Yunanıstanda cinayət

Vikipediya, azad ensiklopediya
Naviqasiyaya keçin Axtarışa keçin

Yunanıstanda cinayətlə mübarizə Yunanıstan Polisi və digər qurumlar tərəfindən aparılır. 20-ci əsrin çox hissəsi üçün təhlükəsizlik qüvvələri, əsl cinayətə diqqət etmək əvəzinə, solçu siyasi baxışları olan insanları təqib etmək üçün vaxtlarını sərf etdikləri üçün tənqid olunurdu. Yunanıstanda cinayət nisbəti tarixən Qərbi Avropada ən aşağı səviyyədə olmuş və davam etməkdədir. 1980-ci ildə, Yunanıstan Polis Rəisi Nikon Arkoudeas (Νίκων Αρκουδέας), mütəşəkkil cinayətkarlığa qarşı ciddi bir uğura imza atdı. 1990-cı illərin əvvəlindən etibarən bir çox qeyri-qanuni immiqrantlar MərkəziŞərqi Avropa ölkələrindən, AsiyaYaxın Şərqdən Yunanıstana gəldi. Onların qəfil axını 1990-cı və 2000-ci illər ərzində cinayət işlərinin artmasına səbəb olmuşdur. Yunanıstan Polisi bir neçə zəfər qazanmışdır. Belə ki, mafiya təşkilatlarını parçalamış, 17 noyabr terrorçu qrupunu həbs etmiş, 2004-cü il Olimpiya Oyunları üçün təhlükəsizliyi uğurla təşkil etmiş və 2016-cı ildə ölkədə 2000-dən çox soyğunçu olan böyük cinayət təşkilatı məsuliyyətə cəlb etmişdi. 2002-ci ildə Yunanıstan polisi tərəfindən həyata keçirilən cinayətkarlığa qarşı mübarizə əməliyyatı nəticəsində "İnqilabçı Təşkilat" ın sol qolu terrorçu qrupunun fəaliyyətini dayandırmağa müvəffəq oldu. 2011-ci ildə Yunanıstanda cəmi 184 cinayət törədilmişdi.[1]

Cinayət işləri[redaktə | mənbəni redaktə et]

Mütəşəkkil cinayətkarlıq[redaktə | mənbəni redaktə et]

Yunanıstanda mütəşəkkil cinayətkarlıq artmaqda davam edir. Daxili, habelə xarici cinayətkar dəstələri yunan cəmiyyətində yaxşı kök salmış hesab olunur. Ənənəvi olaraq, mütəşəkkil cinayətkarlıqla əlaqəli adamlar "gecə insanları" kimi tanınırlar (άνθρωποι της νύχτας).[2] Xarici cinayətkar qruplardan Alban mafiyası ən yayğındır. Yunanıstanda, Albaniyalı cinayətkar qrupların fəaliyyəti narkotik maddə ticarəti, insan alveri, qəsb və soyğunçuluqdan ibarətdir. Albaniyalı cinayətkar qruplar tez-tez Yunanıstana, xüsusən də Yaxın Şərq və Pakistanlı biznesmenləri və digər immiqrantları alır və Qərbi Afinanın işçi rayonlarında bir çox gecə klublarına nəzarət edir. Rus qrupları az saydadır, ancaq çox ağır silahlı və təhlükəli, silah qaçaqmalçılığı, qəsb və siqaret qaçaqmalçılığı ilə məşğul olurlar. Aşağı səviyyəli RumıniyaMoldaviya qrupları oğurluq və insan alveri ilə məşğul olurlar. Yerli, etnik Yunan cinayət təşkilatları Alban qrupları ilə ən güclü və siyasi cəhətdən əməkdaşlıq edir və tez-tez Albanları cangüdən və ya qatil kimi işə götürürlər. Yunanıstan mafiyası qanunsuz biznesin qorunması, narkotik maddələrin oğurlanması və idxalı ilə, ölkədə korrupsiyanın artmasından faydalanıblar. kokainheroin ölkəyə gəmilərlə gətirilir: gəmiqayırma sənayesində yunan mafiyasının nümayəndələri var.[3]

Əmlak cinayətləri[redaktə | mənbəni redaktə et]

2011-ci ildən etibarən Yunanıstanda iqtisadi vəziyyətin pisləşməsi ilə əlaqədar olaraq, əmlakla əlaqədar cinayətlərin artması müşahidə olundu.[4] 2005-ci ildə 50,000 bank və evlərin soyğunçuluq hadisəsi qeyd olunmuş, 2009-cu ildə isə 80,000 soyğunçuluq hadisəsi baş vermişdir. Əmlak cinayətlərinin artması xüsusi təhlükəsizlik şirkətləri üçün iş miqdarının artmasına səbəb olmuşdur. Buna baxmayaraq, cinayət dərəcəsi hələ də Qərbi Avropada ən aşağı səviyyədədir. 2016-cı ildə, Yunanıstan polisi, Yunanıstan tarixində ölkənin ən iri və ölkədə 2 minə yaxın evin oğurlanmasında iştirak edən böyük cinayətkar dəstəni müvəffəqiyyətlə dağıtdı və bu əməliyyata ən azı min polis və 37 hakim qatılmışdı.

İmmiqrant cinayətləri[redaktə | mənbəni redaktə et]

Yunanıstan polisi, qonşu Albaniyadan və Bolqarıstandan ölkəyə daxil olan silahlı dəstələrin, çox sayda adamın banklardan pul götürdüklərini və evlərində saxladığı barədə məlumatları əldə etdiklərini bildirdi. 2012-ci ildə Yunanıstanda 1 milyondan çox qaçaq immiqrant var. 2012-ci ildəki Paros təcavüzü kimi immiqrant cinayət hadisələri ümummilli etiraza səbəb olmuşdur. Son bir neçə il ərzində Yunanıstana qanunsuz miqrasiya sürətlə artmışdır. İspaniyaİtaliyanın sərt immiqrasiya siyasəti və onların qonşu Afrika ölkələri ilə qaçaq immiqrasiya ilə mübarizə razılaşmaları Yunanıstana qarşı Afrika köçəri axınlarının istiqamətini dəyişdi. Eyni zamanda, Asiyadan və Orta Şərqdən - əsasən Pakistan, Əfqanıstan, İraqBanqladeşdən immiqrantların axını artmışdır. 2010-cu ildə Yunanıstanda "qeyri-qanuni daxil olma və ya qalmağa" görə 132.524 nəfər həbs olunub, 2006-cı ildə bu göstərici 95.239 nəfər idi. Tutulanların təxminən yarısı (52,469) dərhal deportasiya edildi, əksəriyyəti Albanlardır.[5]

Vergidən yayınma və korrupsiya[redaktə | mənbəni redaktə et]

Yunanıstan son illərdə nəzərəçarpacaq dərəcədə azalma olsa da, nisbətən vergidən yayınma və siyasi korrupsiya mövcuddur. Yunanıstanın xəzinəsi hər il vergilərin ödənilməməsi səbəbindən 30 milyard avro itirir. [6]Bu, Yunanıstanda istehza ilə "milli idman" adlandırılır. 2007 və 2009-cu illər arasında Afinada silahlı quldurluq iki dəfə artıb; Ancaq Afina hələ də Avropanın ən təhlükəsiz paytaxtlarından biridir.[7]

Xarici keçidlər[redaktə | mənbəni redaktə et]

İstinadlar[redaktə | mənbəni redaktə et]

  1. Global Study on Homicide. Arxivləşdirilib 2019-06-02 at the Wayback MachineUnited Nations Office on Drugs and Crime, 2013. Arxivləşdirilib 2022-09-23 at the Wayback Machine
  2. "Organized Crime in Greece: Statistics, Trends and Police Countermeasures in 2011 - Greece". 2011-05-23 tarixində arxivləşdirilib. İstifadə tarixi: 2019-05-07.
  3. ECHO²: UNLEASHING CREATIVITY AGAINST DRUG TRAFFIKING Arxivləşdirilib 2013-10-30 at the Wayback MachineДата обращения 11 августа 2016. Архивировано
  4. Greek Crime Wave Spells Boom for Security Firms Arxivləşdirilib 2022-04-06 at the Wayback MachineBloomberg (17 сентября 2010).
  5. "«Greece: Illegal Immigration in the Midst of Crisis», Charalambos Kasimis, Agricultural University of Athens, March 2012". 2022-06-29 tarixində arxivləşdirilib. İstifadə tarixi: 2019-05-07.
  6. A national sport no more Arxivləşdirilib 2022-05-05 at the Wayback MachineThe Economist (3 November 2012).
  7. Carassava, Anthee. Crime casts long shadow over Athen Arxivləşdirilib 1996-12-21 at the Wayback MachineLos Angeles Times (31 May 2011).