Zəfər tağı (Gəncə)

Vikipediya, azad ensiklopediya
Jump to navigation Jump to search
Zəfər tağı
Ilham Aliyev attended the opening of the Heydar Aliyev Park Complex and the Heydar Aliyev Center in Ganja 59.jpg Zəfər tağı
Ölkə Azərbaycan Azərbaycan
Şəhər Ganja coa.PNG Gəncə
Yerləşir Heydər Əliyev Park-Kompleksi
Hündürlük 38 m
Uzunluğu 50 m
Eni 20 m

Zəfər tağıGəncə şəhərində, Heydər Əliyev Park-Kompleksinin girişində yerləşən memarlıq abidəsi. Zəfər tağı 15 iyun - "Azərbaycan xalqının milli qurtuluş günü"nün rəmzi olaraq ucaldılıb.[1]

Memarlıq quruluşu[redaktə | əsas redaktə]

Eni 20, uzunluğu 50, hündürlüyü isə 38 metr olan Zəfər tağının, ətrafı seyr etmək üçün 30 metr hündürlüyündə meydançası var.[2][3][4] Tağın mərkəzi keçid hissəsinin hündürlüyü 28 m, eni isə 18 metrə bərabərdir. Sütunların hündürlüyü 18, diametri isə 1,2 metrdir. Zəfər tağında restoran, muzey və üst mərtəbədə seyrəngah fəaliyyət görtərir. Yeddi mərtəbəli Zəfər tağında iki ədəd lift quraşdırılıb. Pilləkən qəfəsələrinin sayı 2 ədəddir. Zəfər muzeyi 630 kv.m, Zəfər kafesi 420 kv.m və baxış terrası 420 kv.m ərazini əhatə edir.[5] Tağ 1100 kvadrat metr sahəni əhatə edir və hündürlüyünə və istifadəliliyinə görə dünyadakı Zəfər Tağlarının dördüncüsü hesab edilir.

Gəncədəki Zəfər tağı Avropada antik dövrün məbəd tikintisində geniş istifadə olunan sadə stereobat və stilobatı təşkil edən tava daşlar üzərində tikilib. Tağ iki - şərq və qərb fasadlarından ibarətdir. Tağın fasadındakı mərkəzi hissəsi aşağıdan yuxarıya doğru şüşələrlə, onların üzəri isə həndəsi ornamentlərlə bəzədilib.[6] Zəfər tağının divarlarının hər yandan qarşısını, ümumilikdə, 24 kolon əhatə edib. Kolonların baza hissəsi dor sütunlardakı sadə altlıqlardan və oturacaqlardan ibarətdir.[7][8]

Zəfər tağının qövsşəkilli yuxarı hissəsində (bilavasitə damının altında) nəbati görkəmli rozetlər yerləşir. Tağın yuxarı hissəsini antik memarlıq üslubuna uyğun olaraq antabliment davam etdirir. Bu hissədə arxitrav, friz və karnizlər müşahidə olunsa da, sadə görkəmlidir.[6] Tağın friz hissəsində metopları sadə lövhələr, triqlifləri isə pəncərələr əvəzləyir. Nəhayət, Zəfər tağının yuxarı hissəsini forma və elementlərin aşağı mərtəbələrdəki bənzəri olan fronton tamamlayır. Tikilinin bu hissəsi, əlamətdar günün əzəmətini özündə əks etdirən heykəllər, simvollar, eləcə də digər arxitektura elementləri müşahidə olunmur.[7][8]

İstinadlar[redaktə | əsas redaktə]

  1. yenigence.com (07/01/2016). ""Zəfər Tağı" Gəncəyə xüsusi yaraşıq verir" (azərb.). Çinarə Atayeva. İstifadə tarixi: 2019-10-30.
  2. ganjanews.az (13/09/2017). ""Zəfər Tağı" Gəncəyə xüsusi yaraşıq verir" (azərb.). Mədinə Musazadə. İstifadə tarixi: 2019-10-30.
  3. wikimapia.org. "Zəfər tağı (Gəncə)" (azərb.). İstifadə tarixi: 2019-10-30.
  4. turlar.az (30 may 2019). "Gəncədə görməli olduğunuz yerlər" (azərb.). İstifadə tarixi: 2019-10-30.
  5. ganjanews.az (19/06/2017). "Gəncənin "Zəfər Tağı"" (azərb.). İstifadə tarixi: 2019-10-30.
  6. 1 2 azertag.az (03.10.2017). "Qədim Gəncənin müasir rəmzi - Zəfər tağı" (azərb.). İstifadə tarixi: 2019-10-30.
  7. 1 2 heydaraliyevcenterganja.com (03-06-2018). "ZƏFƏR TAĞI" (azərb.). İstifadə tarixi: 2019-10-30.
  8. 1 2 news.milli.az (4 Oktyabr 2017). "Qədim Gəncənin müasir rəmzi - Zəfər tağı" (azərb.). İstifadə tarixi: 2019-10-30.

Həmçinin bax[redaktə | əsas redaktə]

Xarici keçidlər[redaktə | əsas redaktə]