Zaman-Azərbaycan (qəzet)

Vikipediya, açıq ensiklopediya
Jump to navigation Jump to search
Picto infobox newspaper.png
Zaman-Azərbaycan
Baş qərargah Bakı, Tbilisi prospekti 1058-ci məhəllə, ev 34
www.zaman.az

Zaman-Azərbaycan - "Zaman-Azər MMC"-nin təsis etdiyi qəzetdir.

Təsisi[redaktə | əsas redaktə]

“Zaman-Azərbaycan” qəzeti ilk dəfə 1991-ci ilin may ayının 24-də çap olunmuşdur. “Zaman-Azərbaycan”ın ilk nəşrləri İstanbulda çap olunaraq, təyyarə ilə Bakıya gətirilmişdir. O zamanlar Azərbaycan hələ müstəqilliyini bərpa etməmişdi. Sovet İttifaqı dağıldıqdan sonra, Azərbaycan müstəqilliyini elan edən kimi “Zaman-Azərbaycan” qəzeti ölkədə ilk xarici qurum kimi qeydiyyatdan keçmişdir. Bundan sonra “Zaman-Azərbaycan” tamamilə Azərbaycanda hazırlanmış və Azərbaycan Dövlət Nəşriyyatında çap olunmuşdur. Müstəqilliyin ilk illərində yalnız köhnə mətbəələr var idi. Ona görə də, rəngli kağız və dünya standartlarına uyğun çap imkanı yox idi. Bu problemi həll etmək üçün “Zaman-Azərbaycan” ilk dəfə ölkəyə rəngli mətbəə gətirmişdir. Bu, Azərbaycan tarixi üçün ilk rəngli mətbəə idi.

Nəşrləri[redaktə | əsas redaktə]

1996-cı ilin mart ayında “Zaman-Azərbaycan” qəzeti latin qrafikalı əlifba ilə uşaqlar üçün “Tumurcuq” qəzetinin nəşrinə başlamışdır. Ölkə latın əlifbası ilə yazılmış ədəbiyyat sarıdan korluq çəkdiyindən “Tumurcuq” məktəblilər üçün sinifdən xaric oxu materialı kimi ən yaxşı mənbə idi. Hətta Azərbaycan Respublikası Təhsil Nazirliyi bütün məktəblər üçün sinifdən xaric oxu materialı kimi “Tumurcuq” qəzetini tövsiyə etmişdir. “Zaman-Azərbaycan” həmçinin xüsusi nəşrləri ilə də yadda qalmışdır. Azərbaycanın dövlət müstəqilliyinin bərpasının 10 illik yubileyinə, 20 Yanvar faciəsinin 10 və 19 illiklərinə və ikinci minilliyin sonuna həsr olunmuş xüsusi buraxılışlar bütün zamanlarda tədqiqatçılar üçün çox mühüm bir sənəd hesab olunmaqdadır.

Mənbə[redaktə | əsas redaktə]