Yekaterina Xilko

Yekaterina Xilko
Şəxsi məlumatlar
Tam adı	Yekaterina Xilko
Vətəndaşlığı	Özbəkistan
Doğum tarixi	25 mart 1982
Doğum yeri	Daşkənd, Özbəkistan
İdman növü	Batut gimnastikası
Boyu	163 sm.
Çəkisi	50 kq.
Medallar Yarışlar 1ci 2ci 3cü Olimpiya Oyunları 0 x 0 x 1 x Dünya Çempionatı 0 x 0 x 1 x Asiya Oyunları 0 x 0 x 2 x Olimpiya Oyunları Bürünc 2008 Pekin Fərdi Dünya Çempionatı Bürünc 2009 Sankt-Peterburq Sinxron Asiya Oyunları Bürünc 2006 Doha Fərdi Bürünc 2010 Quançjou Fərdi

Yekaterina Xilko (d. 25 mart 1982; Daşkənd, Özbəkistan) — Özbəkistanı təmsil edən batut gimnastı. Yekaterina Xilko, 2000, 2004, 2008, 2012 və 2016-cı illərdə Özbəkistanı Olimpiya Oyunlarında təmsil edib. 2008 Pekin Olimpiadasında bürünc medal qazanan Yekaterina Xilko, həmdə Dünya Çempionatlarında 1 bürünc medala sahib olub.

Karyerası

2000 Sidney Olimpiadası

Yekaterina Xilko, 2000-ci ildə Özbəkistan bayrağı altında Avstraliyanın Sidney şəhərində baş tutan XXVII Yay Olimpiya Oyunlarına qatıldı. Yarışların finalında Xilko, 36.60 xal topladı və 8 idmançı sırasında 4-cü yeri tutdu.

2004 Afina Olimpiadası

Yekaterina Xilko növbəti dəfə Olimpiya Oyunlarına, 2004-cü ildə Yunanıstanın Afina şəhərində baş tutan XXVIII Yay Olimpiya Oyunlarında qatıldı. Bu səfər, yarışların təsnifat mərhələsində Xilko, 61.60 xal topladı və 16 idmançı sırasında 11-ci yeri tutaraq mübarizəni dayandırdı.

2008 Pekin Olimpiadası

Yekaterina Xilko üçüncü dəfə Olimpiya Oyunlarına, 2008-ci ildə Çinin Pekin şəhərində baş tutan XXIX Yay Olimpiya Oyunlarında qatıldı. Bu səfər, yarışların finalında Xilko, 36.90 xal topladı və 8 idmançı sırasında 3-cü yeri tutaraq Olimpiya Oyunlarının bürünc medalını qazandı.

2012 London Olimpiadası

Yekaterina Xilko dördüncü dəfə Olimpiya Oyunlarına, 2012-ci ildə Birləşmiş Krallığın London şəhərində baş tutan XXX Yay Olimpiya Oyunlarında qatıldı. Bu səfər, yarışların təsnifat mərhələsində Xilko, 99.290 xal topladı və 16 idmançı sırasında 12-ci yeri tutaraq mübarizəni dayandırdı.

2016 Rio-de-Janeyro Olimpiadası

Yekaterina Xilko sonuncu, beşinci dəfə Olimpiya Oyunlarına, 2016-cı ildə Braziliyanın Rio-de-Janeyro şəhərində baş tutan XXXI Yay Olimpiya Oyunlarında qatıldı. Bu səfər, yarışların təsnifat mərhələsində Xilko, 97.525 xal topladı və 16 idmançı sırasında 12-ci yeri tutaraq mübarizəni dayandırdı.