Yevgeniya Medvedyeva

Vikipediya, azad ensiklopediya
Jump to navigation Jump to search
Yevgeniya Medvedyeva
rus. Евгения Армановна Медведева
Evgenia Medvedeva Podium 2017 World Championships.jpg
Yevgeniya Medvedyeva 2017-ci ildə
Şəxsi məlumatlar
Vətəndaşlığı Rusiya Rusiya
Doğum tarixi (21 yaş)
Doğum yeri Moskva, Rusiya
Boyu 157 sm. (5 ft 2 in)[1]
İdman növü Figure skating pictogram.svg Fiqurlu konkisürmə
İdman dərəcəsi Rusiyanın idman ustası Rusiyanın beynəlxalq dərəcəli idman ustası Rusiyanın əməkdar idman ustası
Rəsmi saytı

Yevgeniya Medvedyeva (rus. Евгения Армановна Медведева; d. 19 noyabr 1999; Moskva, Rusiya)[1] — fərdi proqramda çıxış edən rusiyalı xanım fiqurlu konkisürən. 2016 və 2017-ci illərdə olmaqla 2 dəfə dünya çempionu, 2016 və 2017-ci illərdə olmaqla isə 2 dəfə Avropa çempionu olan Yevgeniya Medvedyeva, 2015 və 2016-cı illərdə baş tutan ISU "Qran-Pri" yarışının final mərhələsinin qalibi olub.[1] 2016-cı ildən Rusiyanın əməkdar idman ustası adına sahib olan Yevgeniya Medvedyeva, 2 dəfə Rusiya çempionatının qalibi olub (2015 və 2016-cı illərdə).[1]

Karyerası ərzində 37 beynəlxalq yarışa qatılan Yevgeniya Medvedyeva, 24-ü qızıl, 4-ü gümüş və 3-ü bürünc medal olmaqla, cəmi 31 medal qazanıb.[1]

2017-ci ildən qısa və sərbəst proqram, habelə ümumi nəticə üzrə dünya rekordlarına sahibdir.

Həyatı[redaktə | əsas redaktə]

Yevgeniya Medvedyeva 19 noyabr 1999-cu ildə Moskva şəhərində anadan olub.[1] Onun anası, keçmiş konkisürən, milliyyətcə rus, atası Arman Babasyan isə ermənidir. Valideynləri boşandığı üçün Yevgeniya anasının soyadını daşıyır.

Yevgeniya Medvedyeva, anasının təkidi ilə 3 yaşından etibarən idmanın fiqurlu konkisürmə növü ilə məşğul olur. Yevgeniya Medvedyevanın anası da, fiqurlu konkisürən olub və bir-sıra uğurlar qazanıb. Yevgeniya Medvedyevanın birinci məşqçisi ÇSKA klubunda Lyubov Yakovlyeva olub. Onun gedişindən sonra isə bir müddət Yelena Selivanovanın rəhbərliyi altında məşq edib.

2007-ci ildən etibarən isə Yevgeniya Medvedyeva, valideynlərinin istəyi ilə Eteri Tutberidzenin qrupunda məşq edir.

Yevgeniya Medvedyevanın idealı, 2 qat Olimpiya, 3 qat dünya və 7 qat Avropa çempionu olan Yevgeni Plyuşşenkodur.

Yevgeniya Medvedyeva 2017-ci ilin yay ayında, vahid dövlət imtahanına qatıldı və nəticədə, Rusiya dövlət bədən tərbiyəsi, idman, gənclər və turizm universitetinin tələbəsi oldu.

Yevgeniya Medvedyeva subaydır.

Karyerası[redaktə | əsas redaktə]

Rusiyadaxili yarışlar[redaktə | əsas redaktə]

2010-11-ci illər mövsümü[redaktə | əsas redaktə]

Yevgeniya Medvedyeva birinci irimiqyaslı yarışına, 11 yaşı olanda qatıldı. 2011-ci ilin 2-4 fevral tarixləri arasında Kazan şəhərində baş tutan yeniyetmələr arasında Rusiya Çempionatında o, qısa proqramda 42.57 xalla 13-cü yeri, sərbəst proqramda isə 88.93 xalla 12-ci yeri tutdu. Ümumi nəticədə Yevgeniya Medvedyeva, 131.50 xalla 18 idmançı sırasında 12-ci pillənin sahibi oldu.

2011-12-ci illər mövsümü[redaktə | əsas redaktə]

Beynəlxalq Konkisürənlər İttifaqının (ISU) qaydalarına əsasən, müəyyən yaş həddinə çatmayan idmançılar, beynəlxalq yarışa qatıla bilməz. Buna görə də 2011-12-ci illər mövsümündə Yevgeniya Medvedyeva, yalnızca Rusiya daxili yarışlarda qüvvəsini sınadı. 2011-ci ilin dekabr ayında Saransk şəhərinin ev sahibliyində baş tutan Rusiya Çempionatında o, 161.74 xalla 8-ci yeri tutdu. 2012-ci ilin fevral ayında isə Yevgeniya Medvedyeva, yeniyetmələr arasında Rusiya Çempionatında mübarizə apardı. Bir il əvvəl baş tutan analoji çempionatda 12-ci pillənin sahibi olan Yevgeniya Medvedyeva, bu səfər nəticəsini yaxşılaşdırdı. Qısa proqramda 54.86 xal, sərbəst proqramda isə 103.64 xal toplamaqla Yevgeniya Medvedyeva, ümumi nəticədə 158.50 xalla 6-cı pillənin sahibi oldu.

2012-13-cü illər mövsümü[redaktə | əsas redaktə]

2012-13-cü illər mövsümündə Yevgeniya Medvedyeva, yalnızca yeniyetmələr arasında Rusiya Çempionatında çıxış etdi. Həmin çempionatda, 2011-ci ildə 12-ci yeri, bir il sonra isə 6-cı yeri tutan Yevgeniya Medvedyeva, nəticəsini bu səfərdə yaxşılaşdırdı. Qısa proqramda 61.35 xal, sərbəst proqramda isə 118.84 xal toplayan Yevgeniya Medvedyeva, ümumi nəticədə 4-cü pilləni tutdu. Onu, ən yaxın izləyicisi, bürünc medal qazanan Mariya Sotskovadan 3.45 xal ayırdı.

Yeniyetmə karyerası[redaktə | əsas redaktə]

2013-14-cü illər mövsümü: Beynəlxalq yarışlarda debüt[redaktə | əsas redaktə]

Yevgeniya Medvedyeva, yeniyetmələrin "Qran-Pri" yarışının finalında (2014-cü il, qısa proqram)

2013-14-cü illər mövsümündən etibarən Yevgeniya Medvedyeva, yeniyetmələr arasında beynəlxalq yarışlara qatılmaqa başladı. 2013-cü ilin avqust ayında o, ISU yeniyetmələr arasında "Qran-Pri" yarışında mübarizə apardı.[2] Latviyanın paytaxtı Riqa şəhərində baş tutan yarışın qısa proqramında Yevgeniya Medvedyeva, 55.17 xal topladı və rusiyalı Mariya Sotskova, habelə Birləşmiş Ştatlar nümayəndəsi Karen Çendən sonra 3-cü yeri tutdu.[3] Bir gün sonra, avqustun 30-da baş tutan sərbəst proqramda isə, Yevgeniya Medvedyevanın çıxışı, referilər tərəfindən 114.35 xalla qiymətləndirildi və o, sərbəst proqramı 27 idmançı sırasında 1-ci pillədə başa vurdu.[4] Ümumi nəticədə isə Yevgeniya Medvedyeva, 169.25 xalla rusiyalı Mariya SotskovanıBirləşmiş Ştatlar nümayəndəsi Karen Çeni geridə qoydu və ISU yeniyetmələr arasında "Qran-Pri" yarışının Latviya mərhələsini qızıl medal qazanmaqla başa vurdu.[2] Bu qızıl medal onun beynəlxalq yarışlarda qazandığı birinci medal idi.

Üç həftədən sonra Yevgeniya Medvedyeva, analoji yarışın Qdansk şəhərinin ev sahibliyində baş tutan mərhələsinə qatıldı.[5] 13 yaşlı Yevgeniya Medvedyeva, qısa proqramda 61.61 xal topladı və birinci yeri tutdu.[6] Bir gün sonra baş tutan sərbəst proqramda da, o, rəqib tanımadı.[7] Kompozisiyası referilər tərəfindən 118.35 xalla qiymətləndirilən Yevgeniya Medvedyeva, ən yaxın izləyicisi olan yaponiyalı Miyabi Obanı 15.91 xal fərqi ilə arxada qoydu və ISU "Qran-Pri" yarışının Polşa mərhələsinində çempionu oldu.[5][7]

Yevgeniya Medvedyeva növbəti uğurunu Belarusun paytaxtı Minsk şəhərində baş tutan yeniyetmələr arasında "Ice Star" yarışında qazandı. Qısa proqramda 62.12 xal, sərbəst proqramda isə 118.01 xal toplayan Yevgeniya Medvedyeva, ümumi nəticədə 180.13 xalla 13 idmançı sırasında birinci yeri tutdu və "Ice Star" yarışının qızıl medalına sahib oldu.

2013-cü ilin son ayında Yevgeniya daha 2 yarışda mübarizə apardı. Yaponiyanın Fukuoka şəhərinin ev sahibliyində baş tutan ISU yeniyetmələr arasında "Qran-Pri" yarışının final mərhələsində o, əsas favoritlərdən biri idi. LatviyaPolşa mərhələlərinin qalibi olan Yevgeniya, qısa proqramda 58.75 xal, sərbəst proqramda isə 104.93 xal topladı.[8][9] Ümumi nəticədə isə o, 163.68 xalla 6 idmançı sırasında 3-cü yeri tutdu və ISU yeniyetmələr arasında "Qran-Pri" yarışının 2013-14-cü illər mövsümünün bürünc medalına layiq görüldü.[10] Yarışın qızıl və gümüş medallarını isə müvafiq olaraq həmyerliləri, Mariya SotskovaSerafima Saxanoviç qazandı.[10]

Həmin ilin son günlərində Yevgeniya Medvedyeva, Soçidə baş tutan Rusiya Çempionatına qatıldı. Amma o, həmin çempionatda uğurla çıxış edə bilmədi. Qısa proqramda 62.19 xal, sərbəst proqram isə 119.67 xal toplayan Yevgeniya Medvedyeva, ümumi nəticədə Rusiya Çempionatını 18 idmançı sırasında 7-ci pillədə başa vurdu.

2014-cü ilin yanvar ayında Yevgeniya Medvedyeva, yeniyetmələr arasında Rusiya Çempionatına qatıldı. Saransk şəhərinin ev sahibliyində baş tutan çempionatda o, qısa proqramda 63.25 xal, sərbəst proqramda isə 120.45 xal topladı və ümumi nəticədə, 120.45 xalla 18 idmançı arasında 4-cü yeri tutdu. Yevgeniya Medvedyevanı, ən yaxın izləyicisi, bürünc medal qazanan Aleksandra Proklovadan 2.81 xal ayırdı.

Həmin ilin mart ayında isə Yevgeniya Medvedyeva, 2013-14-cü illər mövsümünün son yarışında çıxış etdi. Bolqarıstanın paytaxtı Sofiyada baş tutan yeniyetmələr arasında Dünya Çempionatının əsas favoritlərindən biri olan 14 yaşlı Yevgeniya Medvedyeva, qısa proqramda 63.72 xal, sərbəst proqramda isə 114.71 xal topladı və ümumi nəticədə, 178.43 xalla yeniyetmələr arasında Dünya Çempionatının bürünc medalına layiq görüldü.[11]

2014-15-ci illər mövsümü: Yeniyetmələrin Dünya çempionluğu[redaktə | əsas redaktə]

Gümüş medalçı Serafima Saxanoviç, qızıl medalçı Yevgeniya Medvedyeva və bürünc medalçı Vakaba Hiquçi

2014-15-ci illər mövsümü Yevgeniya Medvedyeva üçün, ən uğurlu mövsümlərdən biri oldu. 2014-cü ilin 20-24 avqust tarixləri arasında o, Fransanın Kurşevel kommunasında baş tutan ISU yeniyetmələr arasında "Qran-Pri" yarışına qatıldı.[12] Qısa proqramda 61.12 xal, sərbəst proqramda isə 118.43 xal toplayan Yevgeniya Medvedyeva, "Qran-Pri" yarışının Fransa mərhələsinin qızıl medalını qazandı.[12][13][14]

İki həftədən sonra Yevgeniya Medvedyeva, "Qran-Pri" yarışının Çexiya mərhələsində qüvvəsini sınadı.[15] Ostrava şəhərinin ev sahibliyində baş tutan yarışda o, yenə bütün rəqiblərini arxada qoydu.[15] Qısa və sərbəst proqramlarda 2-ci yeri tutmasına baxmayaraq Yevgeniya Medvedyeva, ümumi nəticədə 171.12 xalla ISU yeniyetmələr arasında "Qran-Pri" yarışının Çexiya mərhələsinində qalibi oldu.[15][16][17]

Ardıcıl iki dəfə "Qran-Pri" yarışının qalibi olan Yevgeniya Medvedyeva, həmin ilin son ayında yarışın həlledici mərhələsinə qatıldı.[18] Barselonada baş tutan "Qran-Pri" yarışının final mərhələsində o, əsas favoritlərdən biri idi. Ötən mövsüm analoji yarışın bürünc medalına sahib olan Yevgeniya Medvedyeva, bu səfər fəxri kürsünün birinci pilləsinə qalxdı.[18] Qısa proqramda 67.09 xal, sərbəst proqramda isə 123.80 xal toplayan 15 yaşlı Yevgeniya Medvedyeva, yeniyetmələr arasında baş tutan "Qran-Pri" yarışının final mərhələsinin çempionu oldu.[18][19][20]

Yevgeniya Medvedyeva, "Skate America" yarışında

Yevgeniya Medvedyeva, 2014-cü ilin son ayında Rusiya Çempionatına qatıldı. Karyerası ərzində o, birinci dəfə Rusiya Çempionatının medalına sahib oldu. Soçi şəhərinin ev sahibliyində baş tutan yarışda Yevgeniya Medvedyeva, qısa proqramda 72.57 xal, sərbəst proqramda isə 137.24 xal topladı və çempion Yelena Radionova, habelə vitse-çempion Yelizaveta Tuktamışevadan sonra üçüncü yeri tutaraq Rusiya Çempionatının bürünc medalını qazandı.

2015-ci ilin fevral ayında isə Yevgeniya Medvedyeva, Yoşkar-Olada keçirilən yeniyetmələr arasında Rusiya Çempionatına qatıldı. Həmin çempionatda o, bütün rəqiblərini arxada qoydu. Kompozisiyası referilər tərəfindən 205.05 xalla qiymətləndirilən Yevgeniya Medvedyeva, birinci dəfə yeniyetmələrin Rusiya Çempionatının qalibi oldu.

Yevgeniya Medvedyeva, 2014-15-ci illər mövsümündə son yarışına, mart ayında qatıldı. Estoniyanın paytaxtı Tallin şəhərinin ev sahibliyində baş tutan yeniyetmələr arasında Dünya Çempionatı, Yevgeniya Medvedyeva üçün uğurla başa çatdı.[21] Bir il əvvəl baş tutan çempionatda bürünc medala sahib olan Yevgeniya Medvedyeva, bu səfər 192.27 xalla 43 idmançı sırasında 1-ci yeri tutdu və birinci dəfə yeniyetmələr arasında Dünya çempionu adına layiq görüldü.[21]

Bu yarış, Yevgeniya Medvedyevanın yeniyetmələr arasında qatıldığı son yarış idi. 2015-16-cı illər mövsümündən etibarən o, böyüklər arasında baş tutan yarışlarda qüvvəsini sınamaqa başladı.

Böyük karyerası[redaktə | əsas redaktə]

2015-16-cı illər mövsümü: Böyüklər arasında debüt[redaktə | əsas redaktə]

Gümüş medalçı Satako Miyahara, qızıl medalçı Yevgeniya Medvedyeva və bürünc medalçı Yelena Radionova

Yevgeniya Medvedyeva böyüklər arasında birinci yarışına, 2015-ci ildə qatıldı. Slovakiyanın paytaxtı Bratislava şəhərində baş tutan "Ondrey Nepela Memorialı" yarışında o, qısa proqramda 63.68 xal, sərbəst proqramda isə 120.26 xal topladı və ümumi nəticədə yarışın qalibi oldu.

Həmin il Yevgeniya Medvedyeva həm də nüfuzlu "Skate America" yarışına qatıldı. Birləşmiş Ştatların Miluoki şəhərində baş tutan yarışın qısa proqramında o, 70.92 xal topladı və 1-ci yeri tutdu. Sərbəst proqramda isə Yevgeniya Medvedyeva, 135.09 xal topladı və Birləşmiş Ştatlar nümayəndəsi Qreysi Qolddan sonra 2-ci yeri tutdu. Amma bu, ümumi nəticəyə təsir göstərmədi və Yevgeniya Medvedyeva nüfuzlu "Skate America" yarışının çempionu oldu.

Həmin ilin noyabr ayı Yevgeniya Medvedyeva üçün elə də uğurlu olmadı. O, Moskva şəhərinin ev sahibliyində baş tutan "Rostelecom Cup" yarışına qatıldı. Həmin yarışın əsas favoriti Yevgeniya Medvedyeva olsa da, o, yalnızca gümüş medala sahib oldu. Sərbəst proqramda 139.73 xal toplayan Yevgeniya, qısa proqramda 67.03 xal topladı və bu, ümumi nəticəyə təsir göstərdi.

2015-ci ilin son ayında o, mövsümün əsas üç yarışından birincisinə qatıldı. Mövsüm ərzində bir sıra beynəlxalq yarışın qalibi olan Yevgeniya Medvedyeva, Barselonada baş tutan ISU "Qran-Pri" yarışının final mərhələsində mübarizə apardı. Nüfuzlu yarışın qısa proqramında Yevgeniya Medvedyeva, 74.58 xal topladı və rəqib tanımayaraq birinci yeri tutdu. Sərbəst proqramda isə onun çıxışı, referiler tərəfindən 147.96 xalla qiymətləndirildi və Yevgeniya Medvedyeva, birinci dəfə ISU "Qran-Pri" yarışının final mərhələsinin qalibi oldu.

Gümüş medalçı Yelena Radionova, qızıl medalçı Yevgeniya Medvedyeva və bürünc medalçı Anna Poqorilaya

2015-ci ilin son yarışıda, Yevgeniya Medvedyeva üçün uğurlu oldu. Yekaterinburq şəhərində baş tutan Rusiya Çempionatında o, qısa proqramda 79.44 xal, sərbəst proqramda isə 155.44 xal topladı. Ümumi nəticədə Yevgeniya Medvedyeva, 234.88 xalla birinci dəfə Rusiya Çempionatının qızıl medalına sahib oldu.

2016-cı il Yevgeniya Medvedyeva üçün, Dünya və Avropa Çempionatlarında debüt etməsi ilə əlamətdar oldu. Yanvarın 25-dən 31-nə qədər Slovakiyanın paytaxtı Bratislava şəhərinin ev sahibliyində baş tutan Avropa Çempionatının qısa proqramında o, Sovet bəstəkarı İsaak Şvartsın əsəri olan "Ağ gecənin musiqisi" bəstəsinin sədaları altında çıxış etdi. Kompozisiyası referilər tərəfindən 72.55 xalla qiymətləndirilən Yevgeniya Medvedyeva, Avropa çempionu olmağa ən iddialı idmançı idi. Yanvarın 29-da baş tutan sərbəst proqramda isə Yevgeniya Medvedyevanın çıxışı 142.90 xalla qiymətləndirildi və ümumi nəticədə məhz o, Avropa Çempionatının qalibi oldu. 16 yaşlı Yevgeniya Medvedyeva həm də Avropa çempionu olan ən gənc fiqurlu konkisürənlərdən biri oldu.

Gümüş medalçı Aşley Vaqner, qızıl medalçı Yevgeniya Medvedyeva və bürünc medalçı Anna Poqorilaya

Aprel ayında Yevgeniya Medvedyeva daha bir ciddi yarışda qüvvəsini sınadı. Birləşmiş Ştatların Boston şəhərində baş tutan Dünya Çempionatı onun üçün, əzmkar qalibiyyətlə başa çatdı. Yevgeniya Medvedyevanın qısa proqramda çıxışı, referilər tərəfindən 73.76 xalla qiymətləndirildi və o, Birləşmiş Ştatlar nümayəndəsi Qreysi Qold və həmyerlisi Anna Poqorilayadan sonra üçüncü pilləni tutdu. Qısa proqramdan sonra onun dünya çempionu olmaq şansları az olsa da, Yevgeniya Medvedyeva sonda yenilədiyi dünya rekordu sayəsində Dünya çempionu olmağı bacardı. Sərbəst proqramda 150.10 xal toplayan Yevgeniya Medvedyeva, ən yaxın izləyicisi olan Birləşmiş Ştatlar idmançısı Eşli Vaqneri 7.87 xal fərqi ilə arxada qoydu və birinci dəfə Dünya çempionu adına sahib oldu. Yevgeniya Medvedyeva həm də 2010-cu ildə Kanadanın Vankuver şəhərinin ev sahibliyində baş tutan XXI Qış Olimpiya Oyunları zamanı Cənubi Koreya nümayəndəsi Yuna Kim tərəfindən qeydə alınan 150.06 xallıq rekordu, 6 ildən sonra yenilədi və qısa proqramda yeni Dünya rekordunun sahibi oldu.

Yevgeniya Medvedyeva, Rusiya Federasiyasının İdman naziri Vitali Mutkonun 12 aprel 2016-cı il tarixli əmri ilə "Rusiyanın əməkdar idman ustası" fəxri adına layiq görüldü.

Yevgeniya Medvedyeva, 2015-16-cı illər mövsümündə son yarışına da Birləşmiş Ştatlarda qatıldı. Aprel ayında Spokan şəhərində baş tutan Qitələrarası Çelenc Kubokunda qüvvəsini sınayan Yevgeniya Medvedyeva, nəticədə ölkəsinə gümüş medalla döndü. O, qısa və sərbəst proqramda, habelə ümumi nəticədə birinci yeri tutsa da, mübarizə apardığı Avropa yığmasının digər üzvləri uğursuz çıxış etdi və nəticədə yığma yarışın gümüş medalına sahib oldu.

2016-17-ci illər mövsümü: 2-ci dəfə Dünya və Avropa çempionluğu[redaktə | əsas redaktə]

Gümüş medalçı Satako Miyahara, qızıl medalçı Yevgeniya Medvedyeva və bürünc medalçı Anna Poqorilaya

Yevgeniya Medvedyeva, 2016-17-ci illər mövsümündə birinci yarışına Yaponiyanın Saytama şəhərində qatıldı. Komandalar arasında "Yaponiya Open" yarışında o, yalnızca qısa proqramda mübarizə apardı. Qısa proqramda 147.07 xal toplayan Yevgeniya Medvedyeva, birinci yeri tutsa da, onun çıxış etdiyi Avropa yığmasının digər üzvləri uğursuz çıxış etdi və nəticədə yığma "Yaponiya Open" yarışının gümüş medalına sahib oldu.

Yevgeniya Medvedyeva növbəti uğurunu, Kanadanın Ontario şəhərində qazandı. "Skate Canada" yarışında qüvvəsini sınayan Yevgeniya Medvedyeva, qısa proqramda 76.24 xal, sərbəst proqramda isə 144.41 xal topladı və ümumi nəticədə, 220.65 xalla "Skate Canada" yarışının qalibi oldu.

Yevgeniya Medvedyeva noyabr ayında, Parisdə keçirilən "Trophee de France" yarışında mübarizə apardı. Artıq dünyanın ən güclü fiqurlu konkisürənlərindən biri olan Yevgeniya Medvedyeva üçün beynəlxalq yarışlarda çempion olmaq asan idi. Qısa proqramda 78.52 xal, sərbəst proqramda isə 143.02 xal toplayan Yevgeniya Medvedyeva ümumi nəticədə 221.54 xalla "Trophee de France" yarışının qızıl medalını qazandı. O, ən yaxın izləyicisi, gümüş medala sahib olan Rusiya nümayəndəsi Mariya Sotskovanı, 21.19 (!) xal fərqi ilə arxada qoydu.

Yevgeniya Medvedyeva, 2016-cı ilin dekabr ayında növbəti dəfə ISU "Qran-Pri" yarışının final mərhələsinə qatıldı. O, Fransanın Marsel şəhərinin ev sahibliyində baş tutan yarışın bir nömrəli favoriti idi. Yevgeniya Medvedyeva qalibiyyət uğrunda iddiasını, elə qısa proqramda yeni dünya rekordunun sahibi olmaqla göstərdi. Kompozisiyası 79.21 xalla qiymətləndirilən Yevgeniya Medvedyeva, 2014-cü ildə baş tutan Dünya Çempionatı zamanı Yaponiya nümayəndəsi Mao Asadanın göstərdiyi 78.66 xallıq nəticəni yenilədi. Bir gün sonra baş tutan sərbəst proqramda da o, birinci yeri tutdu. 135.25 xal toplayan Yevgeniya Medvedyeva, ümumi nəticədə 213.85 xalla ardıcıl ikinci dəfə ISU "Qran-Pri" yarışının final mərhələsinin qalibi oldu.

Gümüş medalçı Ketlin Osmond, qızıl medalçı Yevgeniya Medvedyeva və bürünc medalçı Qabriella Daleman

Yevgeniya Medvedyeva 2016-cı ildə son yarışına, Rusiya Çempionatı çərçivəsində qatıldı. Çelyabinsk şəhərinin ev sahibliyində baş tutan Rusiya Çempionatında o, yenə bütün rəqiblərini arxada qoydu. Yevgeniya Medvedyeva qısa proqramda 80.08 xal, sərbəst proqramda isə 153.49 xal topladı və ardıcıl ikinci dəfə Rusiya Çempionatının qalibi oldu.

Yevgeniya Medvedyeva üçün 2017-ci il əhəmiyyətli illərdən biri oldu. O, yanvar ayında Çexiyanın Ostrava şəhərinin ev sahibliyində baş tutan Avropa Çempionatına qatıldı. Son Avropa çempionu olan Yevgeniya titulunu qorumağı bacardı. Qısa proqramda 78.92 xal toplayan Yevgeniya Medvedyeva, bütün 34 rəqibini arxada qoydu və birinci yeri tutdu. Sərbəst proqram isə onun üçün, daha uğurlu oldu. Kompozisiyasının referilər tərəfindən 150.79 xalla qiymətləndirilməsi, Yevgeniya Medvedyevanı ardıcıl ikinci dəfə Avropa Çempionatının qalibi etdi. O, həm də 2016-cı ilin aprel ayında baş tutan Dünya Çempionatı zamanı yenilədiyi sərbəst proqram üzrə 150.10 xallıq Dünya rekordunu, daha da yenilədi. Yevgeniya Medvedyeva həmçinin, 2010-cu ildə Cənubi Koreya nümayəndəsi Yuna Kim tərəfindən Kanadanın Vankuver şəhərinin ev sahibliyində baş tutan XXI Qış Olimpiya Oyunları zamanı qeydə alınan ümumi nəticə üzrə 228.56 xallıq rekordu da yenilədi. Avropa Çempionatının gümüş medalına rusiyalı Anna Poqorilaya, bürünc medalına isə italiyalı Karolina Kostner sahib oldu.

Aprel ayında isə qatıldığı iki yarışla, 2016-17-ci illər mövsümü Yevgeniya Medvedyeva üçün başa çatdı. Aprel ayının əvvəlində o, Finlandiyanın paytaxtı Helsinki şəhərinin ev sahibliyində baş tutan Dünya Çempionatında mübarizə apardı. Qızıl medalları və qalibiyyətləti sıralayan, rekordları yeniləyən Yevgeniya Medvedyeva, Dünya Çempionatının bir nömrəli favoriti idi. 2016-17-ci illər mövsümü ərzində qatıldığı bütün yarışlarda, həm qısa proqramda, həm də sərbəst proqramda birinci pillənin sahibi olan Yevgeniya Medvedyeva, uğurlu seriyanın davamını Dünya Çempionatında da gətirdi. O, qısa proqramda 79.01 xal topladı. Bir gün sonra baş tutan sərbəst proqramda isə Yevgeniya Medvedyeva, iki ay əvvəl özünün yenilədiyi Dünya rekordunu, 154.40 xalla yenidən yenilədi. Ümumi nəticə üzrə rekordu da yeniləyən Yevgeniya Medvedyeva, ardıcıl ikinci dəfə Dünya Çempionatının qızıl medalına sahib oldu. Sonuncu dəfə, ardıcıl iki dəfə Dünya çempionu olmağı, Birləşmiş Ştatlar nümayəndəsi Mişelle Kvan bacarmışdı; O, 2000 və 2001-ci illərdə Dünya çempionu olub.

Aprel ayının sonlarında isə Yevgeniya Medvedyeva, Komandalar arası Dünya Çempionatına qatıldı. Yaponiyanın paytaxtı Tokio şəhərində baş tutan yarışda o, qısa proqramda 80.85 xal, sərbəst proqramda isə 160.46 xal topladı və ümumi nəticədə birinci yeri tutdu. Amma, onun çıxış etdiyi "Avropa" yığmasının digər üzvləri uğursuz çıxış etdiyi üçün o, Komandalar arası Dünya Çempionatının gümüş medalına sahib oldu.

2017-18-ci illər mövsümü: 2018 Pxençxan Olimpiadası[redaktə | əsas redaktə]

2017-18-ci illər mövsümü Yevgeniya Medvedyeva üçün, 2018-ci ilin fevral ayında Cənubi Koreyanın Pxençxan şəhərində baş tutacaq XXIII Qış Olimpiya Oyunları ilə əhəmiyyətli oldu. Karyerasında birinci dəfə Olimpiya Oyunlarına qatılmağı, özünə bir nömrəli hədəf seçən Yevgeniya Medvedyeva, 2017-ci ilin sentyabr ayında Slovakiyanın paytaxtı Bratislava şəhərində baş tutan "Ondrey Nepela Memorialı" yarışına qatıldı. Həmin yarışda o, qısa proqramda 80.00 xal, sərbəst proqramda isə 146.72 xal topladı və ümumi nəticədə 226.72 xalla "Ondrey Nepela Memorialı" yarışının ikinci dəfə qalibi oldu.

Daha sonra Yevgeniya Medvedyeva, Yaponiyanın Saytama şəhərinin ev sahibliyində baş tutan Komandalar arasında "Yaponiya Open" yarışında mübarizə apardı. Yalnızca sərbəst proqramda mübarizə aparan Yevgeniya Medvedyeva, 152.08 xal topladı və birinci yeri tutdu. Onun çıxış etdiyi Avropa yığmasının digər üzvləri də uğurla çıxış etdi və nəticədə yığma "Yaponiya Open" yarışının qızıl medalına sahib oldu.

2018 Pxençxan Olimpiadası[redaktə | əsas redaktə]

Uğurları[redaktə | əsas redaktə]

Evgenia Medvedeva at the Junior Grand Prix Final 2013 - Awarding ceremony 03.jpg
Evgenia Medvedeva at the Junior World Championships 2014 - Awarding ceremony 01.jpg
Evgenia Medvedeva at the Junior Grand Prix Final 2014 - Awarding ceremony 02.jpg
Evgenia Medvedeva at the Junior World Championships 2015 - Awarding ceremony 02.jpg
Evgenia Medvedeva at Skate America 2015 (1).jpg
Evgenia Medvedeva at the Grand Prix Final 2015 - Awarding ceremony 02.jpg
2016 European Figure Skating Championships Evgenia Medvedeva jsfb dave4499.jpg
2016 World Figure Skating Championships Evgenia Medvedeva jsfb dave1452.jpg
2016 Skate Canada International Evgenia Medvedeva jsfb dave9553.jpg
2016 Trophée de France Evgenia Medvedeva jsfb dave8993.jpg
Evgenia Medvedeva at the Grand Prix Final 2016 - Awarding ceremony 01.jpg
2017 European Figure Skating Championships Evgenia Medvedeva jsfb dave6919.jpg
Evgenia Medvedeva Podium 2017 World Championships.jpg
2017–2018 Grand Prix of Figure Skating Final Evgenia Medvedeva jsfb dave8912.jpg
Evgenia Medvedeva at the 2018 Winter Olympic Games - Awarding ceremony.jpg
Evgenia Medvedeva at the Autumn Classic International 2018 - Awarding ceremony 01.jpg

Karyerası ərzində 10 mövsümdə mübarizə aparan Yevgeniya Medvedyeva 25 qızıl, 10 gümüş və 5 bürünc medala sahib olub.

Yarış
Mövsümlər
10-11
11-12
12-13
13-14
14-15
15-16
16-17
17-18
18-19
19-20
Beynəlxalq yarışlar
Olimpiya Oyunları
2-ci
Dünya Çempionatı
1-ci
1-ci
WD
3-cü
Avropa Çempionatı
1-ci
1-ci
2-ci
Qran-Pri: Final
1-ci
1-ci
WD
Qran-Pri: ABŞ
1-ci
Qran-Pri: Fransa
1-ci
4-cü
Qran-Pri: Kanada
1-ci
3-cü
5-ci
Qran-Pri: Rusiya
2-ci
1-ci
2-ci
Qran-Pri: Yaponiya
1-ci
Autumn Classic International
2-ci
2-ci
Ondrej Nepela Trophy
1-ci
1-ci
“Shanghai Trophy”
1-ci
Gənclər arasında beynəlxalq yarışlar
Dünya Çempionatı
3-cü
1-ci
Qran-Pri: Final
3-cü
1-ci
Qran-Pri: Çexiya
1-ci
Qran-Pri: Fransa
1-ci
Qran-Pri: Latviya
1-ci
Qran-Pri: Polşa
1-ci
“Ice Star”
1-ci
Komanda yarışları
Olimpiya Oyunları
2-ci
Komandalararası Dünya Çempionatı
2-ci
Komandalararası “Challenge Cup”
2-ci
“Japan Open”
2-ci
1-ci
Rusiya daxili yarışlar
Rusiya Çempionatı
8-ci
7-ci
3-cü
1-ci
1-ci
WD
7-ci
WD
Gənclərin Rusiya Çempionatı
12-ci
6-cı
4-cü
4-cü
1-ci
WD — Mübarizə aparmadı / C — Təxirə salındı

Nəticələri[redaktə | əsas redaktə]

Sıra
Tarix
Yarış
Ev sahibi
QP
SP
Cəmi
Nəticə
Yer
Nəticə
Yer
Nəticə
Yer

2010–2011-ci illər mövsümü

1.
02.02.2011
04.02.2011
Gənclərin Rusiya Çempionatı Rusiya Rusiya
42.58
12
88.94
12
131.52
12-ci

2011–2012-ci illər mövsümü

2.
26.12.2011
28.12.2011
Rusiya Çempionatı Rusiya Rusiya
54.22
11
108.54
8
162.76
8-ci
3.
05.02.2012
08.02.2012
Gənclərin Rusiya Çempionatı Rusiya Rusiya
54.86
7
105.64
7
160.50
6-cı

2012–2013-cü illər mövsümü

4.
02.02.2013
04.02.2013
Gənclərin Rusiya Çempionatı Rusiya Rusiya
62.36
5
118.84
4
181.20
4-cü

2013–2014-cü illər mövsümü

5.
28.08.2013
30.08.2013
Gənclərin ISU Latviya Qran-Prisi Latviya Latviya
56.18
3
114.36
1
170.54
1-ci
6.
20.09.2013
22.09.2013
Gənclərin ISU Polşa Qran-Prisi Polşa Polşa
62.62
1
118.36
1
180.98
1-ci
7.
18.10.2013
20.10.2013
“Ice Star” Belarus Belarus
62.12
1
118.02
1
180.14
1-ci
8.
05.12.2013
06.12.2013
Gənclərin ISU Qran-Pri Finalı Yaponiya Yaponiya
58.75
3
105.95
5
164.70
3-cü
9.
24.12.2013
26.12.2013
Rusiya Çempionatı Rusiya Rusiya
62.20
8
120.68
8
182.88
7-ci
10.
22.01.2014
25.01.2014
Gənclərin Rusiya Çempionatı Rusiya Rusiya
64.25
4
120.45
4
184.70
4-cü
11.
10.03.2014
16.03.2014
Gənclərin Dünya Çempionatı Bolqarıstan Bolqarıstan
65.72
3
114.72
3
180.44
3-cü

2014–2015-ci illər mövsümü

12.
20.08.2014
24.08.2014
Gənclərin ISU Fransa Qran-Prisi Fransa Fransa
62.12
1
118.44
1
180.56
1-ci
13.
02.09.2014
08.09.2014
Gənclərin ISU Çexiya Qran-Prisi Çexiya Çexiya
55.92
2
116.20
2
172.12
1-ci
14.
11.12.2014
14.12.2014
Gənclərin ISU Qran-Pri Finalı İspaniya İspaniya
68.10
1
124.80
1
192.90
1-ci
15.
24.12.2014
28.12.2014
Rusiya Çempionatı Rusiya Rusiya
72.58
3
138.24
3
210.82
3-cü
16.
04.02.2015
08.02.2015
Gənclərin Rusiya Çempionatı Rusiya Rusiya
70.95
1
134.10
1
205.05
1-ci
17.
02.03.2015
08.03.2015
Gənclərin Dünya Çempionatı Estoniya Estoniya
68.48
1
124.50
1
192.98
1-ci

2015–2016-cı illər mövsümü

18.
01.10.2015
04.10.2015
“Ondrej Nepela Trophy” Slovakiya Bratislava
64.68
1
120.26
2
184.94
1-ci
19.
22.10.2015
25.10.2015
ISU ABŞ Qran-Prisi ABŞ ABŞ
70.92
1
135.10
2
206.02
1-ci
20.
20.11.2015
22.11.2015
ISU Rusiya Qran-Prisi Rusiya Rusiya
68.04
3
140.74
1
208.78
2-ci
21.
10.12.2015
14.12.2015
ISU Qran-Pri Finalı İspaniya İspaniya
75.58
1
148.96
1
224.54
1-ci
22.
22.12.2015
28.12.2015
Rusiya Çempionatı Rusiya Rusiya
80.44
1
155.44
1
235.88
1-ci
23.
26.01.2016
30.10.2016
Avropa Çempionatı Slovakiya Bratislava
72.55
1
142.90
1
215.45
1-ci
24.
28.03.2016
04.04.2016
Dünya Çempionatı ABŞ ABŞ
74.76
3
150.10
1
224.86
1-ci
25.
22.04.2016
24.04.2016
Komandalararası “Challenge Cup” ABŞ ABŞ
77.56
1
151.55
1
848.06
2-ci

2016–2017-ci illər mövsümü

26.
01.10.2016
02.10.2016
“Japan Open” Yaponiya Yaponiya
148.08
1
595.66
2-ci
27.
28.10.2016
30.10.2016
ISU Kanada Qran-Prisi Kanada Kanada
76.24
1
144.42
1
220.66
1-ci
28.
10.11.2016
14.11.2016
ISU Fransa Qran-Prisi Fransa Fransa
78.52
1
144.02
1
222.54
1-ci
29.
08.12.2016
11.12.2016
ISU Qran-Pri Finalı Fransa Fransa
80.22
1
148.46
1
228.68
1-ci
30.
20.12.2016
26.12.2016
Rusiya Çempionatı Rusiya Rusiya
80.08
1
154.50
1
234.58
1-ci
31.
25.01.2017
30.01.2017
Avropa Çempionatı Çexiya Çexiya
78.92
1
154.80
1
233.72
1-ci
32.
28.03.2017
02.04.2017
Dünya Çempionatı Finlandiya Finlandiya
80.02
1
154.40
1
234.42
1-ci
33.
20.04.2017
22.04.2017
Komanlararası Dünya Çempionatı Yaponiya Yaponiya
80.85
1
160.46
1
105
2-ci

2017–2018-ci illər mövsümü

34.
20.09.2017
24.09.2017
“Ondrej Nepela Trophy” Slovakiya Bratislava
80.00
1
146.72
1
226.72
1-ci
35.
08.10.2017
08.10.2017
“Japan Open” Yaponiya Yaponiya
152.08
1
615.35
1-ci
36.
20.10.2017
22.10.2017
ISU Rusiya Qran-Prisi Rusiya Rusiya
82.76
1
152.46
1
235.22
1-ci
37.
10.11.2017
12.11.2017
ISU Yaponiya Qran-Prisi Yaponiya Yaponiya
80.00
1
114.40
1
224.40
1-ci
38.
15.01.2018
22.01.2018
Avropa Çempionatı Rusiya Rusiya
78.58
2
154.30
2
232.88
2-ci
39.
08.02.2018
12.02.2018
Olimpiya Oyunları (Komanda) Cənubi Koreya Cənubi Koreya
82.06
1
66
2-ci
40.
14.02.2018
25.02.2018
Olimpiya Oyunları Cənubi Koreya Cənubi Koreya
81.61
2
156.65
1
238.26
2-ci

2018–2019-cu illər mövsümü

41.
20.09.2018
22.09.2018
“Autumn Classic International” Kanada Kanada
70.98
1
134.92
2
205.90
2-ci
42.
26.10.2018
28.10.2018
ISU Kanada Qran-Prisi Kanada Kanada
60.84
7
138.08
1
198.92
3-cü
43.
22.11.2018
25.11.2018
ISU Fransa Qran-Prisi Fransa Fransa
70.56
3
125.26
5
195.82
4-cü
44.
18.12.2018
24.12.2018
Rusiya Çempionatı Rusiya Rusiya
62.64
14
144.66
4
206.90
7-ci
45.
18.03.2019
24.03.2019
Dünya Çempionatı Yaponiya Yaponiya
74.24
4
150.58
3
224.82
3-cü

2019–2020-ci illər mövsümü

46.
12.09.2019
14.09.2019
“Autumn Classic International” Kanada Kanada
76.14
2
142.30
2
218.44
2-ci
47.
02.10.2019
05.10.2019
“Shanghai Trophy” Çin Çin
72.16
1
120.62
2
192.78
1-ci
48.
25.10.2019
28.10.2019
ISU Kanada Qran-Prisi Kanada Kanada
64.90
6
146.74
3
211.64
5-ci
49.
15.11.2019
18.11.2019
ISU Rusiya Qran-Prisi Rusiya Rusiya
76.94
1
148.84
2
225.78
2-ci
50.
24.12.2019
30.12.2019
Rusiya Çempionatı Rusiya Rusiya
72.08
5
WD
WD

Dövlət təltifləri[redaktə | əsas redaktə]

Mənbələr[redaktə | əsas redaktə]

Keçidlər[redaktə | əsas redaktə]

İstinadlar[redaktə | əsas redaktə]

  1. 1 2 3 4 5 6 "Евгения Армановна Медведева  (rus.)". www.fskate.ru. 2017-11-19 tarixində arxivləşdirilib. İstifadə tarixi: 19 noyabr 2017.
  2. 1 2 Sitat səhvi: Yanlış <ref> teqi; :2 adlı istinad üçün mətn göstərilməyib
  3. Sitat səhvi: Yanlış <ref> teqi; :0 adlı istinad üçün mətn göstərilməyib
  4. Sitat səhvi: Yanlış <ref> teqi; :1 adlı istinad üçün mətn göstərilməyib
  5. 1 2 "ISU Junior Grand Prix 2013/2014 - Ladies (Poland)  (ing.)". www.isuresults.com. 2017-11-11 tarixində arxivləşdirilib. İstifadə tarixi: 20 sentyabr 2013.
  6. "ISU Junior Grand Prix 2013/2014 - Ladies - Short program (Poland)  (ing.)". www.isuresults.com. 2017-11-11 tarixində arxivləşdirilib. İstifadə tarixi: 19 sentyabr 2013.
  7. 1 2 "ISU Junior Grand Prix 2013/2014 - Ladies - Free program (Poland)  (ing.)". www.isuresults.com. 2017-11-11 tarixində arxivləşdirilib. İstifadə tarixi: 20 sentyabr 2013.
  8. "ISU Junior Grand Prix Final 2013/2014 - Ladies - Short program  (ing.)". www.isuresults.com. 2017-11-11 tarixində arxivləşdirilib. İstifadə tarixi: 5 dekabr 2013.
  9. "ISU Junior Grand Prix Final 2013/2014 - Ladies - Free program  (ing.)". www.isuresults.com. 2017-11-11 tarixində arxivləşdirilib. İstifadə tarixi: 6 dekabr 2013.
  10. 1 2 "ISU Junior Grand Prix Final 2013/2014 - Ladies  (ing.)". www.isuresults.com. 2017-11-11 tarixində arxivləşdirilib. İstifadə tarixi: 6 dekabr 2013.
  11. Sitat səhvi: Yanlış <ref> teqi; :3 adlı istinad üçün mətn göstərilməyib
  12. 1 2 "ISU Junior Grand Prix 2014/2015 - Ladies (France)  (ing.)". www.isuresults.com. 2017-11-11 tarixində arxivləşdirilib. İstifadə tarixi: 22 avqust 2014.
  13. "ISU Junior Grand Prix 2014/2015 - Ladies - Short program (France)  (ing.)". www.isuresults.com. 2017-11-11 tarixində arxivləşdirilib. İstifadə tarixi: 21 avqust 2014.
  14. "ISU Junior Grand Prix 2014/2015 - Ladies - Free program (France)  (ing.)". www.isuresults.com. 2017-11-11 tarixində arxivləşdirilib. İstifadə tarixi: 22 avqust 2014.
  15. 1 2 3 "ISU Junior Grand Prix 2014/2015 - Ladies (Czech Republic)  (ing.)". www.isuresults.com. 2017-11-11 tarixində arxivləşdirilib. İstifadə tarixi: 6 sentyabr 2014.
  16. "ISU Junior Grand Prix 2014/2015 - Ladies - Short program (Czech Republic)  (ing.)". www.isuresults.com. 2017-11-11 tarixində arxivləşdirilib. İstifadə tarixi: 4 sentyabr 2014.
  17. "ISU Junior Grand Prix 2014/2015 - Ladies - Free program (Czech Republic)  (ing.)". www.isuresults.com. 2017-11-11 tarixində arxivləşdirilib. İstifadə tarixi: 6 sentyabr 2014.
  18. 1 2 3 "ISU Junior Grand Prix Final 2014/2015 - Ladies  (ing.)". www.isuresults.com. 2017-11-11 tarixində arxivləşdirilib. İstifadə tarixi: 12 dekabr 2014.
  19. "ISU Junior Grand Prix Final 2014/2015 - Ladies - Short program  (ing.)". www.isuresults.com. 2017-11-11 tarixində arxivləşdirilib. İstifadə tarixi: 11 dekabr 2014.
  20. "ISU Junior Grand Prix Final 2014/2015 - Ladies - Free program  (ing.)". www.isuresults.com. 2017-11-11 tarixində arxivləşdirilib. İstifadə tarixi: 12 dekabr 2014.
  21. 1 2 Sitat səhvi: Yanlış <ref> teqi; :4 adlı istinad üçün mətn göstərilməyib