Yusif Bayramov (müəllim)

Vikipediya, açıq ensiklopediya
Jump to navigation Jump to search
Yusif Bayramov
Yusifbayramov.jpg
Doğum tarixi 3 fevral 1929(1929-02-03)
Doğum yeri Göyçə mahalı, Basarkeçər rayonu, Nərimanlı
Vəfat tarixi 26 fevral 2013(2013-02-26)
Vəfat yeri Gəncə Azərbaycan
Vətəndaşlığı Azərbaycan Azərbaycan
Həyat yoldaşı Kübra Bayramova
Uşaqları Asim Bayramov, Rizvan Bayramov, İqrar Bayramov, Nuru Bayramov, Validə Ellazova, Məhbubə Bayramova
Atası Əli Alıyev
Anası Savad Alıyeva
İxtisası Müəllim, yazıçı
Təhsili İrəvan Pedaqoji İnstitutu
Azərbaycan Dövlət Pedaqoji İnstitutu
Mükafatları "Əmək veteranı" medalı

Yusif Bayramov (3 fevral 1929, Göyçə mahalı, Basarkeçər rayonu, Nərimanlı - 26 fevral 2013 Gəncə Azərbaycan) — müəllim, yazıçı, Əmək veteranı, Maarif əlaçısı[1].

Həyatı və təhsili[redaktə | əsas redaktə]

Yusif Əli oğlu Bayramov 1929-cu ildə Göyçə mahalının Basarkeçər rayonunun, Nərimanlı kəndində anadan olmuşdur. 1947-ci ildə Böyük Məzrə kəndindəki orta məktəbi bitirdikdən sonra 1948-ci ildə İrəvan Pedaqoji İnstitutuna daxil olub. 1948-1953-cü illərdə Ermənistanda yaşayan Azərbaycanlılar məcburi və kütləvi şəkildə Azərbaycana köçürüldükdən sonra İrəvan Pedaqoji İnstitutu da Azərbaycana köçürüldü. Sonralar təhsilini Azərbaycan Dövlət Pedaqoji İnstitutunun tarix fakültəsində davam etdirən Yusif Bayramov həmin institutu 1954-cü ildə bitirir[1].

Fəaliyyəti[redaktə | əsas redaktə]

1988-ci ilə qədər Nərimanlı kəndindəki orta məktəbdə müəllim işləyib[2]. Müəllimliklə yanaşı yaradıcılıqla da məşğul olub. Bir neçə kitab yazıb. Onun bədii yazıları mətbuat səhifələrində çap olunub, efirdə səsləndirilib. 1988-ci ildə Azərbaycanlıların Ermənistandan deportasiyasından sonra Yusif Bayramov da Gəncəyə köçüb oradakı 10 saylı məktəbdə fəaliyyətə başlayıb. 1997-ci ildən Göygöl şəhərindəki 3 saylı orta məktəbdə fəaliyyətini davam etdirir.

Ölümü[redaktə | əsas redaktə]

Həyatının son günlərini Gəncə şəhərində yaşayan Yusif Bayramov 26 fevral 2013-cü ildə dünyasını dəyişib[1].

Mükafatları[redaktə | əsas redaktə]

Azərbaycan Xalq Maarif əlaçısı döş nişanına və Əmək Veteranı medalına layiq görülüb.

Ailəsi[redaktə | əsas redaktə]

AMEA-nın müxbir üzvü, Tibb elmləri doktoru, professor Nuru Bayramovun atasıdır[3].

Kitabları[redaktə | əsas redaktə]

  • Dərmanım Göyçənin Havasındadı. Ankara:1999.
  • Çalmalı Dağ Zirvəsidi Göyçənin. Bakı: Şərq-Qərb, 2000.

İstinadlar[redaktə | əsas redaktə]