Yusif Sadıqov

Vikipediya, açıq ensiklopediya
Jump to navigation Jump to search
Yusif Sadıqov
Yusif Allahverdi oğlu Sadıqov
Yusif Sadıqov.jpg
Doğum tarixi 1964(1964-Şablondakı doğum və ya ölüm tarixində texniki yanlışlıq var!-00)
Doğum yeri Cil, Göyçə mahalı, Ermənistan Sovet Sosialist Respublikası Ermənistan SSR, SSRİ SSRİ
Vəfat tarixi 19 yanvar 1990 (26 yaşında)
Vəfat yeri Bakı, Azərbaycan Azərbaycan SSR, SSRİ SSRİ
Vəfat səbəbi Sovet Ordusunun təcavüzü
Dəfn yeri Şəhidlər Xiyabanı, Azərbaycan Azərbaycan SSR, SSRİ SSRİ
Həyat yoldaşı nişanlı idi
Atası Allahverdi
Anası Kəhriz
Milliyyəti azərbaycanlı

Yusif Allahverdi oğlu Sadıqov — 20 Yanvar şəhidi[1]

Həyatı[redaktə | əsas redaktə]

Yusif Allahverdi oğlu Sadıqov 1964-cü ildə Ermənistan SSR-nin Krasnoselo rayonunun Cil kəndində anadan olub. 1981-ci ildə Cil kənd orta məktəbini qızıl medalla bitirib Azərbaycan Dövlət Universitetinin mexanika-riyaziyyat fakültəsinə qəbul olub. Universiteti fərqlənmə diplomu ilə bitirdikdən sonra aspiranturada oxuyurdu. Təzə nişanlanmışdı, tezliklə toyu olacaqdı ailənin sonbeşiyi Yusif Sadıqovun[2].

  • Fizika-riyaziyyat elmləri doktoru, professor Misrəddin Sadıqovun kiçik qardaşıdır.
  • Azərbaycan alimi, filologiya elmləri doktoru, professor, AMEA-nın Nəsimi adına Dilçilik İnstitutunda "Terminologiya" şöbəsinin müdiri və AMEA Rəyasət Heyəti yanında Terminologiya Komissiyasının sədr müavini Sayalı Sadıqovanın kiçik qardaşıdır.

Bir qolu dəfn olunub[redaktə | əsas redaktə]

O müdhiş gecədən bir gün əvvəl Yusif bacısı Sayalı xanımla söhbətində deyib ki, azadlıq uğrunda həlak olanlar ölmür, şəhid olurlar, azadlıq isə qurbansız olmur. Bəli, azadlıq yolunda, suverenlik yolunda həlak oldu Yusif. Özü də 26 yaşı tamam olduğu gün. Atası Sadıqov Allahverdi yanvarın 20-də Yusifin papağını Salyan kazarmasının yanından tapıb. O gündən ilim-ilim itib Yusif. Fevralın 4-də onun atası yenidən Semaşko adına xəstəxanaya gedir. Ölüxanada bir sağ qoldan çıxan paltarları ona göstərirlər. Atası oğlunun paltarlarını tanıyır. Kəsik qolundan çıxan paltarlar bunlardır: palto, pencək, köynək, jilet, alt köynək. Buna görə də valideynləri belə hesab edir ki, Yusif həlak olub. Bədən isə yoxdur. Onun sağ qolu Şəhidlər xiyabanında basdırılıb.

Həmçinin bax[redaktə | əsas redaktə]

Mənbə[redaktə | əsas redaktə]

İstinadlar[redaktə | əsas redaktə]

  1. İradə Gözəl Vəlibəyli, "Təki Vətən yaşasın!" — butov.az saytı
  2. Gülzar və Tahir İbrahimovlar. "Ulu Göyçənin şəhid oğlu", "Xalq qəzeti", 19 yanvar 2009-cu il