Yelmar İsgəndərov

Vikipediya, azad ensiklopediya
Jump to navigation Jump to search
Yelmar İsgəndərov
Yelmar Əmirxan oğlu İsgəndərov
Yelmar İsgəndərov.tif
bayraq“Rabitəinşaat” Açıq Səhmdar Cəmiyyətinin sədribayraq
Şəxsi məlumatlar
Partiya Emblem of New Azerbaijan Party.png Yeni Azərbaycan Partiyası
Təhsili V.N. Obraztsov adına Leninqrad (indiki Sankt-Peterqburq) Dəmir Yolları Nəqliyyatı Mühəndisləri İnstitutu
İxtisası İnşaatçı-mühəndis
Doğum tarixi 1 sentyabr 1964 (1964-09-01) (55 yaş)
Doğum yeri SSRİ, Azərbaycan SSR, Qubadlı rayonu, Boynəkər kəndi
Vətəndaşlığı Azərbaycan Azərbaycan
Mükafatları "Tərəqqi" medalı

İsgəndərov Yelmar Əmirxan oğlu — “Rabitəinşaat” Açıq Səhmdar Cəmiyyətinin sədri

Həyatı[redaktə | əsas redaktə]

İsgəndərov Yelmar Əmirxan oğlu 1 sentyabr 1964-cü ildə Qubadlı rayonunun Boynəkər kəndində anadan olmuşdur. Orta məktəbi bitirdikdən sonra 1982-ci ildə V.N. Obraztsov adına Leninqrad (indiki Sankt-Peterqburq) Dəmir Yolları Nəqliyyatı Mühəndisləri İnstitutuna daxil olmuş və 1987-ci ildə həmin institutun elektromexanika fakültəsini bitirmişdir. Y.Ə. İsgəndərov əmək fəaliyyətinə Naxçıvan Dəmir Yolu İdarəsində sahə rəisi vəzifəsində başlamışdır. O, 1987-1990-cı illərdə Naxçıvan Dəmir Yolu İdarəsinin elektrik təchizatı distansiyasında sahə rəisi və idarə rəisinin müavini vəzifəsində işləmişdir. 1990-cı ildə Azərbaycan Respublikası Tikinti Materialları Sənayesi Nazirliyi tərəfindən Qubadlı rayonunda yerli tikinti materialları istehsal etmək məqsədilə Tikinti Materialları Kombinatı yaradılmış və Yelmar İsgəndərov bu kombinatda 1990-1991-ci illər ərzində baş mühəndis vəzifəsində çalışmışdır.

O, 1991-ci ildən Bakı şəhərinə qayıdaraq Rabitə Nazirliyi sistemində bir sıra tikinti təşkilatlarında çalışmışdır. Belə ki, o, 1992-1997-ci illər ərzində “Azərrabitəinşaat” 3 nömrəli Tikinti-Quraşdırma İdarəsində (TQİ) baş mühəndis, 1997-2002-ci illərdə “Azərrabitəinşaat” ATSC-də İdarə Heyəti sədrinin müavini, 2002-2004-cü illərdə sədri vəzifəsində işləmişdir.

Y.Ə. İsgəndərov 2004-cü ildən bu günə kimi “Rabitəinşaat” Açıq Səhmdar Cəmiyyətinin sədri vəzifəsində çalışır.

“Rabitəinşaat” ASC əsas etibarilə mülki və yaşayış binaları üzrə ixtisaslaşmış tikinti təşkilatıdır.

Yeni Azərbaycan Partiyasının üzvüdür.

Ailəsi[redaktə | əsas redaktə]

Ailəlidir, 2 övladı var.

Mükafatları[redaktə | əsas redaktə]

Azərbaycan Respublikasının Prezidenti İlham Əliyevin İnşaat işçilərinin təltif edilməsi haqqında 9 aprel 2015-ci il tarixli Sərəncamı ilə Yelmar İsgəndərov “İnşaatçılar Günü” peşə bayramı münasibətilə və Azərbaycan Respublikasında tikinti kompleksinin inkişafında xidmətlərinə görə “Tərəqqi” medalı ilə təltif edilmişdir.[1].

İstinadlar[redaktə | əsas redaktə]

  1. "Azərbaycan Respublikasında inşaat sahəsi işçilərinin təltif edilməsi haqqında Azərbaycan Respublikası Prezidentinin 9 aprel 2015-ci il tarixli, 1167 nömrəli Sərəncamı". e-qanun.az (azərb.). 9 aprel 2015. İstifadə tarixi: 20 iyul 2016.