Yenikənd SES

Yenikənd su elektrik stansiyası
Yenikənd su elektrik stansiyası
	; Yenikənd SES
Ümumi məlumatlar
Çay	Kür
Sahibi	Azərenerji
Status	işlək
Tikilmə tarixi	1984
İstismara verilib	2000
İstismarçı	Azərenerji;
Əsas xüsusiyyətləri
İllik elektroenerji istehsalı	3,78 milyard kVt·s
Elektrik enerjisi gücü	37,5 MVt
Avadanlıq xüsusiyyətləri
Turbin tipi	Hidroaqreqat
Yerləşməsi
	40°55′46″ şm. e. 46°14′39″ ş. u.
Ölkə	Azərbaycan
Region	Mərkəzi Aran ;
Rayon	Samux ;
Yer	Yenikənd
	[[Fayl:\|280px\|Yenikənd su elektrik stansiyası xəritədə]] Yenikənd su elektrik stansiyası

Yenikənd SES (tam adı: Yenikənd Su Elektrik Stansiyası) — Yenikənd su anbarı üzərində tikilib, Şəmkir SES ilə birlikdə kaskad yaradan su elektrik stansiyası.^[1]

Yenikənd Su Elektrik Stansiyasının tikilməsi üçün qərar Ulu Öndər Heydər Əliyev tərəfindən hələ 1979-cu ildə verilmişdi.^[2]

Təməli 1984-cü ildə qoyulan "Yenikənd" SES 2000-ci ildə istifadəyə verilib. O zaman hər birinin gücü 37,5 MVt olan 3 hidroaqreqat istismara verilib. 2003-cü ildə dördüncü hidroaqreqat işə qoşulmaqla müəssisənin gücü 150 MVt-yə çatdırılıb.^[3]

Azərbaycanda iqtisadiyyatı, energetika və kənd təsərrüfatının inkişafında tikilən su anbarları və SES-lərin mühüm rolu vardır. Bu işdə Ulu Öndər Heydər Əliyevin yüksək fəaliyyəti danılmazdır. Yenikənd SES-in tikilib, istifadəyə verilməsi ilə bağlı keçirilən tədbirdə Ulu Öndərin söylədikləri:

Azərbaycan dövlət müstəqilliyini əldə edəndən sonra Yenikənd Su Elektrik Stansiyasının tikilib bu gün istifadəyə verilməsi, demək olar ki, həqiqətən, birinci belə böyük tikintinin başa çatması və istifadəyə verilməsidir. Mən "böyük" deyəndə, əlbəttə, onun Azərbaycan üçün, dövlətimiz üçün, millətimiz, xalqımız üçün əhəmiyyətini nəzərdə tuturam. Əhəmiyyəti isə ondan ibarətdir ki, Azərbaycanın energetika sisteminə əlavə 112 meqavat elektrik enerjisi daxil oldu. Bu tikintinin son hissəsi, yəni dördüncü turbini, aqreqatı quraşdırılıb başa çatandan sonra biz 150 meqavat elektrik enerjisi alacağıq.

Mən Yenikənd Su Elektrik Stansiyasının tikilib qurtarması münasibətilə sizi bir daha təbrik edirəm. Burada 1979-cu ildən başlayaraq bu su elektrik stansiyasının tikilməsində və istifadəyə verilməsində əmək sərf etmiş, xidmət göstərmiş bütün vətəndaşlarımızın hamısının əməyini qiymətləndirirəm və hamıya səmimi qəlbdən təşəkkür edirəm. Layihəçilərə də, inşaatçılara da, quraşdırıcılara da, energetiklərə də - hamıya bu münasibətlə təşəkkür edirəm. ^[2]

Texniki göstəriciləri[redaktə | mənbəni redaktə et]

2011-ci il mart ayında “Şəmkir” və “Yenikənd” su elektrik stansiyaları (SES) üzrə 85 milyon kilovat-saat elektrik enerjisi istehsal edilmişdir. Bu, proqnozdan 3 milyon kilovat-saat çoxdur.

2011-ci ilin birinci rübdə SES-lər üzrə 187 milyon kilovat-saat əvəzinə 192,5 milyon kilovat-saat elektrik enerjisi istehsal edilmişdir. Bunun 129 milyon kilovat-saatı “Şəmkir” SES-in payına düşür.^[3]