Yeddi krallıq dövrü
Yeddi krallıq dövrü və ya Heptarxiya — VI–VIII əsrlərdə Anglo-Sakson İngiltərəsinin kiçik krallıqlara, Şərqi Anqliya, Esseks, Kent, Mersiya, Nortumbriya, Sasseks və Uesseks kimi yeddi krallığa bölündüyü dövr. Heptarxiya termini XII əsr tarixçisi Huntinqdonlu Henri tərəfindən ortaya çıxarılmışdır və o vaxtdan bəri geniş istifadə olunur, lakin krallıqların sayı dəyişkən olduğu üçün bu terminin istifadəsi tarixçilər tərəfindən şübhə altına alınmışdır, çünki anqlo-saksonların ərazisinin hər biri bir kral tərəfindən idarə olunan, düz yeddi krallığa bölündüyü vaxt heç bir zaman olmamışdır (say fərqli olmuşdur). Kiçik krallıqlar dövrü VIII əsrdə İngiltərənin Şərqi Anqliya, Mersiya, Nortumbriya və Uesseks kimi dörd dominant krallığa bölündüyü dövrdə başa çatmışdır.[1]
İstinadlar
[redaktə | vikimətni redaktə et]- ↑ Kirby, D. H. The Earliest English Kings (Revised). London, UK: Routledge. 2000. 4–7, 19. ISBN 978-0-415-24211-0.