Yerdəki ulduzlar (film, 2007)

Vikipediya, azad ensiklopediya
Jump to navigation Jump to search
Yerdəki ulduzlar
hind तारे ज़मीन पर
hind Tāre Zamīn Par
urdu تارے زمین پر
Janr dram filmi[1][2], uşaq filmi[d], musiqili film[3][4]
Əsas mövzu Afaziya
Rejissorlar
Prodüser
Distribüter Rai, Netflix
İlk baxış tarixi 21 dekabr 2007[6][7][…]
Rəng rəngli
Müddət 165 dəq.
Ölkə
Dillər Hind dili[10][11][…], ingilis dili[12][13][…]
IMDb ID 0986264
Çəkiliş yeri Mumbay

Yerdəki ulduzlar (hind: Taare Zameen Par) 2007-ci ildə Aamir Khan, Amole Qupte və Ram Madhvani tərəfindən çəkilmiş dram filmidir. Baş rollarda Darsheel Safary və Aamir Khan oynamışdır.

Film Internet Movie Database saytında 10 baldan 8,5 bal əldə etmişdir.

“Məncə Amol parlaq və təsir edici ssenari yazsa da, onun filmə töhfəsi bir yazıçının töhfəsi ilə məhdudlaşmır. Ən vacib işi film üçün musiqinin yaradılması da daxil olmaqla bütün preprodakşn işləri, onun tərəfindən həyata keçirilmişdir... Yaradıcı prodüser kimi çəkiliş meydançasında iştirak etdi və rejissor kimi ilk debütümdə mənə böyük bir dəstək və yaradıcılıq qüvvəsi bəxş etdi. Bunun üçün ona təşəkkür edirəm və həm də, mənə etibar etdiyi və mənə inandığı üçün ona xüsusi ilə təşəkkür edirəm”. Aamir Xan

Filmin əsas çəkilişləri beş ay müddətində Hindistanda aparılmışdır. Xan rejissor kimi ilk iki gününü çəkiləcək ilk səhnənin (İşanın məktəbdən evə getməsi və bu yaxınlarda yığdığı balıqları götürməsi) yerini müəyyənləşdirmək ilə və yeni vəzifələrinin icrasını öz üzərinə götürməklə keçirmişdir. Tamaşaçıların kameradan xəbərdar olmamasının lazım olduğuna inanaraq, o, kamera hərəkətləri nisbətən az olan bu film üçün sadə çəkiliş tərzini seçmişdir.

Eyni zamanda Xan aldadıcı kamera hiylələrindən də istifadə etmişdir. Məsələn, İşanın məktəbin kənarında balıq yığdığı açılış səhnəsi yerində və Film Citydə lentə alınmışdır. Birinci çəkiliş məkanında İşana yönəlmiş çəkilişlər həyata keçirilərkən, ikinci çəkiliş məkanında tıxac terrariumlu səhnə su çəninin içində çəkilmişdir. Çənin suyu müntəzəm olaraq bulanıq olurdu, çünki lil yuxarıya doğru yüksəlir və çənin istehsal xüsusiyyətlərinə görə onu mütəmadi olaraq doldurub-boşaltmaq mümkün olmurdu. Bu maneəyə görə bu səhnənin çəkilişləri düz səkkiz saat çəkmişdir. Filmin növbəti səhnəsi İşanın iki itlə oynamasını təsvir edir. “Tamamilə daşlaşmış” Safari-ni kompensasiya etmək üçün birgə çəkilişlərin əksəriyyətində bədən dublyorundan istifadə edilirdi, lakin digər epizodlarda aktyorun yaxından çəkilmiş kadrları birləşdirilirdi. İşanın kabusu - o, qatar vağzalında anasından ayrılır və izdihamın içində ilişib qalandan sonra başqa bir qatara minir - Mumbayda daimi qatar stansiyasının meydançasında lentə alınmışdır. Çəkilişlər zamanı qatar meydançasının hərəkətsizliyini təmin etmək, hərəkət edən qatar illüziyasını yaratmaq üçün kameranı hərəkət edən maşına yerləşdirmişdirlər. Ananın nöqteyi-nəzərindən - aktrisanın arxasından çəkilən hissələr üçün - Çopra qatarın qapısının yenidən qurulmuş hissəsinin yanındakı bir maşında dayanmışdı.

Bütün məktəb səhnələri öz yerində, yəni məktəblərdə çəkilmişdir. Çəkiliş heyeti “Bir böyük şəhər məktəbində olmağın ağırlığını” yaratmaq üçün aqressiv bir effektə malik olan bir Mumbay məktəbi axtarmış və nəhayət Müqəddəs Xavier Məktəbini seçmişdirlər. Məktəb əsas yolda yerləşdiyindən fon səs-küyünü minimuma endirmək üçün çəkilişlər həftə sonları aparılırdı, lakin İşanın sinifdən göndərildiyi ilk səhnə Mumbay Marafonu günü lentə alınmışdır. Çəkiliş qruppası yaxınlıqdakı izdihamın və helikopterlərin səsini minimuma endirmək üçün sinifin pəncərələrinə adi gözlə görünməyən akril lövhələr yerləşdirmişdirlər. Yeni Dövr Liseyi İşanın internat məktəbi kimi xidmət etmişdir. Məkan dəyişikliyi İshanın Chembur Mysore Colonydəki kiçik evindən Pançqaninin “geniş, gözəl ətrafına” köçən çəkiliş komandası üçün “təmiz bir nəfəs” olmuşdur.

Çəkiliş heyəti filmdəki bir quşun balalarını qidalandırdığı qısa bir səhnə üçün hazır görüntülərdən istifadə etmişdir. Xan bu səhnə üçün diqqətlə bəyəndiyi bir klipi seçmiş, lakin filmin nümayişinə üç həftə qalmış o, kadrların nümayiş etdirilmək üçün müvafiq formatda olmadığını öyrənmişdir. O səhnəni başqa bir səhnə ilə əvəz etmək üçün, Xan üç gün düşünmüşdür və əldə olanlar ilə kifayətlənməyin vacib olduğunu bildirmişdir.

Süjet xətti[redaktə | mənbəni redaktə et]

Hərfləri və rəqəmləri qavramaqda problemləri (disleksiya) olan İşana ailəsi və dostları tərəfindən tənbəl kimi yanaşılır. İşan dərsində müvəffəqiyyətsiz, əksər işlərində ardıcıl olan bir uşaqdır, 3-cü sinifdə olmasına baxmayaraq hələ də yazıb-oxumağı öyrənə bilməmişdir, eyni zamanda o kitabı hər dəfə açanda sözlər sanki ona rəqs edirmiş kimi görünür. Bu müvəffəqiyyətsizliklər nəticəsində o içinə dönük və pessimist bir uşağa çevrilir və insanlardan uzaqda öz xoşbəxtliyini və azadlığını tapır. Anasının ona göstərmiş olduğu diqqətinə baxmayaraq, atasının sərt rəftarı İşanın ruh dünyasının ora-bura getməsinə səbəb olur. O, əlifbanı, dərslərini öyrənməsi üçün internat məktəbinə keçiriləndən sonra burada yeni rəsm müəllimi ilə tanış olur. Τamamilə hər şeydən əlini üzüb imtina etdiyi bir zamanda, onun yeni rəsm müəllimi İşanın həyatını tamamilə dəyişdirməyə nail olur.

İstinadlar[redaktə | mənbəni redaktə et]

  1. http://www.nytimes.com/reviews/movies.
  2. 1 2 http://www.imdb.com/title/tt0986264/.
  3. http://www.desimartini.com/movies/taare-zameen-par/md402.htm.
  4. http://filmklub.kinema.sk/m/movie.php?id=116708.
  5. http://www.allocine.fr/film/fichefilm_gen_cfilm=147116.html.
  6. http://www.filmibeat.com/bollywood/movies/taare-zameen-par/cast-crew.html.
  7. http://www.filmibeat.com/bollywood/movies/taare-zameen-par.html.
  8. 1 2 http://www.opensubtitles.org/en/subtitles/3251608/taare-zameen-par-en.
  9. 1 2 http://www.opensubtitles.org/en/subtitles/4100495/taare-zameen-par-en.
  10. http://www.listal.com/viewimage/1677991h.
  11. http://www.listal.com/viewimage/5241472h.
  12. http://www.opensubtitles.org/en/subtitles/3938628/taare-zameen-par-en.
  13. http://www.podnapisi.net/taare-zameen-par-2007-subtitles-p1253792.