Yordanka Yurukova
| Yordanka Yurukova | |
|---|---|
| Doğum tarixi | 19 yanvar 1936[1] |
| Doğum yeri | |
| Vəfat tarixi | 31 mart 2012[2] (76 yaşında) |
| Vəfat yeri | |
| Elm sahələri | arxeologiya, numizmatika |
| İş yeri | |
| Təhsili | |
Yordanka Nikoleva Yurukova (19 yanvar 1936[1], Sofiya – 31 mart 2012[2], Sofiya) — Bolqar arxeoloq və numizmat idi, Bolqarıstan Elmlər Akademiyasının müxbir üzvü olmuşdur.
Bioqrafiya
[redaktə | vikimətni redaktə et]Yurukova 1936-cı ildə Sofiyada anadan olmuşdur.[3] 1960-cı ildə Sofiya Universitetinin Tarix fakültəsini bitirmişdir, burada onun müəllimlərindən biri professor Todor Gerasimov olmuşdur.[4] Daha sonra doktorantura təhsili üçün Fransaya Sorbonna Universitetinə yollanmışdır. Orada "Les ateliers de l'Orient Byzantin" ("Bizans Şərqində zərbxanalar") adlı dissertasiyasını müdafiə etmişdir.[5]
Bolqarıstana qayıtdıqdan sonra 1962-ci ildə tədqiqatçı əməkdaş, 1974-cü ildə ikinci dərəcəli baş tədqiqatçı, 1987-ci ildə isə birinci dərəcəli baş tədqiqatçı olmuşdur. 2008-ci ildə Bolqarıstan Elmlər Akademiyasının müxbir üzvü seçilmişdir.[6]
Karyerasının böyük bir hissəsini Sofiya Universitetinin Tarix fakültəsində dərs deməklə keçirmişdir.
- 1974-cü ildən etibarən numizmatika üzrə qiyabi müəllim,
- 1992-ci ildən etibarən isə numizmatika üzrə professor olmuşdur.
- 1975–1997-ci illərdə Veliko Tırnovo Universitetində də qiyabi dərs demişdir.
- 1992–2001-ci illərdə Yeni Bolqarıstan Universitetinin Arxeologiya Departamentinin direktoru vəzifəsində çalışmışdır.[6]
O, Sarbonna, Uppsala, Cenevrə, Münhen, Frankfurt və San Dieqo universitetlərində mühazirələr oxumuşdur.[7]
Yurukova 1966–1974-cü illərdə "Numizmatika" jurnalının redaktoru, 1974-cü ildən etibarən isə baş redaktoru olmuşdur. 1974–2004-cü illər arasında isə "Arxeologiya" jurnalının redaksiya heyətinin üzvü olmuşdur.
2003-cü ildə təqaüdə çıxmış, 31 mart 2012-ci ildə vəfat etmişdir.[5][8]
Elmi fəaliyyəti
[redaktə | vikimətni redaktə et]Yurukova Trak sikkələri üzrə mütəxəssis idi və bu mövzuda çoxsaylı əsərlər çap etdirmişdir.[3] O, Rhoimetalkes I-in sikkələrinin onun varislərininkindən daha möhtəşəm olduğunu sübut etmişdir.[9] Bundan əlavə, Aşağı Misiyanın sikkələri ilə də məşğul olmuş və orta əsr Bolqar möhürləri və Bizans sigilloqrafiyası sahələrində tədqiqatlar aparmışdır.[3]
Tanınma
[redaktə | vikimətni redaktə et]- Fəxri üzv – Rumıniya Numizmatika Cəmiyyəti (1985)[5]
- Vermeil Jetonu – Fransız Numizmatika Cəmiyyəti (1986)[10]
- Fəxri üzv – Xorvatiya Numizmatika Cəmiyyəti (1987)[5]
- Müxbir üzv – Amerika Numizmatika Cəmiyyəti (1990)[5]
- Fəxri üzv – Bolqarıstan Numizmatika Cəmiyyətləri İttifaqı (1995)[5]
- Fəxri üzv – Belçika Kral Numizmatika Cəmiyyəti (1996)[5]
- Müxbir üzv – Almaniya Arxeologiya İnstitutu (2002)[5]
- Müxbir üzv – Bolqarıstan Elmlər Akademiyası (2008)[8]
Seçilmiş əsərləri
[redaktə | vikimətni redaktə et]- 1971 – "Античните монети в България" (Bolqrasıtanda qədim pullar)
- 1978 – "24 монети и печати от България" (Bolqarıstandan 24 sikkə və möhürlər)
- 1987 – "Монетосеченето на градовете в Долна Мизия и Тракия. II–III в. в Хадрианопол" (Aşağı Miziya və Trakiya şəhərlərinin sikkələri. Adrianapol II–III əsrlərdə)
- 1994 – "Монетите на тракийските племена и владетели" (Trakiya tayfalarının və hökmdarlarının sikkələri)
- 2006 – "Съкровища с виза)нтийски монети )на Балканите" (Balkanlarda Bizans sikkələri xəzinələri)
İstinadlar
[redaktə | vikimətni redaktə et]- 1 2 http://knigabg.com/index.php?page=book&id=29558.
- 1 2 Bibliothèque nationale de France BnF identifikatoru (fr.): açıq məlumat platforması. 2011.
- 1 2 3 "Почина доайенът в нумизматиката проф. д.и.н Йорданка Юрукова". www.24chasa.bg (ingilis). 23 oktyabr 2023 tarixində arxivləşdirilib. İstifadə tarixi: 23 oktyabr 2023.
- ↑ "Секция за нумизматика и епиграфика - Национален археологически институт с музей при БАН". naim.bg. 29 sentyabr 2023 tarixində arxivləşdirilib. İstifadə tarixi: 23 oktyabr 2023.
- 1 2 3 4 5 6 7 8 "Скръбна вест - Национален археологически институт с музей при БАН". naim.bg. 26 sentyabr 2023 tarixində arxivləşdirilib. İstifadə tarixi: 23 oktyabr 2023.
- 1 2 Научноинформационен център "Българска енциклопедия". Голяма енциклопедия "България". Том 12. София, Книгоиздателска къща "Труд", 2012. ISBN 9789548104340. с. 4903.
- ↑ "Почина проф. Йорданка Юрукова". Vesti.bg (bolqar). 9 mart 2023 tarixində arxivləşdirilib. İstifadə tarixi: 23 oktyabr 2023.
- 1 2 "Почина доайенът на българската нумизматика чл.-кор. Йорданка Юрукова". inews.bg (bolqar). 2 aprel 2012. İstifadə tarixi: 24 oktyabr 2023.
- ↑ Wartenberg, Ute. "3 Thracian Identity and Coinage in the Archaic and Classical Period." Arxiv surəti 15 may 2024 tarixindən Wayback Machine saytında Thrace–Local Coinage and Regional Identity: 45.
- ↑ "Médaille et jeton de vermeil - Société française de numismatique" (fransız). 2 sentyabr 2013. 13 oktyabr 2023 tarixində arxivləşdirilib. İstifadə tarixi: 24 oktyabr 2023.