Zəng (film, 2021)

Zəng

Zəng – İlham Əliyevin "Dəmir yumruq" əməliyyatı ilə keçirilən və 44 günlük müharibədə çalınan 8 noyabr Zəfər gününə həsr olunmuş qısametrajllı filmdir. Ssenari müəllifliyi və rejissorluğu Ruslan Sabirliyə məxsus bu film 2021-ci ildə çəkilmişdir. Film 8:30 dəqiqə ərzində 30 il müddətdə Azərbaycan xalqının yaşadığı duyğuları, emosiyaları rejissor həlli ilə tamaşaçıya çatdırır.

Filmin qəhrəmanları 30 il öncə I Qarabağ Müharibəsində şəhid olmuş ata və 30 il sonra II Qarabağ Müharibəsində qələbə müjdəsini verən oğuldur. Ata ilə oğul arasındakı duyğusal dialoq filmin süjet xəttini təşkil edir.

Filmin ssenaristi və rejissoru Ruslan Sabirli filmdə qələbə çalmağımızla yanaşı, həm də I Qarabağ müharibəsində canlarından keçmiş şəhidləri də unutmadığımızı vurğulayıb.

Zəng filmi sıradan bir film deyil, intellektual filmdir. Tamaşaçını düşündürən, onu keçmiş illərə və xatirələrə aparan, kövrəldən, sonra da qələbə sevincinin qəhərini yaşadan bir filmdir.

Film haqqında bilinməyən faktlar

1. Rejissor bu filmin ideyasını yuxusunda görüb, sonradan onu ssenari şəklində yazıb və film çəkmək qərarına gəlib.
2. Filmin ssenaridə ilkin adı “Zəfər Zəngi” olub, amma sonra “Zəng” adı ilə əvəzlənib.
3. Filmin əvvəlində saatlar 8:11 göstərir. Bu, 8 Noyabr (11-ci ay) tarixini ifadə edir.
4. Filmin adı əvvəldə qırmızı (qan) rəngdə, sonda isə ağ rəngdə göstərilməsi şəhidlərimizin qisasının alınmasını, qanlarının yuyulmasını ifadə edir.
5. Filmdə 1993-cü ildəki telefonun ağ rəngdə olması şad xəbərə, hazırkı dövrdə olan telefonun qırmızı rəngdə olması isə qanımız hesabına torpaqlarımızı işğaldan azad etdiyimizə işarədir.
6. Köşkdəki telefonun taymerində geri sayımın 44-cü saniyədən göstərilməsi müharibənin 44 gün davam etməsini ifadə edir.
7. Filmdə atanın 27 il xəbəri gözləməsi (1993-2020-ci illər) həm də müharibənin 27 sentyabr tarixdə başlaması ilə uyğunlaşdırılmışdır.
8. Filmdə 2-ci əsgər rolunda aktyor olmayan həqiqi II Qarbağ Müharibəsinin qazisi çəkilmişdir.
9. Filmdə istifadə olunan medallar II Qarabağ müharibəsi şəhidləri - Milli Qəhrəman Həmidov Şükür, gizir Nəsibov Elmar, əsgər Əhmədzadə Rüfət, əsgər Əliyev Qubata məxsusdur.
10. Film Əlibaba Məmmədovun ifasında “Vətən yaxşıdır” mahnısı ilə başlayıb şəhid Yusifzadə Xudayarın ifasında “Xudayar təsnifi” ilə bitməli idi. Lakin, filmin Zəfər Günündə paylaşılmağı nəzərdə tutulduğu üçün sonluq pozitiv ruhda olmalı idi və “Vur, komandir vur” mahnısı ilə əvəzlənmişdir.
11. Rejissorun kiçik dayısı İSAYEV KAZIM və böyük dayısının oğlu İSAYEV ELXAN I Qarabağ Müharibəsində şəhid olublar və o, bu acı ilə illərlə yaşamış, filmi onların əziz xatirələrinə ithaf etmişdir.
12. Filmdə köhnə sovet mənzilində olan çəkiliş müəyyən tələblər səbəbindən yenidən təkrar çəkilmişdir.

Rollarda

Aktyorlar:

Ata - ƏLİ QULU

Oğul / 1-ci əsgər - RUSLAN SABİRLİ

2-ci əsgər - QAZİ KƏNAN KAZIMOV

2-ci əsgərin səsi - VÜSAL MURTUZƏLİYEV

Kommutatorun səsi - AYNUR HÜSEYNOVA

İdeya müəllifi və ssenari: RUSLAN SABİRLİ

Dialoqlar: LALƏ ƏLİYEVA

Rejissor: RUSLAN SABİRLİ

Operatorlar: RƏŞAD QARAYEV və ASİF BƏŞİROV

Texniki assistent: FAİQ AĞAYEV

Qrim: ADİLƏ FƏRRUXOVA və NATALYA NETRUNENKO

Səs rejissoru: VÜSAL HƏSƏNOV

Bum operatoru: SEYMUR HƏSƏNLİ

Koordinator: ƏLİ MÜRŞÜDOV

Assistent: TAMERLAN SABİRLİ

Filmdə istifadə olunan musiqi və səs

Filmdə Azərbaycan Respublikasının Prezidenti, Müzəffər Ali Baş Komandan İlham Əliyevin xalqa müraciətindəki nitqindən istifadə edilmişdir.

”Vətən yaxşıdır“ (”Xudayar təsnifi”)

Mus.: ƏLİBABA MƏMMƏDOV

Söz.: ƏLİAĞA VAHİD

Kamança və simfonik orkestr üçün konsert

Mus.: H. XANMƏMMƏDOV

Kamança: ƏDALƏT VƏZİROV

“Vur komandir, vur!”

Mus.: ƏNVƏR SADIQOV

Söz.: KƏMALƏ HACIYEVA