Yengicə (Qəbələ)

Vikipediya, azad ensiklopediya
Jump to navigation Jump to search
Yengicə
40°52′18″ şm. e. 47°51′06″ ş. u.
Ölkə  Azərbaycan
Rayon Qəbələ rayonu
Tarixi və coğrafiyası
Saat qurşağı
Yengicə xəritədə

YengicəAzərbaycan Respublikasının Qəbələ rayonunun inzibati ərazi vahidində kənd.

Tarixi[redaktə | mənbəni redaktə et]

24 iyun 2005-ci ildə Yengicə kəndi Tüntül kənd inzibati ərazi dairəsi tərkibindən ayrılaraq, həmin kənd mərkəz olmaqla, Yengicə kənd inzibati ərazi vahidi yaradılmışdır[1]. 500 nəfərin yaşadığı bu kənddə heyvandarlıqla yanaşı meyvəçilik də inkişaf edib. Burada da hiss ediləcək inkişaf nəzərə çarpır. Respublikanın hər yerindən kəndə gələn qonaqlar buranın qonaqpərvər camaatından ürək dolusu danışırlar.[2] Ərazidə əvəzsiz müalicəvi su olduğundan "Yengicə isti su sağlamlıq və istirahət kompleksi" istifadəyə verilib. Bu kompleksin inşasına 2006-cı ildən başlanıb və 21 vannadan, 50 yerdən ibarət olan mərkəzdə insanlar nəinki şəfa tapır, həm də təbiətin qoynunda dincəlmək imkanı qazanır. Əlavə müayinə otaqları və 5 mərtəbəli 80 yerlik korpus da inşa olunub. Burada dəri, revmatik sümük və oynaq xəstəliklərinin müalicəsi aparılır. 50 nəfərin işlə təminatı yerli əhalinin məşğulluğunda önəmli hadisədir.[2] Bu gün dünya təbabətində olduğu kimi Azərbaycanda də oynaq xəstəliklərindən əziyyət çəkən xəstələr az deyil və rayonda da eyni bəladan yüzlərlə insan narahatdır. Təbii yolla müalicə daha səmərəli hesab edildiyindən yenicə istifadəyə verilən mərkəzdə artıq növbələr yaranıb.[2] Kəndin ərazisində 22 sentyabr 2014-cü ildə "Qafqaz Yengicə Termal Hotel və SPA" kompleksi istifadəyə verilmişdir.[3]

Toponimikası[redaktə | mənbəni redaktə et]

  • Yengicə oyk., sadə.
  • Qəbələ r-nunun Tüntül i.ə.v.-də kənd. Baş Qafqaz silsiləsinin ətəyindədir;
  • Şərur r-nunun eyniadlı i.ə.v.-də kənd. Şərur düzündədir. Yengicə Yenicə oykoniminin fonetik şəklidir. Yenicə və Yengicə adlanan kəndlər əhalinin müəyyən hadisə ilə (əsasən torpaq çatışmamazlığına görə) əlaqədar ana kənddən köçüb kənar yerdə yeni məntəqə salması nəticəsində yaranmışdır. Oykonim “yeni kənd” məna-sındadır.[4]

Əhalisi[redaktə | mənbəni redaktə et]

Həmçinin bax[redaktə | mənbəni redaktə et]

Xarici keçidlər[redaktə | mənbəni redaktə et]

İstinadlar[redaktə | mənbəni redaktə et]

  1. Azərbaycan Respublikasının Qəbələ rayonunun inzibati ərazi bölgüsündə qismən dəyişikliklər edilməsi haqqında Azərbaycan Respublikasının 24 iyun 2005-ci il tarixli, 953-IIQ saylı Qanunu — e-qanun.az saytı[ölü keçid]
  2. 1 2 3 Şəlalə Məhyəddinqızı, "Qəbələ Qafqazın incisi", Bakı, "Oğuz Eli", 2009.
  3. İlham Əliyev Qəbələdə “Qafqaz Yengicə Termal Hotel və SPA” kompleksinin açılışında iştirak edib. president.az, 22.09.2014  (az.)
  4. Azərbaycan Toponimlərinin Ensiklopedik Lüğəti. Azərbaycan Milli Elmlər Akademiyası. Nəsimi adına Dilçilik İnstitutu. Şərq-qərb Bakı-2007. səh.427
  5. Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629