Zahid Dilbazi

Vikipediya, azad ensiklopediya
Jump to navigation Jump to search
Zahid Dilbazi
Zahid Hacı oğlu Dilbazi
Doğum tarixi
Doğum yeri Xanlıqlar, Qazax rayonu, Azərbaycan SSR, SSRİ
Vəfat tarixi
Vətəndaşlığı SSRİ SSRİ
Azərbaycan Azərbaycan
Elm sahəsi Geologiya-mineralogiya
Elmi dərəcəsi Ali, Elmlər doktoru
Elmi adı Professor
Təhsili Azərbaycan Sənaye İnstitutu

Zahid Hacı oğlu Dilbazi (1928, Qazax rayonu2013) — Azərbaycan alimi, geologiya-mineralogiya elmləri doktoru, Beynəlxalq Ekologiya, İqtisadiyyat va Energetika Akademiyasının professoru, neft sənayesinin elmi bölmələrində direktor müavini.

Həyatı və elmi fəaliyyəti[redaktə | mənbəni redaktə et]

Zahid Dilbazi 1928-ci il sentyabrın 1-də Qazax rayonu nun Xanlıqlar (Musaköy) kəndində anadan olmuşdur. Dilbazilər soyundandır. 1937-1947-ci illərdə Qazax şəhərində orta məktəbdə təhsil almışdır.

1947-ci ildə Azərbaycan Sənaye İnstitutunun (indiki Azərbaycan Dövlət Neft və Sənaye Universiteti) geoloji-kəşfiyyat fakültəsinə daxil olub, 1952-ci ildə oranı dağ mühəndisi ixtisası üzrə bitirmişdir.

1952-1954-cü illərdə Bakı Neft Texnikumunda müəllim işləmişdir.

1954-1959-cu illərdə Neft Akademiyasında müəllimlik fəaliyyətini davam etdirmişdir.

1959-cu ildən 1981-ci ilə qədər Respublika Neft Sənayesinin müxtəlif sahələrində mühüm dövlət vəzifələrində çalışmışdır.

1976-1979-cu illərdə neft sahəsində tanınmış bir mühəndis kimi Əlcəzairdə xidməti ezamiyyətdə olmuşdur.

1976-cı ildə "Kürsəngi Neft-qaz kondensat yatağının geoloji-tektonik va geokimyəvi xüsusiyyətləri və islanmasının bəzi xüsusiyyətləri" mövzusunda namizədlik dissertasiyasını müdafiə edərək geologiya-mineralogiya elmləri namizədi elmi adı almışdır. Beynəlxalq Ekologiya, İqtisadiyyat va Energetika Akademiyasının elmlər doktoru və professorudur. 100-dən əsərin, neft-qaz kondensat yataqlarının axtarışı, kəşfiyyatı və işlənməsi problemlərinə aid 110-dan çox elmi fond hesabatlarının müəllifidir.

1981-ci ildən ömrünün axırına qədər neft sənayesinin elmi bölmələrində elmi işçi, böyük elmi işçi, laboratoriya müdiri, direktor müavini kimi vəzifələrdə çalışmışdır.

2013-cü ildə vəfat etmişdir.

İstinadlar[redaktə | mənbəni redaktə et]

Mənbə[redaktə | mənbəni redaktə et]

  • Salatın Əhmədli, Rövşən Babanlı. "Qazax mahalının alimləri" (ensiklopedik məlumat). "Günəş" nəşriyyatı. Bakı. 2017. 512 səh.