Məzmuna keç

Yuqoslaviyalı Pyotr

Vikipediya, azad ensiklopediya
Yuqoslaviyalı Pyotr
Şəxsi məlumatlar
Doğum tarixi 5 fevral 1980(1980-02-05)[1] (46 yaş)
Doğum yeri
Fəaliyyəti əsilzadə, qrafik dizayner
Atası Aleksandr (Yuqoslaviya vəliəhd şahzadəsi)
Ailəsi Karacorceviçlər sülaləsi
Vikianbarın loqosu Vikianbarda əlaqəli mediafayllar

Pyotr Karacorceviç (serb-kiril. Петар Карађорђевић; 5 fevral 1980[1], Çikaqo, İllinoys) — Yuqoslaviya kralı II Pyotrun nəvəsi, Karacorceviç sülaləsinin üzvü.

5 fevral 1980-ci ildə Çikaqoda dünyaya gəldi. Atası Yuqoslaviya kralı II Pyotrun vəliəh-şahzadə Aleksandr, anası isə onun ilk xanımı Orlean-Braqanzalı Mariya Qloriyadır. Yuqoslaviya şahzadəsi Olqanın oğlu Şahzadə Aleksandr və Britaniya kraliçası II Yelizavetanın qızı Şahzadə Anna onun vəftiz valideynləri oldu. 1981-ci ilin sonunadək doğulduğu xəstəxanada saxlanıldı və ardından ailəsiylə birgə Virciniyada yaşadı.

Doğulduğu əsnada atası Karacorceviç sülaləsinin başçısı ünvanını daşıyırdı və ailənin böyük oğlu kimi doğulduğu andan vəliəhd ünvanı daşıdı. İlk təhsilini də burada almağa başladı. 1982-ci ildə əkiz qardaşları Filipp və Aleksandr dünyaya gəldi. Ancaq valideynlərinin 1985-ci ildə boşanmasının ardından hər ikisi fərqli şəxslərlə evləndi. Anasının ikinci evliliyindən 2 ögey bacısı dünyaya gəlsə də, atasının Katerina Batislə baş tutan evliliyindən övladı olmadı.

1991-ci ildə atası və qardaşlarıyla birgə ilk dəfə Yuqoslaviyaya rəsmi səfər etdi. 27 fevral 2001-ci ildə Yuqoslaviya Respublikası parlamentinin qəbul etdiyi qanunla, digər bütün Karacorceviç ailə üzvləri kimi Şahzadə Pyotra da vətəndaşlıq verildi. 1998-ci ilin iyununda ingiltərəki Katenburqi Kral Məktəbindən ispan və fransız dili filologiyası üzrə məzun oldu. Ardından London və Nyu-Yorkda qrafik dizayner kimi çalışdı. 2009-cu ildə Nyu-Yorka köçdü və ardından Sevilyada məskunlaşdı. Hal-hazırda Londonda yaşamaqdadır.

Heç vaxt evlənmədi. Ancaq Lauren Estella Cons (1984-) adlı qadından doğulan Dolores Luna Nur (2017-) adlı qızı var.

26 may 2013-cü ildə Oplenatsdakı yenidən dəfn mərasimində iştirak etdi. Serbiya prezidenti Tomislav Nikoliç və hökumət nümayəndələrinin qatıldığı mərasimdə, nənəsi Kraliça Aleksandra ilə yanaşı babası II Pyotr, atasının nənəsi dul Kraliça Mariya və Şahzadə Andreyin də qalıqları buraya yenidən dəfn olundu.

17 iyul 2015-ci ildə Pyotr və qardaşları atasının Belqradda keçirilən 70-ci ad günü şənliklərinə qatıldı. Şənliyə qatılanlar arasında İsveç kralı XVI Karl Qustav və Monako knyazı II Albert də vardı.

27 aprel 2022-ci ildə verdiyi rəsmi açıqlama ilə, özünün və öz şəcərəsindən gələnlərin taxt hüququndan imtina etdiyini elan etdi. Beləcə, vəliəhd ünvanı kiçik qardaşı Şahzadə Filippə keçdi. Atası vəliəhd-şahzadə Aleksandr onun bu qərarından narazı oldu və bu mərasimə qatılmadı.

  1. 1 2 Darryl Roger Lundy. Peter Karageorgievich, Prince of Yugoslavia (ing.). // The Peerage.