Yulemiste gölü

Vikipediya, azad ensiklopediya
Jump to navigation Jump to search
Yulemiste
et/Ülemiste
Ülemiste.JPG
Səmadan görünüşü.
59°24′ şm. e. 24°46′ ş. u.
Ölkə Estoniya Estoniya
Vilayət
Rayon
  • Kesklin
Yaşayış məntəqəsi Tallin
Tipi Evtrofik
Mütləq hündürlüyü 35,7 m
Eni 3,2 km
Uzunluğu 4,1 km
Sahil uzunluğu 15,219 km
Sahəsi 9,436 km²
Dərin yeri 4,2 m
Orta dərinliyi 2,5 m
Tökülən çaylar Vaskyala–Yulemiste kanalı (Pirita çayından), Kurna çayı, Ruunaoya çayı
Axan çay Tallinn sus sistemi; tarixən Hyaryapea çayı
Yulemiste xəritədə
Yulemiste
Yulemiste
Commons-logo.svg Vikianbarda əlaqəli mediafayllar

Yulemiste gölü (est. Ülemiste järv) — Estoniyanın paytaxtı Tallin şəhəri ətrafında ən böyük göl. Yulemiste gölü Tallin şəhərini içməli su ilə təmin edən Tallin su sisteminin əsas hissəsidir.[1] Göl əsasən Kurna çayı və Pirita çayı (Vaskyala-Yulemiste kanalı ilə) ilə qidalanır.

Gölün şərq sahilində Tallin Hava Limanı yerləşir və təyyarələr gölün üzərindən keçərək hava limanına enirlər. Bu göl mümkün təyyarə qəzalarının qarşısını almaqda yardımcı olur.

Gölün şimalında Tallinn Water Company tərəfindən nəzarət olunan su təmizləmə müəssisəsi yerləşir. Yulemiste gölü şəhərin su təlabatının 90 %-ni qarşılayır. Digər 10 % isə yeraltı sulara aiddir. Lakin göl şəhəri su ilə təmin edə bildiyindən gölün çirklənməsi ehtimalı nəzərə alınaraq yeraltı sular ehtiyat kimi saxlanılır. Hava limanının gölə olan yaxınlığı riski də əhəmiyyətsiz deyildir.

18 mart 2010-cu ildə DHL Antonov An-26 tipli təyyarə donmuş Yulemiste gölünə təcili eniş etməli olmuşdur, nəticədə, 1,5 ton yanacaq gölün suyuna sızmışdır. Lakin göl sonda tamamilə təmizlənmişdir və təyyarənin 6 ekipaj üzvündən heç biri yaralanmamışdır.[2][3][4]

İnzibati cəhətdən göl Tallin şəhərinin Kesklin rayonunun tərkibindədir və yaxınlıqdakı meşələrlə Yulemisteyyarve altrayonunu əmələ gətirir. 1 yanvar 2014-cü ilin məlumatına görə altrayonun əhalisi 203 nəfərdir.[5]

Mifologiya və uydurma[redaktə | əsas redaktə]

Göldə Lindaviki ("Linda qayası") adlı aşınmış qaya parçası yerləşir. Eston mifologiyasına görə qaya parçalarından biri olan Linda əri Kalevin Toompeadakı qəbrinə çatmalı idi, lakin önlüyünü düşürmüşdür. Qaya parçasının üzərində oturan Linda ağlamağa başlamışdır, göz yaşlarından göl əmələ gəlmişdir.

Əfsanəvi "Yulemiste ağsaqqalı"nın (est. Ülemiste vanake) bu göldə yaşadığına inanılır. Deyilənə görə kimsə onunla qarşılaşsa həmin şəxsdən soruşacaq: "Tallin hazırdır?". Əgər şəxs "bəli" desə, şəhəri su basacaq. Düzgün cavab isə belə olmalıdır: "Yox, hələ çox var".

Qalereya[redaktə | əsas redaktə]

İstinadlar[redaktə | əsas redaktə]

  1. "Ülemiste järv" (Estonian). EELIS – Estonian Nature Infosystem. İstifadə tarixi: 2 aprel 2016.
  2. "Cargo plane makes emergency landing on Ülemiste Lake". balticbusinessnews.com. 2010-03-18. İstifadə tarixi: 2 aprel 2016.
  3. "Plane makes emergency landing on frozen lake". Earth Times. 2010-03-18. İstifadə tarixi: 2 aprel 2016.
  4. Tere, Juhan (2010-03-18). "Polish cargo plane falls into ice of Lake Ülemiste in Estonia". The Baltic Course. İstifadə tarixi: 2 aprel 2016.
  5. "Statistical Yearbook of Tallinn 2014". Tallinn City Government. səh. 52. İstifadə tarixi: 2 aprel 2016.

Xarici keçidlər[redaktə | əsas redaktə]

Vikianbarda Yulemiste gölü ilə əlaqəli mediafayllar var.