Yuxu (musiqi qrupu)

Vikipediya, açıq ensiklopediya
Jump to navigation Jump to search
Yuxu
Yuxu (qrup).jpg
Əsas məlumatlar
Üslub heavy metal
hard-rok
folk rok
blüz
Fəaliyyət illəri 19882001
Ölkə Flag of the Soviet Union.svg SSRİ
Flag of Azerbaijan.svg Azərbaycan
Şəhər Sumqayıt
Dil Azərbaycan dili
Keçmiş üzvlər İbrahim Emin
Namiq Nağdəliyev
Cəsur Nemətov
Çingiz Eyvazov
Zaur Abdullayev

Yuxu — Azərbaycan rok qrupu. 1988-ci ildə İbrahim Emin tərəfindən Sumqayıt şəhərində yaradılmışdır. Qrupun ilk mahnısı "Xəzərin sahilində" olub. TürkiyədəAzərbaycanda fəaliyyət göstərən qrup 3 albom buraxıb: "Xəzərin sahilində", "Sumqayıt" və "Ölümə çarə yox". Qrupun bütün mahnıları Azərbaycan dilində idi. İstanbulda baş vermiş güclü zəlzələdən sonra "Yuxu" qrupu fəaliyyətini dayandırıb.

Tarixi[redaktə | əsas redaktə]

"Yuxu" qrupunun üzvləri bass-gitarist İbrahim Eminin başçılığı ilə 1986-1987-ci illərdə Sumqayıt şəhərində birgə işləməyə başlayıblar. 1988-ci ildən isə "Yuxu" adı ilə fəaliyyətə başlayıblar.[1] Qrupun adının ikinci mənası "Sən kimsən?" (ing. You who?) deməkdir.[2][3] İlk çıxışlarını Səməd Vurğun adına Mədəniyyət evində ediblər.[4] 1989-cu ildə qrup "Xəzərin sahilində" mahnısı ilə Qızıl payız musiqi festivalında qaliblərindən biri olub.[5] "Yuxu" qrupu elə bu mahnı ilə məşhurlaşıb. ANS Televiziyasının prezidenti Vahid Mustafayevin dəstəyi ilə bu mahnıya klip də çəkilmişdi. Klip telekanalda nümayiş olunurdu. Bir müddət keçdikdən sonra fransız xanım Paskal "Yuxu" qrupunu Fransada fəaliyyət göstərməyə dəvət edir. Həmin vaxt qrup Türkiyə vasitəsilə Fransaya getməyi qərara alır, lakin Türkiyədə dolların Azərbaycandakından daha baha olmağı onları fikirlərindən daşındırır. Beləliklə, "Yuxu" qrupu elə Türkiyədə fəaliyyət göstərməyə qərar verir. Qrup "Uzelli" şirkəti ilə əməkdaşlığa başlayır və ilk albomlarını - "Xəzərin sahilində" albomunu buraxırlar. Bundan sonra qrup üzvləri Fransaya getmək istəsələr də, musiqi şirkəti onları fikirlərindən daşındırır və onlar Türkiyədə fəaliyyətlərini davam etdirirlər.[4][6] Burada məşhur türkiyəli müğənni Barış Mançonun verilişindəki çıxışları böyük maraqla qarşılanır.[2] Qrup Türkiyədə “Uzelli” şirkətindən “Midas Light Sound” musiqi şirkəti ilə müqavilə bağlayır.[7][5] Lakin bu əməkdaşlıq uğurlu alınmır.[4] 1999-cu ildə İstanbulda baş vermiş güclü zəlzələ Türkiyədə musiqi sahəsinə də mənfi təsir edir. Yaranmış vəziyyətdə "Yuxu" qrupu fəaliyyət göstərə bilmir və 2001-ci ildə fəaliyyətlərini dayandırırlar.[8] Bundan sonra qrup üzvləri müxtəlif sahələrə yönəlirlər.[2][5]

Üzvləri[redaktə | əsas redaktə]

  • İbrahim Emin - bass gitara (1988-2001)
  • Cəsur Nemətov - vokal (1988-1998)
  • Namiq Nağdəliyev - gitara (1988-2001)
  • Çingiz Eyvazov - zərb alətləri (1988-2001)[7]
  • Zaur Abdullayev - vokal (1998-2001)

Albomları[redaktə | əsas redaktə]

"Yuxu" qrupu fəaliyyət göstərdiyi illər ərzində üç albom buraxmışdı: 1988-ci ildə "Xəzərin sahilində", 1994-cü ildə "Sumqayıt" və 1998-ci ildə isə sonuncu - "Ölümə çarə yox" albomlarını buraxmışdılar. Bu albomlardan ilk ikisi Azərbaycanda, sonuncusu isə Türkiyədə yazılmışdı. Lakin albomların üçü də Türkiyədə yayımlanıb. Albomlardakı bütün mahnılar Azərbaycan dilində ifa edilmişdi. "Ölümə çarə yox" albomu ADA musiqi şirkətinə satılmışdı.[7][5]

Xəzərin sahilində (1993)[redaktə | əsas redaktə]

  1. Məni Sənsən Düşündürən
  2. Şər
  3. Al Özünü Ələ
  4. Eşit, Ey Düşmən
  5. İstanbul
  6. Xəzərin Sahilində
  7. Papaq
  8. Üzbəüz
  9. Ala Gözlü Yar
  10. Döngə (Vokalda İbrahim Emin)

Sumqayıt (1994)[redaktə | əsas redaktə]

Əsas məqalə: Sumqayıt (albom)
  1. Bayatı Şiraz
  2. Sumqayıt
  3. Dünya Dəyişmir
  4. Xəyalpərəst
  5. Oyan Yuxudan
  6. Çayçıda
  7. Aldatdın Məni Sən
  8. Qul və Şah
  9. Sev Bu Dünyanı
  10. Yolçu

Ölümə çarə yox (2001)[redaktə | əsas redaktə]

  1. Bəd
  2. Qonşu Qız
  3. Ölümə Çarə Yox
  4. Canlı Meyit
  5. İblis
  6. Sirr
  7. Ulu Tanrım
  8. Hey Qız
  9. Səbinə
  10. Qaradəniz Türküsü

Qrup üzvlərinin sonrakı fəaliyyəti[redaktə | əsas redaktə]

Qrup şəklində fəaliyyətlərini dayandırdıqdan sonra Namiq Nəğdəliyev Türkiyədə musiqi sahəsində fəaliyyətini davam etdirir. Namiq orada Kıraç, Funda Arar, Haluk Levent və digər rokçularla işləyir. Cəsur Nemətov Moskvaya köçüb. İbrahim Emin Azərbaycanda rok musiqisinin inkişafı üçün çalışırdı. 2004-cü ildə Sumqayıtda "Sirr" qrupunu yaratmışdı. İbrahim 2019-cu ildə vəfat edib. Çingiz Eyvazov isə döymə sənəti ilə məşğul olur.[8]

İstinadlar[redaktə | əsas redaktə]

  1. ""CANLI" - "YUXU" qrupu" (Azərbaycanca). Youtube. ASAN Radio (25.04.2017).
  2. 2,0 2,1 2,2 Aqşin (04.07.2019). "SSRİ-ni silkələyən, zəlzələnin dağıtdığı “Yuxu”" (Azərbaycanca). Axar.az. Arxivləşdirilib: [1] saytından 21.07.2019 tarixində. https://web.archive.org/web/20190721113839/https://axar.az/news/musiqi/387575.html. İstifadə tarixi: 21.07.2019.
  3. "Yuxu: “Sən kimsən?”" (Azərbaycanca). Youtube. Azadlıq Radiosu (17.12.2014).
  4. 4,0 4,1 4,2 "Əfsanəvi rok qrupu "Yuxu" haqqında bilmədiklərimiz. Qrupun yaradıcısı İbrahim Eminlə söhbət" (Azərbaycanca). Youtube. Azərtac (28.11.2014).
  5. 5,0 5,1 5,2 5,3 Nurlan Babazadə, Ləman Səfərli (08.07.2016). "Azərbaycan rokunun “Yuxu”su indi haradadır?" (Azərbaycanca). BBC. Arxivləşdirilib: [2] saytından 21.07.2019 tarixində. https://web.archive.org/web/20190721112248/https://www.bbc.com/azeri/azerbaijan/2016/07/160707_yuxu_rock_band. İstifadə tarixi: 21.07.2019.
  6. "İbrahim Emin: ““YUXU”nun ən böyük üstünlüyü onda idi ki, doğma dildə oxuyurdu”" (Azərbaycanca). Sumqayitxeber.com. Arxivləşdirilib: [3] saytından 21.07.2019 tarixində. https://web.archive.org/web/20190721140011/https://sumqayitxeber.com/ibrahim-emin-yuxunun-en-boyuk-ustunluyu-onda-idi-ki-dogma-dilde-oxuyurdu/. İstifadə tarixi: 21.07.2019.
  7. 7,0 7,1 7,2 Xanım Nağıyev (19.03.2013). "İbrahim Emin: “Əfsanəvi “Yuxu” qrupu zəlzələ nəticəsində dağıldı” - MÜSAHİBƏ" (Azərbaycanca). APA. apa.az. Arxivləşdirilib: [4] saytından 21.07.2019 tarixində. https://web.archive.org/save/https://apa.az/az/incesenet-haqqinda/xeber_ibrahim_emin_____efsanevi____yuxu____qrupu_zel_-292616. İstifadə tarixi: 21.07.2019.
  8. 8,0 8,1 Şəhanə Rəhimli (18.12.2014). "Məşhur `Yuxu` rok-qrupunun taleyi necə oldu?" (Azərbaycanca). Azvision. Arxivləşdirilib: [5] saytından 21.07.2014 tarixində. https://web.archive.org/save/https://azvision.az/news/48577/meshur-yuxu-rok-qrupunun-taleyi-nece-oldu-.html. İstifadə tarixi: 21.07.2019.

Həmçinin bax[redaktə | əsas redaktə]

Xarici keçidlər[redaktə | əsas redaktə]