Zöhrab Alıyev

Vikipediya, azad ensiklopediya
Jump to navigation Jump to search
Zöhrab Alıyev
Zöhrab İbrahim oğlu Alıyev
Zöhrab Alıyev.jpg
azərb. ‎Zöhrab Alıyev
Doğum tarixi
Doğum yeri Mişni, Laçın rayonu, Azərbaycan SSR, SSRİ
Vəfat tarixi (53 yaşında)
Vəfat yeri Goranboy, Azərbaycan
Vəfat səbəbi COVID-19
Dəfn yeri Taxtakörpü
Vətəndaşlığı SSRİ SSRİ
Azərbaycan Azərbaycan
Milliyyəti azərbaycanlı
Fəaliyyəti polis əməkdaşı[d]
Mükafatları "Azərbaycan Bayrağı" ordeni — 1993

Zöhrab Alıyev (22 may 1967, Mişni, Laçın rayonu7 iyul 2020, Goranboy) — Qarabağ müharibəsi iştirakçısı, "Azərbaycan Bayrağı" ordeni ilə təltif edilmişdir (1993).

Həyatı[redaktə | mənbəni redaktə et]

Alıyev Zöhrab İbrahim oğlu 22 may 1967-ci ildə Laçın rayonunun Mişni kəndində anadan olub. 1973—1982-ci illərdə Mişni kənd orta məktəbində, sonra isə Bakı şəhərində yerləşən Texniki Peşə məktəbində qaynaqçı- quraşdırmaçı ixtisası üzrə təhsil alıb. 1983—1985 ci illərdə respublikanın müxtəlif rayonlarında həmin ixtisas üzrə iş fəaliyyətini davam etdirib. 1985—1987-ci illərdə Qazaxıstan SSR-də hərbi xidmətdə olubdur. 1988—1989 cu illərdə Rusiya Federasiyasına gedərək fərdi əməklə məşğul olub. 1989 cu ildə Laçın rayonuna qayıdaraq Keşlə Maşınqayırma zavodunun Laçın rayon filialında öz ixtisası üzrə fəaliyyətə başlayıb və 1992-ci il aprel ayına qədər həmin filialda çalışıb. 1992-ci il 10 iyunda könüllü olaraq Azərbaycan Milli Ordusunun 713-saylı batalyonunda hərbi xidmətə başlamışdır. Laçın rayonunun işğaldan azad ediləsi istiqamətində aparılan döyüşlərdə iştirak etmişdir. 19 oktyabr 1992-ci ildə Hoçaz dağı uğrunda gedən döyüşlərdə yaralanmış, 12 dekabra qədər hərbi hosbitalda müalicə olunmuşdur. 15 dekabr 1992-ci ildən Laçın rayon Polis batalyonunda hərbi xidmətini davam etdirib. 1993-cü ildə Laçın RPŞ-nin şəxsi heyəti döyüş fəaliyyətini Füzuli rayonu ərazisində davam etdirmişdir və Zohrab Alıyev döyüşlərdə xüsusi igidlik göstərmişdir. 1993-cü ildə Azərbaycan Respublikası Prezidenti Heydər Əliyevin sərəncamı ilə "Azərbaycan Bayrağı" ordeni ilə təltif edilmişdir.

Zöhrab Alıyev 1994—1999 cu illərdə Azərbaycan Respublikası Daxili İşlər Nazirliyinin Polis Akademiyasında hüquqşünas ixtisası üzrə təhsil alıb. Hal-hazırda fəaliyyətini Laçın rayon Polis Şöbəsində sahə rəisi kimi davam etdirir. Polis mayorudu.

Ailəlidir, iki qızı, bir oğlu var.

7 iyul 2020-ci ildə Goranboy xəstəxanasında COVİD-dən vəfat etmişdir. Taxtakörpüdəki Mişni obasının qəbiristanlığında dəfn olunmuşdur.

Mənbə[redaktə | mənbəni redaktə et]

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]