Zəkəriyə Ağnəzərov

Vikipediya, azad ensiklopediya
Jump to navigation Jump to search
Zəkəriyə Ağnəzərov
başq. Зәкәриә Шәрәфетдин улы Аҡназаров
Doğum tarixi 22 avqust 1924(1924-08-22)
Doğum yeri
Vəfat tarixi 2 aprel 2000(2000-04-02) (75 yaşında)
Vəfat yeri
Dəfn yeri
  • Ufa müsəlman qəbiristanlığı[d]
Təhsili
Fəaliyyəti siyasətçi

Zəkəriyə Ağnəzərov (başq. Бейешев Әхмәт (Әхмәҙулла) Әлмөхәммәт улы; 22 avqust 1924, Zilair kantonu[d], Başqırd MSSR2 aprel 2000, Ufa) — Sovet dövlət xadimi və partiya lideri. Başqırd Muxtar Sovet Sosialist Respublikası Nazirlər Sovetinin sədri (1962-1986).

Bioqrafiyası[redaktə | mənbəni redaktə et]

Başqırd Muxtar Sovet Sosialist Respublikasının Zilayir kantonundakı Yamaşevo fermasında (indi Başqırdıstanın Baymak rayonunda fəaliyyət göstərməyən bir kənd) kəndli Şərəfətdin Ağnəzərovun ailəsində ilk uşaq olaraq dünyaya gəlir.

1940-cı ildə Temyasov Pedaqoji məktəbini bitirib. 1941-1942-ci illərdə Başqırd Muxtar Sovet Sosialist Respublikasının Baymak rayonundakı Murzeevskaya ibtidai məktəbində müəllim işləyir. 22 avqust 1942-ci ildə orduya çağırılır. Ufada xidmət edir, ancaq cəbhəyə göndərilmir.

1946-cı ildən Baymak rayon Ümumittifaq Lenin Kommunist Gənclər İttifaqının ikinci katibi olur.

Müharibədən sonra K. A. Timiryazev adına Başqırd Dövlət Pedaqoji İnstitutunu 1950-ci ildə bitirir. 1962-ci ildə isə Sovet İttifaqı Kommunist Partiyası Mərkəzi Komitəsi yanında Sosial Elmlər Akademiyasını bitirir.

1948-1954-cü illərdə təlimatçı, şöbə müdirinin müavini, katib, ikinci katib, 1951-ci ildən Başqırdıstan Komsomol Komitəsinin birinci katibi. Sovet İttifaqı Kommunist Partiyası Mərkəzi Komitəsi yanında İctimai Elmlər Akademiyasının aspirantı (1960-1962). 1954-1962-ci illərdə Sovet İttifaqı Kommunist Partiyası Başqırd Vilayət Komitəsinin partiya orqanları şöbəsinin müdiri işləmişdir.

1962-ci ilin fevralından 1986-cı ilin yanvarına qədər Başqırdıstan MSSR Nazirlər Sovetinin sədri olur.

Başqırd Muxtar Sovet Sosialist Respublikası 6-9 çağırış SSRİ Ali Soveti Millətlər Sovetinin deputatı (1962-1978) olmuşdur. 9-cu çağırış Ali Sovetinə Başqırdıstan MSSR-nin 511 saylı Oktyabr seçki dairəsindən, Millətlər Sovetinin Nəqliyyat və Kommunikasiya Komissiyasının üzvü seçilmişdir[1][2][3]. Rusiya Sovet Federativ Sosialist Respublikası Ali Sovetinin və Başqırd Muxtar Sovet Sosialist Respublikası Ali Sovetinin deputatı olmuşdur. 1966-1971-ci illərdə Sovet İttifaqı Kommunist Partiyası Mərkəzi Təftiş Komissiyasının üzvü idi.

1986-cı ildə təqaüdə çıxmışdır.

2 aprel 2000-ci ildə Ufada dünyasını dəyişir. Müsəlman qəbiristanlığında dəfn edilir[4].

İstinadlar[redaktə | mənbəni redaktə et]

  1. "Список депутатов Верховного Совета СССР 6 созыва". 2013-07-19 tarixində arxivləşdirilib. İstifadə tarixi: 2015-07-04. (#parameter_ignored_suggest)
  2. "Список депутатов Верховного Совета СССР 7 созыва". 2013-03-13 tarixində arxivləşdirilib. İstifadə tarixi: 2015-07-04. (#parameter_ignored_suggest)
  3. "Список депутатов Верховного Совета СССР 8 созыва". 2013-03-13 tarixində arxivləşdirilib. İstifadə tarixi: 2015-07-04. (#parameter_ignored_suggest)
  4. Акназаров Зекерия Шарафутдинович