Zahir Əzəmət

Vikipediya, açıq ensiklopediya
Jump to navigation Jump to search
Zahir Əzəmət
Zahir Xanoğlan oğlu Rəhimov
Zahir Əzəmət.jpg
Doğum tarixi 25 aprel 1975 (1975-04-25) (44 yaş)
Doğum yeri Yuxarı Nüvədi, Lənkəran
Vətəndaşlığı SSRİ SSRİ Azərbaycan Azərbaycan
Həyat yoldaşı Sevinc Çılğın
Uşaqları Yavru, Sezay
Atası Xanoğlan
Anası Kitabə
Təhsili Ali
Fəaliyyəti Media
Əsərlərinin dili Azərbaycan

Rəhimov Zahir Xanoğlan oğlu — Azərbaycan şairi, jurnalist.

Həyatı[redaktə | əsas redaktə]

Zahir Əzəmət 1975-ci il aprelin 25-də Lənkəran rayonunun Yuxarı Nüvədi kəndində anadan olub. Burada kənd orta məktəbini bitirdikdən sonra Mingəçevir Politexnik İnstitutunun iqtisadiyyat fakültəsində təhsil alıb (1991–1996).

1998–2000 – N saylı hərbi hissədə hərbi xidməti fərqlənmə ilə başa vurub;

2000–2002 – Bakıda müstəqil yazar fəaliyyəti ilə məşğul olub.

2002 – Gənclər və İdman Nazirliyinin "İlin ən yaxşı şairi" mükafatına laiq görülüb;

2002 – 2003-cü il Mədəniyyət Nazirliyinin "Kino+" qəzetinin direktoru olub;

2003–2006 – Müxtəlif qəzetlərdə ədəbiyyat əlavələrinin hazırlanmasına rəhbərlik edib: "Ədalət" qəzeti, “Yeni Azərbaycan" qəzeti;

2003–2006 – "Sənət" qəzetində şef redaktoru olub;

2006 – "Divar yazıları" adlı şeirlər kitabı çap olunub;

2006–2009 "Alma" qəzetinin şef redaktoru olub;

2007 -ci ildən qaynar.info saytının təsisçisi və baş redaktorudur;

2008 –ci ildən www.Fanat.az İdman saytının təsisçisidir;

2008 – www.Kult.az yarpaq.az saytının təsisçisi və baş redaktorudur;

2009–2011 – www.Milli.Az internet saytının şef redaktoru olub;

2010 – “QAYNAR MEDİA” qrupun qurucusu və rəhbəridi;

2011- ci ildən etibarən üç dildə yayaımlanan ann.az portalının baş redaktorudur;

2017 –ci ildən Adasgarden.com platformasının təsisçisi və rəhbəridir;

2018 – Müstəqil redaktorların birləşdiyi Media Klubunun həmtəsisçisidir;

2009-cu ilə evlənib. Həyat yoldaşı Sevinc Çılğın 10 ildən artıqdır televiziya sahəsində çalışır. Hazırda ARB kanalının Baş redaktorudur. Buna qədər İTV, Xəzər və ATV kanallarında redaktor vəzifələrində çalışıb.

Evlidir 2 övladı var.

Heç bir siyasi partiyanın üzvü deyil.

2000-ci ildən Bakıda yaşayır.


Yaradıcılığı[redaktə | əsas redaktə]

Yaradıcılığa 12 yaşından başlayıb. İlk şeirləri 1990-cı ildə "Lənkəran" qəzetində dərc olunub. Tələbəlik illərində bir neçə dəfə "Mingəçevir işıqları" qəzetində dərc olunub. 2000-ci ldə Bakıya köçəndən sonra şeir və məqalələri "Mərkəz", "Palitra", "Yeni Azərbaycan", "Ədalət", "Azadlıq", "Ekspress", "Kino+", "Kaspi", "Sənət qəzeti", "Alma", "Yazar" qəzetlərində, "Ulduz","Söz", "Mars", "Yazı" jurnallarında dərc olunub.

2002-ci ildə Gənclər və İdman Nazirliyinin təsis etdiyi "İlin ən yaxşı şairi" mükafatını alıb. Şeirləri gürcü, rus, ingilis dillərinə tərcümə olunub. Xarici ölkələrdən Gürcüstan, Rusiya, Türkiyə və İranda dərc olunub.

Fərdi yaradıcılıqda bir çox uğurlara imza atib. Gənclərin "Nəfəs" ədəbi qrupunun təşkilatçılarından biri olub (2001-2002).

Kitabları[redaktə | əsas redaktə]

  • "Divar yazıları", Bakı: "Adiloğlu", 2006
  • "Balaca adam", Bakı: "Qanun", 2014

İstinadlar[redaktə | əsas redaktə]