Yunan və Danimarkalı Marqarita
| Yunan və Danimarkalı Marqarita | |
|---|---|
| yun. Μαργαρίτα της Ελλάδας alm. Margarita von Griechenland | |
 | |
| Şəxsi məlumatlar | |
| Doğum tarixi | 18 aprel 1905[1] |
| Doğum yeri |
|
| Vəfat tarixi | 24 aprel 1981[1] (76 yaşında) |
| Vəfat yeri | |
| Fəaliyyəti | əsilzadə |
| Atası | Şahzadə Endryu |
| Anası | Alisa Battenberq |
 Vikianbarda əlaqəli mediafayllar | |
Yunan və Danimarkalı Şahzadə Marqarita (yun. Μαργαρίτα της Ελλάδας και της Δανίας; 18 aprel 1905[1], Afina bələdiyyəsi[d], Mərkəzi Afina[d], Attika – 24 aprel 1981[1], Yuxarı Bavariya, Bavariya) — Yunanıstan və Danimarka şahzadəsi.
1905-ci ildə Afinada dünyaya gəldi. Atası Yunanıstan kralı I Georqun oğlu Şahzadə Endryu, anası isə Batterberq şahzadəsi Alisadır. Dövrün ənənəsinə zidd olsa da, atası onun doğumunda iştirak etdi. 11 mayda ana nəslindən babası Battenberqli Lüdovik və nənəsi Şahzadə Viktoriyanın iştirakıyla vəftiz edildi. Xoşbəxt uşaqlıq illəri yaşadı. İngiliscə, fransızca, almanca və yunanca öyrəndi. Ancaq Yunanıstandakı inqilabi hərəkat səbəbilə, gənclik illərini Avropanın müxtəlif yerlərində keçirdi.
Sürgün illərində ailəsi parçalandı. Anası 1930-cu ildə şizofreniya diaqnozuyla İsveçrədəki bir sanatoriyaya qapadıldı. Atası isə qalan ömrünü Parisdəki məşuqələriylə keçirdi.
20 aprel 1931-ci ildə Saksen-Koburq-Qota hersoqu Şahzadə Alfredin nəvəsi Hohenlohlu Qotfridlə evləndi. Toy mərasiminə Avropanın bir çox monarx ailəsindən məşhur şəxslər qatıldı. Bunlar arasında gəlinin xalası Şahzadə Luiza Mauntbetten, əmisi Şahzadə Georq, bəyin xalaları Şahzadə Viktoriya Melita və Şahzadə Mariya Aleksandra da vardı. Cütlüyün bu nigahdan 6 övladı doğuldu.
- Ölü doğulan bir uşaq (1933)
- Kraft (1935-2004)
- Beatrisa (1936-1997)
- Georq Andreas (1938-2021)
- Ruprext Sigismund (1944-1978)
- Albrext Volfqanq (1944-1992)
1 may 1937-ci ildə əriylə birlikdə Nasist partiyasına üzv seçildi. Vermaxta üzv olan əri Hohenlohlu Qotfrid 1938-ci ildə Anşlussa dəstək verdi. İkinci Dünya müharibəsi illərində bir çox yaxın ailə üzvünü itirdi. Müharibənin ardından Amerikalılar işğal bölgəsində qalan Marqarita və ailəsi canlarını xilas edə bildilər. Ancaq Adolf Hitlerə və nasist partiyasına yaxınlığı səbəbilə digər ailə fərdləri tərəfindən təcrid edildilər. 1948-ci ildən etibarən Yunan monarxial ailəsi tərəfindən bağışlandı və ard-arda Afinada keçirilən tədbirlərdə iştirak etdi. 1950-ci ildə Britaniya monarx ailəsi tərəfindən də bağışlandı və Britaniya taxt-tacının vəliəhdi Şahzadə Yelizaveta ilə evli olan qardaşı Şahzadə Filippin qızı Şahzadə Annanın vəftiz analarından biri oldu. Vaxtilə qardaşının toy mərasimində iştirak edə bilməsə də, 1953-cü ildə qardaşı Şahzadə Filipp və II Elizabetin tacqoyma mərasimində iştirak etdi.
1950-ci ilin dekabrında qaynatasının vəfatından sonra Hohenloh mülkü ərinə miras qaldı. Bu tarixdən etibarən maddi vəziyyətləri biraz daha yaxşılaşdı. Ərinin 1960-cı ildə vəfatından sonra isə bu miras oğlu Şahzadə Krafta keçdi.
1981-ci ildə Bavariyadakı klinikaların birində ürək çatışmazlığından vəfat etdi. Qardaşı Edinburq hersoqu Şahzadə Filippin də qatıldığı cənazə mərasiminin ardından Lanqenburqda dəfn olundu.
Mənbə
[redaktə | vikimətni redaktə et]Ədəbiyyat
[redaktə | vikimətni redaktə et]- Mateos Sainz de Medrano, Ricardo. La Familia de la Reina Sofía: La Dinastía griega, la Casa de Hannover y los reales primos de Europa (ispan). Madrid: La Esfera de los Libros. 2004. ISBN 84-9734-195-3.
- Van der Kiste, John. Kings of the Hellenes: The Greek Kings, 1863–1974. Sutton Publishing. 1994. ISBN 0-7509-2147-1.
- Beéche, Arturo E.; Miller, Ilana D. The Grand Ducal House of Hesse. Eurohistory. 2020. ISBN 978-1-9442-0708-3.
- Hannig, Alma; Winkelhofer-Thyri, Martina. Die Familie Hohenlohe: Eine europäische Dynastie im 19. und 20. Jahrhundert (alman). Cologne: Verlag Böhlau. 2013. ISBN 978-3-41222201-7.
- Petropoulos, Jonathan. Royals and the Reich: The Princes von Hessen in Nazi Germany. Oxford University Press. 2006. ISBN 978-0-19-533927-7.
- Zeepvat, Charlotte. "The other one: Alexandra of Hohenlohe-Langenburg". Royalty Digest Quarterly. mart 1993. ISSN 1653-5219.
- Bertin, Celia. Marie Bonaparte (fransız). Paris: Perrin. 1999. ISBN 2-262-01602-X.
- Delorme, Philippe. Philippe d'Édimbourg: Une vie au service de Sa Majesté (fransız). Paris: Tallandier. 2017. ISBN 979-10-210-2035-1.
- Eade, Philip. Young Prince Philip: His Turbulent Early Life. HarperPress. 2012. ISBN 978-0-00-730539-1.
- Heald, Tim. The Duke: A Portrait of Prince Philip. London: Hodder and Stoughton. 1991. ISBN 0-340-54607-7.
- Vickers, Hugo. Alice: Princess Andrew of Greece. London: Hamish Hamilton. 2000. ISBN 978-0-241-13686-7.
- Goldsmith, Barbara. Little Gloria... Happy at Last. Dell. 1981. ISBN 0-440-15120-1.
İstinadlar
[redaktə | vikimətni redaktə et]- 1 2 3 4 Darryl Roger Lundy. Margarita zu Schleswig-Holstein-Sonderburg-Glücksburg, Princess of Greece and Denmark (ing.). // The Peerage. (İstifadə tarixi: 9 oktyabr 2017).