Zaqreb kafedralı

Vikipediya, açıq ensiklopediya
Keçid et: naviqasiya, axtar
Zaqreb kafedralı
xorv. Zagrebačka katedrala
2011-08-18 18-31-41 Croatia Zagreb Cathedral Square 6vl.jpg
Görünüşü.
Ölkə Flag of Croatia.svg Xorvatiya
Status kafedral
Şəhər Zaqreb
Aidiyyatı Roma-Katolik kilsəsi
Memar Herman Bole (son rekonstruksiya)
Tikilmə tarixi XIII əsrin ortaları
18801906 (rekonstruksiya/əlavələr)
Üslubu Qotika (orijinal)
Neoqotika (XIX əsr rekonstruksiyası)
Rəsmi adı: Zagrebačka katedrala
Tipi Mədəni
Təyin edilib 9 mart 2013[1]
Dövlət Xorvatiya
Zaqreb kafedralı is located in Croatia
Zaqreb kafedralı
Zaqreb kafedralı
Commons-logo.svg Zaqreb kafedralı Wikimedia Commonsdа Koordinatlar: 45°48′52″N 15°58′47″E / 45.81444°N 15.97972°E / 45.81444; 15.97972

Zaqreb kafedralı (xorv. Zagrebačka katedrala) — Xorvatiyanın paytaxtı Zaqrebdə, Kaptolda yerləşən Roman-Katolik kafedralı. Xorvatiyanın ən hündür tikilisidir, Alp dağlarının cənub-şərqində yerləşən qotika üslubunda olan tikililərdən biridir.[2] Kafedral Məryəmin göyə çıxmasına, eləcə də, I İştvan və I Lasloya həsr olunmuşdur. Kafedralda yerləşən sakristiya böyük memarlıq dəyərinə malikdir. Kafedralın gözəçarpan şpilləri görməli yerlərdən biri hesab olunur və şəhərin bir çox yerlərindən şpilləri görmək olar.

Tarix[redaktə | əsas redaktə]

1093-cü ildə Kral Laslo (1040-1095) yepiskop kafedrasını Sisak şəhərindən Zaqreb şəhərinə köçürmüşdür və mövcud kilsə kafedral elan edilmişdir. Kafedralın tikintisinə kralın ölümündən qısa müddət sonra başlanılmış və 1217-ci ildə tamamlanaraq Kral II Andraş tərəfindən təqdis olunmuşdur. Tikili 1242-ci ildə monqollar tərəfindən dağıdılmışdır, lakin bir neçə il sonra yepiskop Timotej (1263-1287) tərəfindən bərpa edilmişdir. XVI əsrin sonlarında Xorvatiyanı işğal etmiş Osmanlı imperiyası kafedral ətrafında istehkam divarları tikməyə başlamışdır və divarların bir hissəsi hələ də salamatdır. XVII əsrdə kafedralın cənub tərəfindən möhkəmləndirilmiş intibah qülləsi ucaldılmışdır və qüllədən Osmanlı imperiyasına qarşı hərbi məqsədlər üçün (müşahidə) istifadə olunmuşdur.

1880-ci ildə baş vermiş Zaqreb zəlzələsi zamanı kafedral böyük ziyan görmüşdür. Əsas nef çökmüş və qüllə dağılmışdır. Kafedralın rekonstruksiyası ilə memar Herman Bole məşğul olmuşdur. O, kafedralı neoqotika üslubunda yenidən bərpa etmiş və indiki görkəminə salmışdır. Rekonstruksiyanın bir hissəsi kimi qərb tərəfdə hündürlüyü 108 metr olan iki şpil ucaldılmışdır. Bu şpillər hazırda kafedralın ekstensiv bərpasının bir hissəsi kimi bərpa olunur.

1000 Xorvatiya kunasının 1993-cü ildə buraxılmış buraxılışının arxasında kafedralın təsviri vardı.[3]

Kafedralın genişliyi 46 metr, hündürlüyü 108 metrdir.[4] Şimal qülləsində 5, cənub qülləsində 3 zəng vardır.[5] Kafedralda xorvat heykəltəraş İvan Meştroviç tərəfindən hazırlanan kardinal Aloizie Stepinasın relyefi yerləşir. 5 iyun 2011-ci ildə Papa XVI Benedikt kafedralı ziyarət etmiş və I İştvanın məzarı önündə dua etmişdir.

Qalereya[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Zaqreb kafedralı ilə əlaqəli mediafayllar var.