Zeynalabdin İsgəndərov

Vikipediya, açıq ensiklopediya
Jump to navigation Jump to search
Zeynalabdin İsgəndərov
Zeynalabdin Əli oğlu İsgəndərov
Fotoqrafiya
Doğum tarixi 1949(1949-İfadə xətası: "{" punktuasiyasının tanınmayan simvolu.-{{{3}}})
Doğum yeri Bakı, Flag of the Azerbaijan Soviet Socialist Republic.svg Azərbaycan SSR
Milliyyəti Azərbaycanlı
Vətəndaşlığı Flag of the Azerbaijan Soviet Socialist Republic.svg Azərbaycan SSRFlag of Azerbaijan.svg Azərbaycan
Fəaliyyəti heykəltəraş
Təhsili Əzim Əzimzadə adına Bakı Rəssamlıq Məktəbi
V.I.Surikov adına Moskva Dövlət Rəssamlıq İnstitutu
Mükafatları Əməkdar rəssam

Zeynalabdin İsgəndərov — (Zeynalabdin Əli oğlu İsgəndərov ; d. 1949, Bakı şəhəri, Azərbaycan) — Azərbaycan Rəssamlıq Akademiyasının dosenti, Əməkdar rəssam [1] (2006), heykəltəraş

Həyatı[redaktə | əsas redaktə]

1949-cu ildə Bakıda çoxuşaqlı ailədə dünyaya göz açıb. Ailənin sonuncu övladı olan Zeynalabdinin rəssamlığa və heykəltəraşlığa böyük həvəsi olub. Odur ki, gələcək taleyini müəyyənləşdirmək üçün Əzim Əzimzadə adına Bakı Rəssamlıq Məktəbinin Heykəltəraşlıq fakültəsinə daxil olur, 1966-1970-ci illərdə burada təhsil alır. 1971-1977-ci illərdə o, V.I.Surikov adına Moskva Dövlət Rəssamlıq İnstitutunda təhsilini davam etdirir. Burada təhsil aldığı dövrdə məşhur heykəltəraş, SSRİ Rəssamlıq Akademiyasının rektoru Nikolay Tomskinin emalatxanasında çalışır. Məşhur heykəltəraşla çalışmaq onun üçün ikiqat məktəb olur. 1977-ci ildə Bakıya qayıdır, həm yaradıcılıqla məşğul olur, həm də bu sənətdən dərs deməyə başlayır. 40 ilə yaxındır ki, heykəltəraşlıq sahəsində bilik və bacarığını gənc nəslə öyrədir, Azərbaycan Dövlət Rəssamlıq Akademiyasının (ADRA) professorudur. Ailəlidir, Əli və Həsən adlı 2 oğlu var. Hər ikisi rəssamdır. Övladları Roma Müasir Rəssamlıq Akademiyasında magistratura və doktorantura pillələri üzrə təhsillərini davam etdiriblər. Həsən indi Romada təhsil aldığı akademiyanın prezidentinin referenti vəzifəsində çalışır. Əli isə 2016-cı ildə vətənə qayıdaraq ADRA-da rəngkarlıqdan dərs deməyə başlayıb. Bu il həm də qardaşların Romada birgə sərgisi keçirilib


Əsərləri[redaktə | əsas redaktə]

  • Ən məşhur əsərlərindən biri 1982-ci ildə indiki Şirvan şəhərində ucaldılmış Leninin abidəsi olub. İmperiya dağılanda həmin heykəl də uçurulub.
  • Sənətkarın “Səttar”, “Namaz”, ”Külək”, “Mütəffəkir”, “Musiqiçi” və s. kompozisiyaları əsl sənətin obrazlarda ifadə olunması həqiqətini təsdiqləyən plastika nümunələridir.
  • Heykəltəraş Sara Qədimova, Lətif Kərimov, Mikayıl Abdullayev, Maral Rəhmanzadə, Leyla Bədirbəyli, Emin Sabitoğlu, Möhsün Sənani və başqa görkəmli şəxsiyyətlərin qəbirüstü abidələrini, barelyeflərini hazırlayıb.

Mükafatları[redaktə | əsas redaktə]

İstinadlar[redaktə | əsas redaktə]

  1. Azərbaycan rəssamlarına Azərbaycan Respublikasının fəxri adlarının verilməsi haqqında 29 dekabr 2006-cı il tarixli, 1887 nömrəli Fərmanı

Mənbə[redaktə | əsas redaktə]

Xarici keçidlər[redaktə | əsas redaktə]