Zümrüd Məmmədova

Vikipediya, açıq ensiklopediya
Keçid et: naviqasiya, axtar
Zümrüd Məmmədova
Zümrüd Mövlud qızı Məmmədova
Zümrüd Mövlud qızı Məmmədova
Ümumi məlumatları
Doğum tarixi 18 aprel 1956 (1956-04-18) (61 yaş)
Bakı
Peşəsi Müğənni-Xanəndə
Fəaliyyət illəri 1974
Mükafatları
Azərbaycan Respublikasının Xalq artisti
 
"Xalqlar Dostluğu" ordeni

Zümrüd Məmmədova — ( Məmmədova Zümrüd Mövlud qızı) xanəndə,beynəlxalq müsabiqələr laureatı, Azərbaycan Respublikasının Xalq artisti, Prezidentin fərdi təqaüdcüsü, Dosent, BMA-nın böyük elmi işçisi, Müdafiə Nazirliyinin Hərbi Orkestrinin Solisti

Həyatı[redaktə | əsas redaktə]

Zümrüd Məmmədova 18 aprel 1956-ci ildə Quba rayonunun İkinci Nügədi kəndində ziyalı ailəsində doğulmuşdur. Atası Mövlud tarixçi və eyni zamanda gözəl tar ifaçısı olmuş, anası əminə ədəbiyyat müəlliməsi və həmçinin gözəl heykəltaraş, rəssam olmuşdur. İncəsənətə ruhən bağlı ailənin ilk övladı Zümrüd musiqi təhsilini Asəf Zeynallı adına Musiqi kollecində almış, paralel olaraq isə tibb kollecində də oxumuşdur . Daha sonra Azərbaycan Dövlət Mədəniyyət və İncəsənət Universitetinə daxil olmuş buranı da fərqlənmə diplomu ilə başa vurmuşdur. İlk iş yeri Azərbaycan Dövlət Filarmoniyası olmuşdur. Professional səhnəyə gəldiyi 1974-cü ildən Azərbaycanın rayon və kəndlərində, o cümlədən SSRİ dövründə bütün müttəfiq respublikalarda, 100-ə yaxın avropa ölkəsində (Yaponiya, Amerika, Fransa, Norveç, İsveç, Avstriya, Almaniya və s.) çox saylı Ərəb və Afrika ölkələrində festivallarda, qastrol səfərlərində Azərbaycan xalqının milli dəyərlərini, muğamlarımızı təmsil edərək bayrağımızı göyə qaldırmışdır (Vyetnamda Xalqlar Dostluğu medalı (1980), Yaponiyada Min-On (İpək Yolu) festivalı (1989) , Norveçdə festivalın lureat adına (1984), Babil festivalında laureat adına (1989) layiq görünmüşəm ) və s. bir çox ölkələrdə uğurlar qazanmış, bayrağımızı yüksəltmiş, laureat adlarını qazanmışdır.

1993-cü ildən isə Müdafiə Nazirliyinin Hərbi Orkestrinin Solistidir. İncəsənət Universitetinin dostenti və müəllimi olmuşdur. Paralel olaraq İncəsənət gimnaziyasında Müəllimlik fəaliyyəti ilə məşğuldur. Hazırda Ü. Hacıbəyli adına Bakı Musiqi Akademiyasının professoru, böyük elmi işçisi vəzifəsində çalışır.Yaradıcılığına paralel olaraq elmi fəaliyyətlə məşğuldur. Muğamlarımızın tarixin araşdırmaqda, elmi məqalələr, metodik tövsiyələr və s. yazmaqdadır.

Ümummilli lider Heydər Əliyev tərəfindən 1998-ci ildə <<Əməkdar artisti>>, 2003-cü ildə <<Xalq artisti>> fəxri adları ilə təltif edilmiş. Azərbaycan Respublikasının hazırki Prezidenti İlham Əliyev tərəfindən isə fərdi Prezident təqaüdü ilə təmin edilmişdir. İşində qüsursuz xidmətlərinə görə dəfələrələ Müdafiə Nazirliyi tərəfindən dəfələrlə medallarla təltif olunmuşdur. 2014-2016-cı illərdə AZQMƏVŞAİB tərəfindən "Fədai" və "Vətən naminə" medalları ilə təltif olunmuşdur.

Ailəlidir. 1 qızı var. Övladı İlahə Qismət (israfilova) ali təhsilli Bəstəkar, Qara Qarayev təqaüdçüsü, simfonik dirijor, Bakı Musiqi Akademiyasının (BMA) əməkdaşıdır. Xalq artisti, görkəmli bəstəkar, professor Arif Məlikovun bəstəkarlıq sinifinin bakalavr və magistr pillələrini qırmızı diplomla bitirmiş. Hazırda BMA-nın doktorantura pilləsində təhsil almaqdadır (2017). 2014-cu ildə Dövlət neft şirkəti SOCAR-ın yubileyinə həsr olunmuş müsabiqənin qalibi olmuş "Əsrin Müqaviləsi" adlı SOCARın himnin bəstələmiş ARDNŞ-nin prezidenti Rövnəq Abdullayev tərəfindən diplomla təltif olunmuşdur . Qeyd etməliyik ki, əsərin sozləri və musiqisi İlahə Qismətin özünə aiddir İlk ifaçısı Respublikanın Xalq artisti Samir Cəfərov olmuşdur. Gənc bəstəkar bir çox sanballı layihələrin - "Muğamatım bir dəryadır" 2014, "Dalğalansın bayraq" Türkiyə ilə Azərbaycan 2016,"Mən Vətən Torpağı, Vətən daşıyam" 2016 və s. müəllifidir.  Vətənpərvərlik mövzusunda göstərdiyi xidmətlərə görə AZQMƏVŞAİB-nin “Vətən naminə” medalı ilə general R.Əliyev tərəfindən təltif olunmuşdur 2016. Paralel olaraq elmi tədqiqatlar aparan İlahə İsrafilovanın “Gülnaz Abdullazadənin bəstəkarlıq fəaliyyətinin əsas xüsusiyyətləri” adlı monoqrafik kitabı və indiyədək bir çox elmi tədqiqat məqalələri işıq üzü görmüşdür.

22.02.2017 tarixindən etibarən aktiv gənc olan İlahə Qismət xalq artisti, prezident təqaüdçüsü Zümrüd Məmmədova ilə birgə "Beynəlxalq Mədəni Əlaqələr və İncəsənətin İnkişafına Yardım" İctimai Birliyini təsis etmiş, ümumi yığıncağın qərarı ilə təşkilata Sədr seçilmişdir.

https://www.youtube.com/watch?v=7zg2bS-F_nU

https://www.youtube.com/watch?v=uTrUJdRoWsI

https://www.youtube.com/watch?v=ACfviuL-AdY

https://www.youtube.com/watch?v=DX7q3uq5LRY

https://www.youtube.com/watch?v=Nj8OxJQ1NUY

https://www.youtube.com/watch?v=pFccVDyZWjw

https://www.youtube.com/watch?v=dY7y_AgX8Oc

https://www.youtube.com/watch?v=BGEh98lP6gk

https://www.youtube.com/watch?v=bWJg-nI6ZKw

https://www.youtube.com/watch?v=MiqFYs0YaWc

və s. saysız sənət əsərlərinin müəllifidir.