Zarağan

Vikipediya, azad ensiklopediya
Jump to navigation Jump to search
ZARAĞAN

40°55′57″ şm. e. 47°48′04″ ş. u.

Ölkə Azərbaycan Azərbaycan
Rayon Qəbələ rayonu
Tarixi və coğrafiyası
Saat qurşağı
Əhalisi
Əhalisi 2804 (2009) nəfər
Rəqəmsal identifikatorlar
Poçt indeksi AZ3630[1]
Xəritəni göstər/gizlə
Zarağan xəritədə
Zarağan
Zarağan

Zarağan — Azərbaycan Respublikasının Qəbələ rayonunun inzibati ərazi vahidində kənd.

Tarixi[redaktə | əsas redaktə]

Zarağan kəndi rayon mərkəzindən 7 kilometr cənub qərbdə, Dəmiraparan çayının sahilində, Alazan-Həftəran vadisindədir.[2] 15.04.2005 Azərbaycan Respublikasının bəzi rayonlarının inzibati ərazi bölgüsündə qismən dəyişikliklər edilməsi haqqında Azərbaycan Respublikasının qanununa əsasən Aydınqışlaq və Daşca kəndləri Zarağan kənd inzibati ərazi dairəsinin tərkibindən ayrılaraq, həmin kəndlər mərkəz olmaqla, Aydınqışlaq və Daşca kənd inzibati ərazi vahidləri yaradıldı.

Toponimikası[redaktə | əsas redaktə]

Zarağan oyk., sadə. Qəbələ r-nunun eyniadlı i.ə.v.-də kənd. Dəmiraparan çayının sahilində, Alazan-Əyriçay çökəkliyindədir. Keçmişdə Qəbələ şəhərinin 3 km.-liyindəki Şıx Taci qəbristammn yanında yerləşirdi. Çökək yerdə, həm də çay ağzında olduğuna görə əhali indiki yerə köçüb, burada məskunlaşmışdır. Kəndin adı ərazidəki sarağan (vəlgə də adlanır) ağacının bolluğu ilə əlaqədardır. Həmin ağacm yarpağından keçmişdə dəri aşılamaq, özəyindən isə san boya almaq üçün istifadə olunurdu. Ərazidə Sarağan meşəsi də var.[3]

Mədəniyyəti[redaktə | əsas redaktə]

Üç yolunayrıcındakı (Qəbələ-Bakı, Qəbələ-Ağdaş və Qəbələ-Oğuz) bu məkan həm də iri ticarət obyektləri ilə zəngindir. Şəhərə yaxınlığı və yol kənarında olması zarağanlılara yeni açılan iş yerlərində çalışmaq imkanı verir. Bu kənddə də artım hiss olunur. Sosial vəziyyəti yaxşı olan camaatın gəliri çoxaldıqca, əhalinin güzəranında, dolanışığında da dəyişiklik nəzərə çarpır. Kənddə mavi yanacaqdan istifadə edilir, ATS elektronlaşıb. Enerji təminatında problem yoxdur. Məktəb, tibb məntəqəsi, kitabxana və bir sıra ictimai iaşə obyektləri fəaliyyət göstərir.[2]

Təhsilin vəziyyəti[redaktə | əsas redaktə]

  • Zarağan kəndində 1 uşaq bağçası və 2 dənə orta məktəb fəaliyyət göstərir. Məktəblərdə təhsilin vəziyyəti yaxşı hesab etmək olar.
  • Zarağan kənd uşaq bağçasının direktoru-Əfəndiyeva Natavan Sabir qızı
  • Zarağan kənd 1 №-li tam orta məktəbi
  • Müəllimlərin sayı–75 nəfər
  • Şagirdlərin sayı–600 nəfər
  • Məktəbin direktoru–Hidayətova Məlahət Şirin qızı
  • Zarağan kənd 2 №-li tam orta məktəbi
  • Müəllimlərin sayı–51 nəfər
  • Şagirdlərin sayı–370 nəfər
  • Məktəbin direktoru–Mordvinseva Olqa Nikolayevna

Əhalisi[redaktə | əsas redaktə]

Tanınmış şəxslər[redaktə | əsas redaktə]

Elman Məmmədov 1948-ci ildə Azərbaycan Respublikası Qəbələ rayonu, Zarağan kəndində anadan olub. 25 sentyabr 2006-cı ildə Azərbaycan Respublikası Prezidentinin Sərəncamı ilə Gəncə Dövlət Universitetinin rektoru təyin olunmuşdur.

Həmçinin bax[redaktə | əsas redaktə]

Xarici keçidlər[redaktə | əsas redaktə]

Mənbə[redaktə | əsas redaktə]

http://www.meclis.gov.az/?/az/legislation/view/495

İstinadlar[redaktə | əsas redaktə]

  1. ↑ Azərpoçt. "İndekslər" (azərb.). www.azerpost.az. 2016-04-19 tarixində orijinalından arxivləşdirilib. İstifadə tarixi: 2016-04-19.
  2. ↑ 1 2 Şəlalə Məhyəddinqızı, "Qəbələ Qafqazın incisi", Bakı, "Oğuz Eli", 2009.
  3. ↑ Azərbaycan Toponimlərinin Ensiklopedik Lüğəti. Azərbaycan Milli Elmlər Akademiyası. Nəsimi adına Dilçilik İnstitutu. Şərq-qərb Bakı-2007. səh.427
  4. ↑ Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629


Qəbələ rayonu  Qəbələ rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.
Kənd  Kənd ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.
Mənbə — "https://az.wikipedia.org/w/index.php?title=Zarağan&oldid=4957106"