Yusif Bağırov

Vikipediya, azad ensiklopediya
Jump to navigation Jump to search
Yusif Bağırov
Yusif Bağırov.jpg
Doğum tarixi 20 yanvar 1924(1924-01-20)
Doğum yeri Bakı, Azərbaycan SSR, ZSFSR, SSRİ
Vəfat tarixi 15 avqust 1995(1995-08-15) (71 yaşında)
Vəfat yeri Gəncə, Azərbaycan
Vətəndaşlığı SSRİ SSRİ
Azərbaycan Azərbaycan
Peşəsi rejissor
Təhsili Bakı Teatr Texnikumu (1947), Azərbaycan Dövlət Teatr İnstitutunu (1952)
Fəaliyyət illəri 1952–1995
Teatr Gəncə Dövlət Dram Teatrı
Mükafatları "Azərbaycan SSR əməkdar incəsənət xadimi" fəxri adı — 1982

Yusif Məmməd oğlu Bağırov (20 yanvar 1924(1924-01-20), Bakı15 avqust 1995(1995-08-15), Gəncə) — Azərbaycanın teatr və kino rejissoru, Gəncə Dövlət Dram Teatrının quruluşçu (1952–1956) və baş rejissoru (1966–1995), Azərbaycan SSR əməkdar incəsənət xadimi (1982).

Həyatı[redaktə | əsas redaktə]

Yusif Bağırov 20 yanvar 1924-cü ildə Bakıda anadan olub. O, ilk təhsilini Bakıda alıb.[1] 1941-ci ildə Bakı Teatr Texnikumuna olsa da, cəbhəyə yollanaraq təhsilini yarımçıq qoyur. 1945-ci ildə müharibədən qayıtdıqdan sonra Bakı Teatr Texnikumunun aktyorluq fakültəsində Mehdi Məmmədov, Məhərrəm HaşımovAleksandr Tuqanov və başqalarından dərs alaraq təhsilinə davam edir. Burada təhsil alığı müddətdə Ağasadıq Gəraybəylidən səhnə texnikası, Kazım Ziyadan isə səhnə danışıqları istiqamətində məsləhətlər alır. Yusif Bağırov 1947-ci ildə Bakı Teatr Texnikumunu fərqlənmə diplomu ilə bitirərək Azərbaycan Dövlət Teatr İnstitutunun (hazırkı Azərbaycan Dövlət Mədəniyyət və İncəsənət Universiteti) rejissorluq fakültəsinə daxil olur və buranı 1952-ci ildə başa vurur. Diplom işi olaraq Ağəli Dadaşovun səhnələşdirmiş olduğu Mir Cəlal Paşayevin "Dirilən adam" əsərini tamaşaya hazırlayaraq ilk debütünü həyata keçirir.[2]

Yusif Bağırov təhsilini başa vurduqdan sonra Gəncə Dövlət Dram teatrına bağlamış, 1952–1956-cı illərdə buranın quruluşçu rejissoru, 1966–1995-ci illərdə isə baş rejissor kimi fəaliyyət göstərmişdir. O, 1956-cı ildən 1966-cı ilə kimi Cəfər Cabbarlı adına "Azərbaycanfilm" kinostudiyasında işləyib. Həmin müddətdə "Koroğlu”, "Kölgələr sürünür", "Əhməd haradadır?", "Mən rəqs edəcəyəm" bədii filmlərinin ikinci rejissoru kimi fəaliyyət göstərib. Yusif Bağırov karyerası ərzində 100-dən artıq bədii filmi Azərbaycan dilinə dublyaj edib. 1959-cu ildə Şəmsi Bədəlbəyli ilə birgə Fikrət Əmirovun "Gözün aydın" əsərini Azərbaycan Dövlət Musiqili Komediya Teatrının səhnəsində tamaşaya hazırlayıb. Rejissor, həmçinin 1961–1963-cü illərdə M. A. Əliyev adına Azərbaycan Dövlət İncəsənət İnstitutunda aktyor sənətindən dərs deyib.[2]

Yusif Bağırov Gəncə Dövlət Dram Teatrında 33 illik fəaliyyəti dövründə yüzlərlə əsərə quruluş vermiş və onlar Gəncə Dövlət Dram Teatrının repertuarının əsasını təşkil etmişdir. O, 15 avqust 1995-ci ildə Gəncədə vəfat edib.

Filmoqrafiya[redaktə | əsas redaktə]

İstinadlar[redaktə | əsas redaktə]

  1. İlham Rəhimli (2017). Azərbaycan Teatr Ensiklopediyası. III. Azərnəşr. səh. 388.
  2. 1 2 Anar Bürcəliyev. "Gəncənin sənət fədaisi" (azərb.). Kaspi. İstifadə tarixi: 2019-09-15.