsas redaktə]

  1. "Abşeron rayonunun sosial-iqtisadi inkişafında xidmətləri olan şəxslərin “Tərəqqi” medalı ilə təltif edilməsi haqqında Azərbaycan Respublikası Prezidentinin 13 oktyabr 2014-cü il tarixli, 769 nömrəli Sərəncamı" (azərb.). e-qanun.az (13 oktyabr 2014).