Yusof bin İshak

Vikipediya, açıq ensiklopediya
Jump to navigation Jump to search
Infobox-realisateur.png
Yusof bin İshak
يوسف بن اسحاق
bayraqSinqapur prezidentibayraq
9 avqust 1965 — 23 noyabr 1970
Baş nazir Li Kuan Yu
Sələfi vəzifə təsis edilib
Xələfi Benjamin Henri Şeares

Təhsili Viktoriya məktəbi
İxtisası Jurnalistika
Doğum tarixi 12 avqust 1910
Doğum yeri Taypinq, Perak,Malay Federasiyası
Vəfat tarixi 23 noyabr 1970
Vəfat yeri Sinqapur
Atasıİshak bin Əhməd
Həyat yoldaşıNur Ayişə[Q 1]
Yusof bin İshak

Yusof bin İshak (d.12 avqust 1910(1910-08-12), Taypinq, Perak, Malay Federasiyası — ö.23 noyabr 1970(1970-11-23), Sinqapur) — Sinqapur dövlət xadimi. Sinqapurun birinci prezidenti (1965-1970)

Həyatı[redaktə | əsas redaktə]

12 avqust 1910-cu ildə Malay Federasiyasının Perak əyalətinin Taypinq rayonunun Teronq kəndində anadan olan Yusof, 1759-cu ildə Penanqa köçən Sumatranın Malay Datuk Jannatunun nəslindəndir[1]. Onun atası Minanqkabau əsilli, anası isə İndonesiyanın Lanqkart regionundan Malay əsilli idi. Onun qardaşı Əziz bin İshak, Malayziyalı jurnalist və azadlıq mücahidi idi.

O, ilk təhsili Viktoriya məktəbində alır[2] və daha sonra Raffles İnstitutunda təhsilini davam etdirir. Rafflesdə olduğu zaman Sinqapur Milli Kadet Korpusuna qoşulur. O, Korpusda ilk dəfə yeniyetmə zabit kimi işləyib.

Karyerası[redaktə | əsas redaktə]

1929-cu ildə dostları ilə birlikdə "İdmançı" jurnalını təsis edir. 1932-ci ildən Malay dilindəki "Varta Melayu" qəzetində işləyir və tezlikdə baş redaktorun köməkçisi vəzifəsini tutur. 1938-ci ildə həmkarları ilə birgə "Utusan Malayziya" şirkətini təsis edir və həmçinin qəzetini nəşr etdirir. Yusof, qəzetin birinci redaktoru olur. 1942-1945-ci illər Yaponiya işğalı zamanı o, Malayziyada idi. 1945-ci ildə Yaponiyanın təslim olması ilə Sinqapura qayıdır və qəzetinin nəşrini davam etdirir. 1957-ci ildə Malay Federasiyası müstəqilliyini elan edir və bir il sonra Yusof Kuala-Lumpura köçür və qəzetini orda nəşr etdirir. Lakin yaranan münaqişə ilə Birləşmiş Malay Milli Təşkilatı ona şirkətinin səhmlərini satmağa vadar edir və o Sinqapura köçür.

O, 1959-1965-ci illərdə Sinqapurun general-qubernatoru olur. 1965-ci ildə Sinqapurun Malayziyadan ayrılmasından sonra ölkənin prezidenti olur. 1970-ci ilin 23 noyabrında vəfat edir.

Mükafatları və fəxri adları[redaktə | əsas redaktə]

  • 1963-cü ildə Sinqapurun dövlət mükafatlarından olan Birinci dərəcəli "Temasek" ordeni ilə təltif olundu.
  • "Malayziya krallığının müdafiəçisi" ordeni ilə təltif olunub
  • Bruneyin "Kral ailəsi" ordeni ilə təltif olunub.

Xarici keçidlər[redaktə | əsas redaktə]

Qeydləri[redaktə | əsas redaktə]

  1. Yusof bin İshakın Nur Ayişə ilə evliliyindən bir oğlu və iki qızı dünyaya gəlmişdir.

İstinadlar[redaktə | əsas redaktə]

  1. The Istana – index İstifadə tarixi:2015-11-10
  2. Victoria Bridge School is the previous name of Victoria School which only offered primary school classes at the time. Victoria School is now a secondary school