Zöhhak Abbasov

Vikipediya, azad ensiklopediya
Jump to navigation Jump to search
Zöhhak Abbasov
azərb. Abbasov Zöhhak Yaqub oğlu
Doğum tarixi 10 aprel 1939 (1939-04-10) (80 yaş)
Doğum yeri Goranboy rayonu
Azərbaycan Azərbaycan SSR
SSRİ SSRİ
Vətəndaşlığı SSRİ SSRİ
Azərbaycan Azərbaycan
Milliyyəti Azərbaycanlı
Elmi dərəcəsi Texnika elmləri doktoru
Elmi adı professor
Alma-mater Azərbaycan Neft və Kimya İnstitutu
Təhsili ADNA
Üzvlüyü Azərbaycan Milli Elmlər Akademiyası

Abbasov Zöhhak Yaqub oğlu — Azərbaycan alimi, texnika elmləri doktoru, professor, AMEA-nın müxbir üzvü (2001).

Həyatı[redaktə | əsas redaktə]

Abbasov Zöhhak Yaqub oğlu 1939-cu ildə Azərbaycan Respublikasının Goranboy rayonunda anadan olmuşdur. 1961-ci ildə "dağ mühəndis-geoloqu" ixtisası üzrə AzNKİ-nun geoloji-kəşfiyyat fakültəsini bitirərək, 1965-ci ilə qədər Xəzəryanı geoloji kəşfiyyat ekspedisiyasında (Qazaxıstan) operator, böyük geoloq, baş geoloq işləyib. 1965-1975-ci illərdə "Qaradağ-neft" NQÇİ nəzdində Elmi-tədqiqat istehsalat işləri sexinin elmi-tədqiqat laboratoriyasında mühəndisdən rəisə qədər müxtəlif vəzifələrdə işləmişdir. 1969-1973-cü illərdə Azərbaycan EA DNQYPİ-nun aspirantı olub. 1973-cü ildə "Su-neft emulsiyalarının yaranma mexanizminin və onların fiziki xassələrinin tədqiqi" mövzusunda namizədlik dissertasiyası müdafiə etmişdir. 1975-2003-cü illərdə Azərbaycan EA DNQYPİ-da böyük elmi işçi , "Neft-qaz hasilatı texnikası" laboratoriyasının rəhbəri, elmi işlər üzrə direktor müavini işləyib. 1989-cu ildə "Quyularda qaz-maye qarışıqlarının ayerozol strukturunun hərəkətinin qaz-hidrodinamik əsasları" mövzusunda dostorluq dissertasiyası müdafiə etmişdir. 2001-ci ildə Abbasov Z.Y. Azərbaycan MEA müxbir üzvü seçilmişdir. 2003-cü ildən indiyə qədər Azərbaycan MEA Geologiya və Geofizika İnstitutunda "Neft-qaz hasilatı texnikası" laboratoriyasının müdiridir. Abbasov Z.Y. neftin. qazın, qazkondensat qarışığının quyu üsulu ilə hasilatı problemləri üzrə tanınmış alimdir.

Elmi tədqiqatların sahəsi: qaz-maye qarışıqlarının hərəkətinin hidrodinamiki əsaslarının yaradılması, yüksək təzyiqlərdə təbii karbohidrogen sistemlərinin faza vəziyyətlərinin öyrənilməsinin təcrübi və nəzəri termodinamiki üsulları və onların nəticələrinin praktikada tətbiqi məsələləri.

Abbasov Z.Y. 130-dan artıq elmi məqalənin, 3 monoqrafiyanın, 3 metodik vəsaitin müəllifidir. İxtiralara görə 5 müəlliflik şəhadətnaməsi, Azərbaycanın və Rusiya Federasiyasının bir patentini alıb. "SSRİ İxtiraçısı" nişanı ilə mükafatlanıb.

Elmi fəaliyyəti[redaktə | əsas redaktə]

"Neft-su emulsiyalarının yaranma mexanizminin və onların fiziki xassələrinin tədqiqi" mövzusunda namizədlik və "Quyuda aerozol strukturalı qarışıqların hərəkətinin hidriqazo dinamikası" mövzusunda doktorluq dissertasiyası müdafiə etmişdir[1].

Mükafatları[redaktə | əsas redaktə]

  • "Tərəqqi" medalı[1]
  • Əmək veteranı[1]
  • "SSRİ ixtiraçısı"[1]

İstinadlar[redaktə | əsas redaktə]

  1. 1,0 1,1 1,2 1,3 "Abbasov Zöhhak Yaqub oğlu" (azərb.). science.gov.az (2013).